麥當勞 (德福廣場1期)

营业中

休息中

有人好肚餓，途經麥當勞唔知食咩好。呢個應用程式望一望有咩優惠券啦，見到有張$35麥炸雞餐嘅優惠卷，包兩件麥炸雞，一件係上髀一件係下髀，仲有一杯汽水同一份中薯條。都幾抵食嘅，同埋一定夠飽啦。麥炸雞都幾嫩滑，係偶然啲炸粉同件雞肉會分開，但個調味幾好食，所以我都幾鍾意食嘅。薯條正常夠食啦，係唔太脆，不過咁嘅價錢可以有咩要求啊。汽水唔使評論啦，咪可口可樂囉。

而家天氣好凍呀❄️大家要著多件衫呀🧥除左著暖d,最重要就係食返個溫暖早餐🥪☕️➿今次食咗McCafe嘅麥提莎果仁朱古力咖啡同新餐肉碎蛋芝味多士～麥提莎果仁朱古力咖啡✨暖笠笠，飲完成個人都暖哂😉而且，個杯好有聖誕氣氛，加埋粒粒麥提莎，可以就咁食或者放粒入咖啡入面飲～有多重口感😍正呀！新餐肉碎蛋芝味多士✨健康又好味，夠哂飽肚😋$39就嘆到個溫暖早餐啦💕快d去enjoy個good morning啦❄️➿

今日放工提早咗，因為我自己又有啲肚餓，所以就搵間地方可以食到下午茶嘅，咁我經過麥當勞，咁啱又有打開麥當勞嘅手機應用程式，發現入面有張優惠券啱用。麥當勞真係好抵，每個星期都有唔同嘅優惠券，今個星期係$12可以食到蜜糖麥炸雞餐連一杯中汽水！咁我就入咗去麥當勞食下午茶，排隊嘅時間比以往短，可能因為疫情嘅關係，少咗人出嚟食嘢啦！只係短短10分鐘就已經拎到食物啦，由於食物真係好快食完仲快過排隊，我5分鐘就食完左呢個下午茶，但我覺得啱啱好嘅。因為我中午有食中午飯，食少少已經好足夠，過多兩個鐘又到食晚飯了！😊

麥當勞長期做優惠！下午茶 $17豬柳蛋漢堡，真係抵食到冇朋友！起碼抵食過好多茶餐廳三文治餐今日下午茶時間又嚟已經連食三日了有我最鍾意嘅半溶芝士，而蛋有厚度，蛋白幾彈，蛋黃雖然是熟，但不會熟到硬不過沙律醬略多，下次要半份沙律醬就好了！豬柳就鹹咗啲，但不嬲都係咁,件鬆餅可能我傾電話放耐咗等咗成十多分鐘先食所以麵包有少少濕，入口唔夠乾爽。但個包仲暖暖地,煙靭度和彈性仍保持 杯凍奶茶其實都幾好味，夠香夠滑，自己落糖水可以控制甜度，我落晒半個糖水啱啱甜，download app 有好多優僡又要睇下聽日食乜先！

假期行街行到攰攰地，去McCafé 嘆反個下午茶先😋我點左份新出嘅新餐肉蛋沙律意式包+ 凍沖繩黑糖珍珠奶茶(大)，厚切純素餐肉食落口感肉感十足，意式包脆脆卜卜，配合滑蛋沙律，層次非常豐富。珍珠奶茶奶味香濃，珍珠彈牙有韌性，好飲👍🏻👍🏻👍🏻男朋友要咗新餐肉碎蛋芝味多士，餡料入面有餐肉碎蛋加少許流心芝士，大大份，相比之下我鐘意食呢個多啲😆

自從麥當勞推出左麥炸雞之後，成日都聽到有人話佢好食過KFC。結果終於有機會試嘅時候，發現KFC真係有對手。原味嘅麥炸雞，皮脆肉嫩，雞皮炸到金黃色但又唔會太油膩，就算唔健康都忍唔住連皮食。相比起KFC或者其他食過嘅炸雞店，麥炸雞雞肉亦都非常之多汁，絕對唔會覺得乾。而新出嘅蜜糖BBQ風味，其實唔係真係炸雞（至少啲皮唔係脆嘅），反而令人諗起KFC嘅密密燒雞翼，蜜糖燒烤醬非常之香，但係麥當勞嘅版本就比較甜。整體來講，不得不承認麥當勞嘅版本真係比較好食，除咗比較Juicy之外，亦都啖啖肉，食到好有滿足感。

面對疫情，留在家中最好不過所以趁老公收工買埋外賣俾我最快靚正嘅莫過於係食M記啦今次就買左九年麥樂雞 另加 shake shake 薯條今次呢款係椒鹽蟹味咸味係夠嘅但略嫌無咩蟹味可能我自己勁鍾意食蟹，對佢期望高高雖然我知道都只係味粉，並非真蟹，又點會有蟹味呢另外，如果點雞嘅醬都可以出多啲新口味就更加正啦 成日黎黎去去都係得呢幾款，其實都真係有啲悶仲有杯氣水，永遠叫少冰/走冰，最後都係勁大杯冰對於而家疫情嚴重時期，冰呢啲都盡量可免則免

雖然九龍灣間麥當勞長期都咁多人但係估唔到係生產嘅速度同以前比較之下有啲唔同唔知係因為人手少咗定係普遍都係新人所以面對冧檔情況嘅時候就有少少措手不及亦都因為呢一個情況所以即使所有嘢都係即叫即整但係到真係食嘅時候都已經唔覺熱雖然仲有少少亂但係都覺得有少少唔好但起碼整體嘅味道都維持一樣擺盤都依然講究咁所以都係唯一可取之處

