麗香園冰室 (興華廣場) (已結業)

今日黎柴灣探朋友，一齊近近地起樓下開餐，呢間餐廳相對都幾旺，都有唔少人排隊。 而且選擇都幾多，除左叫餸食飯，炒粉麵飯，又有鐵板餐，焗飯，湯麵常餐等等，價錢都幾抵食。@天氣咁熱即刻要叫番杯凍嘢飲，見到呢杯芒果爆爆珠特飲都幾得意就試下。圖片同實物都幾接近，超多芒果爆爆珠～桂花烏龍茶底雖然唔算好突出，但飲落唔會好甜，又有少少芒果味，酸酸甜甜都幾清新。@晚市套餐，有熱飲白飯同湯送就最抵，個飯都幾大個。例湯幾入味唔錯，仲有我最鍾意既勁腍身雪耳。@奇味雞煲：個雞帶微微辣加埋d 香料好惹味，個雞都好嫩滑，醬汁偏濃啱晒重口味人士，撈飯唔錯。@ XO醬西蘭花炒蝦球：蝦球幾爽口彈牙，西蘭花細細棵好入味～～@廈門炒米： 炒得乾身唔油膩，食落酸酸甜甜好開胃呀，最特別係加咗鹹酸菜，估唔到又幾夾。材料都好豐富，有火腿、叉燒、蛋、蝦仁、芽菜、韭菜～大大碟好夠飽肚。

身為柴灣友，呢間新開嘅冰室開咗幾個月以來都係大排長龍，尤其是晚市嘅時候好多一家大細都黎光顧，所以今晚帶埋屋企人嚟一試究竟。一打開menu最吸引到我就係焗飯先黎口水雞飯餐，套餐有一小碗嘅例湯、餐飲同白飯。口水雞麻麻辣辣，聞落已經幾香，但雞件好少肉，食落肉質尚可。再到咕嚕肉，要加$15配套餐先有飯跟，哩個價係冰室黎講偏貴，好在份量都幾多，食極都有好多舊肉，味道正常，炸粉偏厚。最後到冰室唔少得嘅焗飯，今次點左炸雞髀茄汁焗飯。先講雞髀size好巨型，炸到皮薄肉滑，雞髀肉仲係鎖住啲肉汁係度，啖啖肉。而焗飯炒飯底嘅炒蛋都幾多，飯粒分明，茄汁好濃郁，面頭鋪左芝士，唔錯凍奶茶偏甜（已經叫左少甜），欠缺茶味。晚市咁忙碌嘅情況黎講上菜速度都幾快，食物質素算ok食得下，焗飯就出色過小菜，但哩個價錢可以有更加多選擇，未必吸引到再黎。

見呢間麗香園冰室係興華商場新開左無幾耐，今日下午就特登同屋企人來食個午飯。呢度嘅色調佈置都盡量營造到懷舊冰室咁樣，門口盡有新鮮出爐嘅蛋撻、麵包賣。基本上冰室有嘅野食呢度都有齊，一個餐(野食跟野飲)價錢都係$40-$50幾左右。菠蘿油菠蘿包好鬆脆，裡面嘅牛油都好厚！乾炒牛河有好多件牛肉，好足料！炒得好好食，味道調得剛剛好，唔會過鹹或者過甜！深海吉列魚柳配沙律吉列魚柳有兩塊，好大塊，而且熱辣辣剛炸好上檯，炸得金黃香脆，魚肉好軟滑，呢個炸魚柳質素相當唔錯！沙律嘅份量都幾多，有好多薯仔粒，食落都後飽肚。西多士多士裡面嘅蛋幾厚，整體上都炸得幾好！紅豆冰紅豆冰嘅紅豆蓉幾多，飲落夠凍，夏天好適合叫呢個飲品！

又到happy Friday 🥳今晚接咗女友收工直接返柴灣，因為佢要去順豐寄野，寄完之後就見到依家麗香園，我記得以前依間鋪係太興，宜家變咗麗香園新裝修靚好多，而且仲好多人排隊，身為半個柴灣居民梗係要試吓啦⋯⋯排咗一陣隊，入去坐底4人枱，唔強迫搭枱又幾好喎😮打開餐牌，我就睇中咗一個蒸魚晚餐，女友想食海南雞飯，佢仲想要多個菜，所以叫多個金銀蛋浸菜心，我又想食咕嚕肉，又叫埋，兩個人食四個餸，仲唔係叫”豪食”！😆雖然係例湯，但係女友飲哂成碗，雪耳煲瘦肉係幾好飲嘅😋海南雞飯完全冇骨，就連雞鎚都起埋舊骨，利害👍🏻我覺得依條蒸倉魚係今晚嘅主角，倉魚一定係豆豉蒸先至最好味！👏🏻金銀蛋浸菜心，女友連啖湯都飲埋😂菠蘿咕嚕肉當然係我最愛啦，無骨啖啖肉，正😍杯熱檸蜜女友話好夠味，又係咁叫我試，話其他茶餐廳嗰啲一般都唔夠味🍋茶餐廳來講啲裝修都叫幾有心思💡依位哥仔服務態度非常好，基本上係有求必應，比個like佢👍🏻

