麥奀雲吞麵世家 (樂道)

营业中

休息中

收工怱忙趕去整頭髮，預計都要搞兩三個小時，食個麵打個底以防餓死。雲吞水餃撈麵走蔥，覺得幾餓下，諗住叫撈麵份量多少少會飽肚一點，誰知撈麵跟湯麵份量一樣咁少囉！邊度鄉下架？收 $60 蚊兒童份量太過份喇麻！如果我要食得飽，要食三碟先夠囉。歸根究底都係社會既錯、政府既錯、大陸既錯、租金既錯！感激多年黎班水貨客、自由行、新移民落黎搞亂香港，拍拍屁股就返歸，我地土生土長香港人就要捱貴食物、捱貴租、捱低人工、捱通漲！雲吞水餃撈麵走蔥，一口雲吞小巧精細，幾隻黐埋一舊都照出貨，比返少少 heart 好喎。蝦仔爽略帶咸味，鮮味唔多覺，而且食唔到豬肉，餡料份量好少。水餃跟雲吞沒怎麼大分別，多左幾條木耳及形狀長長之外，基本上味道口感一樣。清湯咸且濁不香甜。無辣椒油供應，唯有辣醬蠔油撈麵。幼麵黐埋一齊挑極都散唔開，是鬼彈照撈，撈唔到均勻囉，半邊勁多醬、半邊幾乎無醬。漿嘴糊口，微爽有點冰凍，啜兩口食晒！中環忠記係總店，質素尙保持到。但世家係特約經銷，出品參差，可憐。

好耐無食過麥奀記雲吞麵， 諗住食少少野！一碗少少地都好啦！ 怎料真的好細碗，雲呑好細粒！ 當午餐真的不夠飽！ 麵質爽口無太多梘水味， 不過份量太少！ 雲呑有四粒，太細粒食落口不覺有一隻完整的蝦，我個人唔太鐘意豬肉同蝦既比例，因為太細隻，所以放入口咬幾口分別不出豬肉同蝦既比例。好似雲呑皮味道仲出！最值得一讚， 一定是用大地魚做既湯底加上有韭王既香味！ 飲哂個湯都唔覺口渴， 而且餘韻十足！$38 一碗雲呑麵份量同價錢性價比較低！ 可能我只是平民百姓，心理質素未能接受這個$38 一碗雲吞麵既份量！

「總店」出生於差不多半世,自十多年前中環上班吃過、至今一直沒有再訪,是同業競爭漂亮,還是以現實價錢衡量,「麥奀」總是在雲吞世家中太明星、對我這名平民白姓總有著路過行過但總未必想入之心態~~姐姐多年冇返近日提醒我回港一定要到「麥奀」,尋找兒時味道,唤醒從前在彩虹邨吃著「穩記」的滋味。。。一條遊客食街上彩色奪目螢光燈箱告訴我目標位置正確,沒有再返「老店」驅使下,亁脆不過海試試九龍店便算在食客面前包雲呑,至我出世懂事沿用至今、是告訴客人他們之「真材實料」,還是師傅可施施然坐定定辨事我想兩者皆是要來一個水餃麵$42.碗上再以碟子盛上,以給人與坊間一眾不同之矜貴,麵質其滑無疑是眾所雲吞麵舖中排首,但那份隱隱不休鹼水味道還停留在嘴腔之內、麵份量比一般少1/3這個已是麥奀一貫作風,水餃三隻饀料不算扎實飽滿雖則材料齊全但就略嫌口感未為滿足,如果肚餓這碗水餃麵可能不能滿足到你還是建議「打打底」才來試~~老牌至有老牌味道,如果你「年青」可能未必欣賞。

搭左兩個鐘巴士終於落車，發現麥奀空降尖沙咀，有緣相見執您一執。望望 menu 跟中理一樣，已加上牛腩及粥品。雲吞麵走韮黃，頭啖湯好正，清爽甜美，薰芳清香，不過最尾幾啖湯就有點黏有點漿。細蓉只夠啜兩啖，唯有啜細力點又細啖點，分開四次。因為想頭兩啖試原味，尾兩啖試辣椒醬。特幼麵條超彈，爽到索索聲，過水得非常乾淨，沒絲毫鹼水味。因麵條較幼又微微捲曲，帶湯力強勁，載滿甜美湯汁嘴嚼份外滋味！無辣椒油供應啊，跟中環總店不同，辣椒醬照殺。高溫湯底連彈彈麵條大啖吸入口中，就算燙到差點起水泡都在所不惜，滾熱辣先最好食，將味道提升到極點！廣東咸辣醬味道怪怪的，跟雲吞麵完全唔夾。小巧玲瓏雲吞仔，原仔蝦仁爽得不天然，鹽醃啤水略咸。完全食唔到有肉既？淨蝦做餡？整碗雲吞麵可口滿意的，不過 $38 蚊一小碗太貴，唔值呢。