麥記炸雞新產品「麥炸雞」依家成為 10 號餐，$35 有雞鎚、雞上脾，薯條飲料外皮酥脆，每咬一啖，都有肉汁雞油流出嚟。雞皮脆卜卜、雞肉嫩滑，口感Juicy，呢三個元素，缺一不可！

我最愛嘅蝦堡終於返嚟啦！！！！今次係由泰國直送嘅蝦餅，加埋生菜、酸甜菠蘿片 配上醒胃惹味嘅醬汁（千島醬同芥末醬）酸酸甜甜 特別開胃，滋味！小妹覺得加埋生菜係一個清爽嘅配搭，唔會只係食肉咁單調。至於增量裝脆薯皇，食開麥記都知道增量版或加大，只係加盒，唔係加份量。

麥當勞新出全新10號餐，見有平就去試吓啦。用銀聯卡俾錢就可以減$10，原價要$35。櫃檯落單5分鐘左右就可以取餐，炸雞啖啖肉，唔會太咸，如果有埋泰式辣醬就會更好，其實有少少似脆香雞翼嘅，但係個皮就冇脆香雞翼炸得咁硬，10號餐依隻炸雞皮薄啲，炸得香脆啲，成塊脆皮食晒都唔會話太大罪惡咁。雞肉都嫩滑，juice，唔會太乾，的確係比專門炸雞伯伯嘅餐廳好。加上而家有shake shake薯條，配埋就真係一流👍🏻

九龍灣「德福廣場」近年經歷最大租務調動，有很多重大租戶，包括「德福廣場」二期裡面的某百貨公司都已經結束租務，宣佈離開「德福廣場」，遺下大型舖位無人接手，「德福廣場」氣氛忽然間寧靜了不少。某百貨公司決定與「德福廣場」結束合作關係，亦象徵很多食店需要在「德福廣場」另覓舖位，也有不少食店似乎跟隨百貨公司的做法，靜悄悄無聲無息地離開了「德福廣場」。至於九龍灣「麥當勞」自從近年租下「德福廣場」一期二樓，酒樓「翠X」旁邊的大型舖位之後，一直都長期留在大型舖位，跟「淘大商場」分店一樣，沒有再計劃考慮過搬遷。不過，既然「麥當勞」已經選擇了，在「德福廣場」一期裡面其中一個面積最大的舖位營業，應該很就難在「德福廣場」其他範圍裡面，找到其他合適舖位，再有租務變動的話，恐怕很難在「德福廣場」繼續運作下去了。「麥當勞」經歷環境非常艱難的一個農曆新年之後，甜味照燒醬汁豬柳漢堡包「將軍漢堡」，終於都正式宣佈下架了，取而代之的漢堡包是「麥當勞」另一受歡迎的漢堡包食品「黑椒漢堡」。「將軍漢堡」近年最大的變化改動，是在「將軍漢堡」豬柳漢堡扒之間，加入了一塊糖心「玉子」煎蛋，變成了煎蛋版本豬柳漢堡包「玉子將軍漢堡」。然後「

坦白講我真係呢一個朱古力脆筒嘅愛好者我細細個做麥當勞嘅時候最期望就係㩒雪糕🍦我細細個做嘅時候就已經有呢個朱古力表面呢一個朱古力表面係真係我考功夫我食咗三間都係得九龍灣甜品站呢間整好整呢個脆筒仲要令到表面上嘅朱古力唔會流到周圍都係首先個雪糕一定要夠多係底做咗一個基礎先得然後就係朱古力將要將個雪糕反轉插入個朱古力漿入邊半秒就要拎返上黎但我發現有好多間都係做唔到㗎永遠都會搞到啲野溶晒啲朱古力流晒出嚟未食就已經成手都係今次佢係阿華田口味味道好過上一次出嘅朱古力味因為阿華田呢一個算係冇咁甜真係非常之好食其實佢出咗oreo脆筒但係我呢個妹仔肚都係鍾意想當年呢一個筒呢六個半黎講真係食完想返轉頭再食過但係再貴啲呢就唔得啦哈哈哈哈

#老大成日都有一手優惠益我哋，聽佢喺chat room講咗成個星期 McDonald's 有嘢派... 呢日我都終於忍唔住早半個鐘頭起身，跟大隊去食早餐。原來呢排幫襯佢嘅 #雙炒蛋漢堡系列 就可以免費攞到支50ml #搓手液，唔怪得唔夠八點就咁熱鬧啦😅 不過我都唔習慣掛支搓手液喺個袋度咁浮誇... 所以都係攞咗返去益阿媽🤣不過講到個 #雙炒蛋漢堡套餐都唔錯，#炒蛋 難得唔係乾爭爭、食落都幾juicy，加埋件厚厚嘅 #雞塊，食哂個包+ #凍奶茶 之後，根本冇可能食得落個 #薯餅😏 我唯有嚟個順手人情，將杯會員贈飲 #熱朱古力 + 食淨嘅薯餅（冇掂過㗎）拎走請同事食... 仲有呀如果大家有裝 #BOCPay、#雲閃付... 呢類電子付款App，31/5前買滿$30仲可以扣$10 㗎... 係咪好抵先？😉

«速食快記 1 -將軍玉子漢堡»食店: 麥當勞食品: 將軍玉子漢堡餐（$33）冇既 有d食物係情意結 例如呢個 將軍玉子漢堡 細個既時候 只得將軍 未有玉子 佢每年出返都會食一次 鍾意個醬汁 就係鍾意個種好似有少少喼汁咁既味 呢幾年佢加埋玉子 我緊加唔食唔舒服 又係食回憶系列------------------------------