麥當勞 (形點 II)

营业中

休息中

香港的McDonald's今天出了新口味而我又怎會錯過呢 所以我就去買左試試了在早餐時間買只需加HKD$8就有一杯慳錢時間🤣🤣 過了早上1100就是正價·爆谷焦糖咖啡☕由於沒有太多時間點了外賣 賣相沒有堂食靚雖有我拍照拍得好一點吧🤭味道沒有太大的分別 不過口感豐富了很多店員還很甜心地分開裝爆谷 以防破壞口感

由現在到12月31日麥當勞有微信推廣，只要第一次惠顧滿$20，之後每次惠顧可以減$10再送$10現金券，今晚我自己一個人吃晚餐，所以用這個優惠，而且可以同時用麥樂會或媽咪會優惠，感覺十分划算。依家麥當勞有晚上送餐服務，但我坐近出餐位置，見到我的號碼可以取餐便直接將牌交回服務員~~~我點了4片牛肉的雙層巨無霸餐，這個餐其中兩片牛肉是沒有醬汁接觸，味道尚算ok，而我就放棄食薯皇轉回薯條，感覺不夠熱。由於現在麥當勞不再派飲管，所以飲東西不夠方便，但是為了環保就算了吧！

好鍾意麥當勞薯條嘅shake shake粉一向都推陳出新， 今次除咗有港式燒味粉之外仲有我最鍾意嘅避風塘炒蟹粉， 佢哋令到薯條唔單止再係鹹鹹地，仲有一股辣辣地又不失本地嘅味道，呢隻味道真好貼近避風塘炒蟹！ 仲叫左脆香雞翼餐加大，脆香雞翼炸得好可口，脆脆哋嘅外皮再加上入面好嫩嘅雞肉，very good!!

呢間麥當勞加入左自動點餐機，數量都好足夠事情能解決繁忙時間太多人點餐的問題，不用等太久。這間快餐店員工亦很友善，衛生情況良好。等餐不會太慢，所以趕時間都會去呢度食個快嘅

很久沒有吃麥記的早餐了，今上趕忙上班，見麥記沒有排隊的人龍，吃了個熱香餅配豬柳的早餐。服務仍然不足，明知客人是趕上班，還慢條斯理。我的桌子放了走了客人的餐盤剩餘物，久久沒店員清理，直至我大聲叫人，才有店員黑口黑面不洩地清理。先講杯咖啡，又苦又澀，零咖啡味，像喝廿四味似的，太差了。熱香餅曾幾何時是軟錦又好吃，現在吃落太腍散，沒有鬆軟口感，成Pet粉皮似的，豬柳煎成黑炭般，較落死咸肉散，絕不是新鮮貨，好像是陳年雪藏豬柳，無肉味可言，不吃也罷。唯一最好吃是薯餅，仍然是薯味十足又香口，吃到粒粒薯肉，但早餐只有薯餅好吃，下次只買薯餅算數，麥記的早餐可謂每況愈下，真的要好好檢討下。

家中小B上學前班了，上個半鐘堂，時間多左又廢事回家，便來麥當勞食個早餐。麥芝蛋包套餐（$14）＆芝蛋脆雞堡套餐（$18）第一日先吃個輕便啲嘅，一個包加一杯飲品都係十幾蚊，咁又真係幾平嘅。芝蛋脆雞堡炸雞扒加雞蛋，早餐多人買即整嘅，熱辣辣都幾好味，喜歡食呢種鬆餅包面，煙煙韌韌的。麥芝蛋包另外仲有麥芝蛋，軟綿綿的口感，半瀜芝士正。熱港色奶茶＆熱優質即磨咖啡（+$1）奶茶幾香滑，咖啡夠香，兩樣不加糖都無苦澀。精選早晨套餐（$30.50）＆熱香餅套餐（$30.50）第二日試下其他先，早餐同熱香餅。早餐個蛋又意外地多喎。熱香餅好香軟，加埋牛油同糖漿勁正。薯餅都係熱㗎，好脆呀～餐具袋入面已有果醬，鹽同胡椒，又幾好喎唔使問。珍寶套餐（$34）第三日叫左最大份嘅珍寶餐，食完飽到lunch都唔使食。勁豐富，又包又熱香餅，一次滿足哂想食嘅野。薯餅依舊很香脆，真係好好味㗎，哈哈，隔離枱位哥仔叫左四塊薯餅一個人食哂，正喎。老麥早餐都好抵食吖，預啱多人買熱辣辣最正。