在尖沙咀上完堂，剛好這麵店就在附近，便進內試一試。餐牌選擇也多，但既然是雲吞麵世家，當然點了一碗招牌雲吞麵。 等了十分鐘有多終於上檯了（當晚只得兩三檯客人，不知為何要等那麼久），很驚訝盛惠38元的雲吞麵竟然像家裡的湯碗那麽細碗！ 再試一口，麵質很一般，還好沒有鹼水味。有四粒非常細隻的雲吞在麵底，但蝦肉毫不彈牙亦欠鮮味。雲吞皮少許韌，像未解凍透似的。唯一比較好就是個湯底，尚算清甜。把麵吃光了也毫無飽肚感，價錢與質素完全不成正比！絕無下次！

碗雲吞河好細碗，只有普通飯碗咁大，雲吞好細粒、好實（ 好似肉丸咁實）唔彈牙，完全無蝦味（唔係咬開望下以為無蝦添），完全唔好食；湯底都清但味道一般，河粉得幾注又無乜特別。賣成$38蚊碗，不值。

豬手麵、原全吾覺什么特製、好一般、雲吞河、肉都無乜、原全吾值這價、河粉索晒d湯、加湯又要比19元、吾好去搶服務員態度差、無礼貌多數大6人去幫親 價錢同質素原全吾合理！此品牌需歷史悠久、希望有待改善環境衛生仍可接

去到諗都唔諗就叫左碗雲吞麵，叫完好快到！麵好細碗，不過就係佢地既特性。麵質都算爽，但麵本身欠缺味道。湯不算濃味，亦是令麵無味的其中一個因素。雲吞中規中矩，蝦彈牙鮮味。一碗麵收你四十幾五十，不值此價！

喺尖沙咀食中午飯都幾難搵位，見麥奀記有位，入去試試，坐低即叫碗食雲吞麵，首先試湯底，好有地魚味，麵質彈牙，冇鹼水味，雲吞細細粒，鮮蝦夠爽口，豬肉同蝦比例適中，是上乘之作，但份量就奀咗尐喇，自問非大胃之人，食完感覺空空洞洞，完全唔飽，後加碗滑牛粥，滑牛粥粥底略嫌稀咗尐，牛肉夠焾夠滑，但冇乜牛肉味，整體都OK啦。午餐淨係食粥麵都要七八十元，似乎奢侈咗尐。

尖沙咀要搵食好易，但有位係好難，是但搵間餐廳唔使等位都唔易，本身食和民但排到癲又趕住睇戲先揀第二間，行行下見到麥奀記竟然冇人，就是但食你啦!入到去，得2圍台人，可能時間9點掛，招呼算唔錯，入到黎都諗好實係食雲吞麵，朋友揀左食雲吞撈麵，新張期內送1杯豆漿/五花茶架～叫完之後，我好奇怪點解等咁耐，我地就坐隔離，睇極呀師傅都唔見佢煮緊😒間鋪又冇乜人，唔知佢等乜呢😅等左好一陣先見佢施施然放麵，好快就入碗，即係話好快做到既野就拖長黎做啦😒其實我真係好肚餓架，侍應一放低碗麵果刻我呆左，係咪太多年冇食麥奀呀我？點解咁細碗，第一下我以為係朋友撈麵碗湯😂原來唔係，嘩，$34蚊仲細過一個正常公仔麵，有咁貴咩d麵同雲吞？其實我自問細食，我食完覺得自己冇食過野咁走😭不過問心，成碗麵都好好食，麵身彈牙，雲吞好鮮味唔會好淡，連個湯底都好正，不過$34/碗wo,唔使咁細碗嘛😅2碗麵$84 ，出到門口已經落晒格，唯有去睇戲買多2粒燒賣食啦😭

香港地出名嘅麥奀雲吞麵一直都只聞其名，但未層食過，行開尖咀又見到佢新開，又入黎試下。午飯時段都好靜，得兩三個客，伙計叫我地隨便坐，態度都幾好。叫左一人一碗雲吞麵，三十八蚊碗，感覺上有啲貴。好快上枱，細細碗，雲吞係麵下邊。雲吞蝦爽唔肥膩，麵無鹼水味，煮得剛好有咬口，湯好清甜，有大地魚同韮皇香味，飲哂成碗都唔覺口渴。不過食完一碗唔夠飽，要叫下其他野試下先。