麥理浩夫人渡假村餐廳

早餐冇茶冇水冇嘢饮，得馒头、烧卖同冇味嘅米粉。午餐五𩠌一汤，好意思肠仔同鱼蛋当一个𩠌…个汤得盐味，成壶烚菜水咁。晚餐继续五𩠌一汤，汤一如既往似烚菜水，整碟麦乐鸡当一碟𩠌又系吹胀。第二日早餐又俾鱼蛋做早餐…再加冇味嘅通粉，同现成嘅黑糖馒头讲返呢度每餐都系十人份，份量少到冇一餐食得饱，饭堂员工态度又差，有一晚BBQ俾少咗三份食物我哋，死都话俾咗，结果我哋要行返上去餐厅同佢理论先肯俾我哋…唔想食劣食嘅人，千祈唔好去麦理浩宿营食佢啲饭𩠌……查看更多

终于有得去宿营啦，印象中小时候去宿营，营餐都系非常之唔好食，今次带着爸爸妈妈，仲有姨甥女咁多人一齐去宿营，都有些担心大家去食唔惯。我哋叫呢一个早餐为清心寡欲餐，因为最少要订三人份量，所以唯有定三人。前一晚我哋仲幻想会有通心粉，面包等等。当我哋真系见到呢一份白雪雪嘅早餐嘅时候，都真系有种清心寡欲嘅感觉。而最神奇就系老妈子非常满意呢个早餐，因为白粥够清，米粉对于我来讲系无味，对于老妈子来讲就系唔咸，可以清吓肠胃，佢系非常之欣赏，估佢唔到。重点就系其实成个宿营都玩得好开心，所以食咩都不太重要❗️…查看更多

要同啲朋友去麦理浩夫人渡假村去camp， 当然唔少得番薯片汽水嘅夜晚食量啦。 但系点都要食返几餐正餐， 几时就要喺入面嘅餐厅度解决啦。 campsite嘅餐厅当然就会好食㗎喇， 不过呢间嘢都算系咁， 起码干净大份， 食得饱个汤都ok。 最紧要系食完之后可以喺隔离买下雪糕咁。 啲雪糕同埋汽水都系贵过出面少少唔太过份。 至于性差啲食物呢就当然唔好有咁高期望啦， 但起码系有味嘅， 意想唔到嘅系早餐个南瓜粥又整得几好食， 食两三餐就唔紧要啦。…查看更多

个几月前book咗麦理浩夫人渡假村, 想系靓仔既生日周末过下二人世界😳今次系我哋第二次喺出面过夜😆 原来今次系靓仔第一次嚟呢度! 等我带你一齐寻找我嘅童年回忆啦😊 💑喺我哋check-in咗之后喺间房休息，miss咗一节活动时间，靓仔话好耐冇试过好似今日劳动咁多脚仔都软~ 到第二节活动时间先至落去，玩咗羽毛球桌球壁球, 玩到6点已经超级肚饿喇! 刚好系晚饭时间，餐厅太多人，我哋决定打包嘢食返房自己撑枱脚。入营之前一星期就要订好餐， 过埋数入中银先得，系几麻烦。 记得顺发食品餐厅打电话嚟果刻，我仲同紧靓仔系黄石wild camping 紧, 几惊佢听到我订嘢食穿煲😰 我好叻咁，估中同订咗靓仔最钟意食嘢𠮶两样, 就系咖哩鸡同埋豉椒蒸排骨😊 两个餐都几多𩠌同煮得几好，见到比起人地食一围营餐既睇黎好食得多：）不过入营既野食，始终都系唔可以太挑剔。个餐仲包埋野饮添，可以帮靓仔维生~ 食完靓仔话唔系好饱，好彩我预备左靓仔最爱既生日蛋糕，佢一口气就食左大半个：0） 满足啦~！之后抱住BBs射箭玩乒乓波再借埋波子棋返房玩❤ 好，非常好，我既计划一直好顺利咁暗地里进行紧 😇😈 要系靓仔以为所有生日嘅庆祝活动都已经完结嘅一刻，杀佢一个措手不及先得😍😎😎Random: 唔知几时先真系可以做到靓仔肚入面𠮶条虫呢 🐛…查看更多

细细个去麦理浩既时候好钟意佢D早餐，阿华田、蛋、肠等等，但今次去到就得返D粥，未去之前就觉得麦理浩会好食过之前去过既鲤鱼门渡假村，但而家两个已经一模一样咁...而午餐就更加唔洗讲，永远都系果几味。我地最后无食到佢地Ｄ晚餐，就拣左几Set烧烤算，我谂BBQ一家无死挂？虽然款就少左Ｄ，起码唔会难食，不过其实佢烧烤都唔错，起码俾漏左野我地之后，会俾多一Set我地当补偿，呢个系我都觉得「算系咁啦」既地方。如果想去麦理浩夫人渡假村话食好野既，你都系谂下好啦～黎呢度就玩下绳网、射箭算啦！…查看更多