今日屋企無飯開去左老麥，反正伊家wechat減$10。順便試試佢個黑松露薯條，終是我叫左個板燒雞腿飽餐配黑松露薯條加柚子特飲$31.5， 平$10即係$21.5 好抵，可惜伊間麥記真係麻麻，首先負責放餐既職員一舊飯咁，到我攞餐收左我張飛又唔講邊個係我個餐，個枱面十幾廿萬個餐我點知，問佢又無反應on 居居食煎堆。最後我自己搵番個餐出黎。講番食物，個板燒雞腿包都唔錯既，可惜我想試個薯條林過毛巾，隻醬我幾鍾意但都補唔番，柚子特飲就正正常常。

有冇人記得以前m記出過個手撕雞洋蔥圈包？嗰時覺得嗰個包幾好食🤔今次見m記又出番手撕雞，就決定一定要試吓😆雖然今次唔係配洋蔥圈，而係配m記嗰塊好厚嘅130g安格斯牛肉🤔.其實食之前都有見到網上有人話個包根本冇手撕雞，而係得手撕雞醬😂我今次食就見到都有啲手撕雞碎嘅😂只能說呢啲手撕雞真係撕得好徹底🤣不過其實有幾多手撕雞都未必係重點了，因為食落都係會俾個醬汁嘅味道蓋過😛個香辣洋蔥醬食落有好微微嘅辣，我覺得個醬都算好食嘅。本身猶豫叫唔叫多醬，最後原來正常份量嘅醬汁都算多，所以唔洗叫多醬都ok。加上白芝士、紫椰菜、烤蘑菇同塊安格斯牛，整體食落感覺都幾豐富。值得一提係我之前食過一次安格斯漢堡，塊安格斯牛都幾乾吓，但今次可能因為有香辣洋蔥醬，夾埋食就唔覺塊牛乾。我覺得呢個包可以一試，但唔會特別有encore意欲🤣同埋而家食m記都要45蚊啦😱.btw會唔會有人好奇點解我呢個包好似好多餡咁？😂只要將向紙入面嘅包擰番轉出嚟，就應該都會有呢個效果😂因為通常啲醬同料都跌哂去嗰面🤣其實冇影到嘅另一面係見唔太到啲雞碎同醬汁🤣

呢間麥記又細，身為快餐店，出餐仲慢過茶記或西餐廳，等餐果度長期塞滿人，試過買早餐，等半個鐘都仲未有，朋友叫左杯凍檸茶，攞餐時啲冰已經溶晒要換過，好明顯係一早整定放係度，完全唔理食物質素！尋晚8點幾諗住買雪糕，啲電子板完部壞晒，收銀機得一個呀姐，排晒長龍，但呀仔好想食雪糕，唯有照排，終於排到我地喇，呀姐話：唔好意思雪糕機壞左！喂，星期六夜晚，咩都壞，點做生意架，不知所謂！麥當勞公司應該睇下呢間特許經營店幾咁差，換過佢啦！

又係shakeshake  薯條😊今次芥末系列😎最近既超值餐就係lee 3 款：麥樂雞，玉子牛堡，板燒雞腿包🤣佢寫飽 🧐？ 好大鄉里呀，原來而家既電子落單係可以選擇得咁details!!! 分曬類😌 3分鐘落到單 方便方便😃今次食麥樂雞餐加大要試既shakeshake 粉係 芥末風味🤤🤤🤤🤤諗起個陣辣到"攻鼻" 既感覺都流曬口水要食麥樂雞就緊係要醬黎，錦上添花啦🤤🤤講明今次係芥末系列！連雞醬都係芥！末！醬！埋單 $28.5! 拍一拍8 達通！1分鐘點餐done☺️麥樂雞係咩味相信唔洗講啦，重點係芥末醬！比起甜酸醬，芥末醬比較濃既醬汁，相對多一分辣感，不過愛食辣既寶寶，可能會覺得佢唔夠辣，比較美式既芥末，同shake shake 日式芥末不同種類🤔同shake shake 芥末粉！一包粉岩岩好，條條都痴住曬芥末粉！😉正，喜歡食微微辣味，攻鼻感同薯條配合得夾到，心思思想encore 多一包😊😊😊Love shake shake!! 如果可以一年365日都有shake shake 粉就好啦🤤🤤🤤🤤🤤🤤

話說早排老麥新出的北海道三文魚堡餐只售$24，對於作為窮L的我，實在是佳音~ 北海道三文魚堡餐配包、粟米粒& 餐飲其實已經好夠食，但又好想食蘋果批，買超過$28用麥樂會卡仲送細薯條，最後就越食越多了，哈哈! 北海道三文魚堡 用紙盒盛載的三文魚堡，賣相都幾吸引. 麵包面層有芝麻，內裡的三文魚扒熱辣辣的，再加上嫩綠生菜以及千島醬汁，惹味好吃~ 其他粟米粒、蘋果批& 薯條個個都食過，不用介紹吧，呵呵~ 朱古力批 聖誕期間，朱古力批買一送一，沒有不吃的理由吧! 雖然熱度稍欠，但外層香脆，內裡朱古力流心又不會過甜，幾好吃的~ 打文期間才發現，原來2個朱古力批可合拼成一棵聖誕樹的，不過，我竟然沒有留意，應該也不止我沒有留意到吧~ 元朗朗日路8號形點二期3樓A312號舖 25205377

為咗牛油果蓉點嘅薯條卻冇果蓉？係唔係外賣就唔認真做嘢或者偷工減料呢？你哋做嘢可唔仔細小小呢？總體來講都唔錯嘅除咗牛油果薯條冇果蓉外，但係你哋出貨時可唔可以check下呢？？我哋興致沖沖嘅打開個薯條盒，結果？卻冇果蓉，真係好難過同憤怒咯？希望你哋仔細做嘢啦？冇果蓉嘅薯條仲冇茄汁嘅味道好食，加咗四蚊卻只有bbq醬冇果蓉=白加錢，難受難受難受難受難受難受難受難受難受難受難受難受難受難受難受難受難受難受難受

食又做到九點先收工，求其買啲野食下算，反正想試下新包，就黎老麥吧。買左新嘅牛油果包，自動販賣機會問下使唔使加配，見仲有辣朱古力新地，又好吖試多樣新野…就係呢杯新地帶來動力為老麥寫寫食評。牛油果蓉雞堡（$11）＆辣朱古力新地（$8）咁夜，個包係凍嘅都預左，又凍又硬已經大打折扣，芝士完全唔瀜，好在牛油果醬都落得幾多，但食唔出牛油果味，淨係食到少少辣味。有機會食到新鮮制又熱辣辣嘅再評分，暫時只能說唔難食。至於杯雪糕…好多人都話伏，但估唔到真係好難食😂其實食落同朱古力新地味道無乜分別，食唔到辣味，但就唔知點解有野嗱住個喉嚨咁，成件事好怪，Sorry，呢個一定無下次。

元朗形點 管理好有問題 2次買外賣自取 都是給雞我 明明買安格斯牛肉第一次當我冇查清楚 就算了今天第二次買 當場問你們職員 怎樣分包裝上是甚麼包 他說貼在單上寫的就是 單上是沒寫錯 拿回家竟然又是雞 有冇搞錯

麥記之前喺FB刊登優惠卷，食早餐可以減$5，星期六於是嚟個Good Morning。珍寶套餐 $33.3套餐有豬柳一塊､炒蛋､鬆餅､兩塊熱香餅同薯餅，呢個餐咩都有， 最啱胃口大嘅朋友。先鹹後甜，食咗塊豬柳先。炒蛋算炒得唔錯，唔會全熟，又唔會乾得濟，灑埋黑椒同鹽就正晒。鬆餅要搽果醬先好食，不過通常一包果醬都唔夠搽，要慳啲駛。薯餅除左點茄汁，就梗係要加埋好朋友 - 黑椒同鹽。熱香餅套餐 $29.3套餐有三塊熱香餅､一塊豬柳同薯餅其實都幾鐘意食老麥嘅熱香餅，十年如一日嘅水準，冇乜點走樣，搽上半溶嘅牛油，仲有淋上重點嘅蜜糖，仲要喺熱香餅上面界幾刀，等熱香餅吸得幾多得幾多嘅蜜糖， 濕笠笠咁最正。有優惠卷兩個早餐可以慳番$10都算唔錯，雖然麥記由美資變中資，好在質量暫時未見到有咩唔同咗。