麗香園-港式冰室情懷門上是荔園式是餐廳名字燈箱招牌，門面以舊式熱狗巴士的外觀作設計，巴士目的地則寫上出爐蛋撻，別出心裁，內裡光線充足，地板以綠白色格仔紋的懷舊冰室地磚，以新穎的裝潢向獨有冰室情懷致敬。鐵板西冷扒配薯菜熱騰騰冒煙的鐵板，上面放著一大塊七成熟的厚西冷扒，醬汁有燒汁、蒜茸汁和黑椒汁選擇，醬汁淋在牛扒和鐵板後，炸炸炸的聲音令人食指大動，西冷扒肉質腍身，油份感夠。咖哩吉列豬扒飯濃郁的咖哩汁，汁底稠度剛好，不會太稀，即叫即炸的吉列豬扒，外脆內嫩，咖喱汁滲進豬扒當中，惹味又啖啖肉。鮮茄焗牛舌飯茶記冰室當然必叫的焗飯，原個蕃茄和熱溶芝士在上，蕃茄汁夠濃夠多，令焗飯不乾身，芝士令口感味道提升了，正宗焗飯的蛋炒飯底，最後再配有厚切腍身牛舌，非常完滿的焗飯。欖菜肉碎四季豆勁典小炒菜式，四季豆炒得有鑊氣，爽口不老，加入欖菜的底味和肉碎的口感，送飯一流！

最近係柴灣新開左間冰室: 麗香園 每日都大排長龍, 見今日早收工冇乜人就早啲入去試下啦。佢哋嘅晚餐一個小菜加白飯加湯加嘢飲, 大概七八十蚊。 對比起附近嘅茶樓, 佢都算係抵食 。佢地大熱推介係雞, 所以我哋都嗌咗鹽焗雞。 例牌就$58, 而我地就嗌咗半隻$108。 雞肉好厚實, 師傅仲好細心咁淋上沙薑汁, 所以味道都幾好。椒鹽豬扒 $61豬扒係薄切, 一片幾啖食完幾好。但略嫌炸得有啲油膩, 不過肉質都幾嫩滑。 另外再嗌咗個西冷扒餐$88我哋揀咗薯菜同蒜蓉汁雖然我哋order五成熟, 但係出嚟嘅效果就偏熟啦。雖然係咁熟, 但係肉質係軟淋, 唔會因為過熟而變得韌, 有點出乎意料之外。隨餐附送例湯, 材料豐富好味道, 但我就覺得稍為咸左少少啦。最後我哋跟餐嗌咗兩杯紅豆冰紅豆冰就偏甜, 要等到冰溶咁d就剛剛好。食完飯門外又開始大排長龍了

今天在柴灣辦事，中午吃飯就在興華廣場這家麗香園餐廳用膳，因為中午時份，見到好多人排隊，但個心諗咁多人都肯排，一定有可取之處，照跟尾排隊先，大嘅十零分鐘就到我地，算幾快，因為座位好多，流轉好快吓！雖然見人頭湧湧，但店員好落力又好有禮貌嘅安排，一D唔覺得混亂，又識講唔該同多謝，令客人倍感舒服！餐牌好多款午市套餐供應，已經有主食，餐湯同餐茶！我地三人點咗一份霸王鷄、一份鮮茄焗原塊厚切豬扒、一份鉄板西冷牛扒跟意粉同黑椒汁、餐茶等等！霸王鷄好得，鮮嫰的鷄肉配以特別的蒜香醬油，綠色的葱花切絲搭上紅色的辣椒片配襯，色香味都值九十幾分！厚切豬扒焗飯、好大件好豬扒，成寸厚，上面鋪蓋鮮茄芝士，茄汁等焗熟上桌，夠熱度而且飯粒吸收了肉汁，芝士等等，好好味好開胃，厚切豬排肉質腍軟可口，切開一小片一小片醮茄汁一齊進食，口感甚佳。鐵板西冷扒，配以洋蔥、黑椒汁淋上面，燒紅鉄板發揮的溫度，騰起的蒸氣，把牛扒洋蔥等等香氣揮發出來，未吃已經垂涎！這時把整件牛扒逐小件切開入口，仔細咀嚼，牛味十足，跟餐的蒔菜、意粉等都係好夠水準製作！餐後點咗一杯凍檸啡同紅豆冰，咁多嘢食，埋單才$221還不收加一服務費，性價比都十分超值！

新開戈幾日見幾多人排隊，於是lunch time黎試下，我去戈陣已經唔洗等位，即刻入得。叫左個乾炒牛河，色好夠但味唔夠，非常淡，利申：本人本身口味好淡都覺得呢個淡，啲河粉痴埋一舊舊炒，中間好多都係白色呢個仲誇張，得少少甜味好難食，仲衰過乾炒牛河，食左幾啖放棄左難食到唔知點形容，建議立刻改善食物。新裝修環境唔錯，但地方已經好污穢，缺乏清潔，地上勁多污糟野，大舊細舊垃圾，啲櫈又有食物殘渣，坐前都要自己抹。

收工口痕買左個甜餐包食下，6蚊一個size 係比較迷你。食落去䁔暖地，不過質地係超硬同埋勁乾🤢呢個包乾既程度係，我平時食既包隔兩，三日都無佢乾得咁離譜。以後唔敢買佢d 包，民華好食好多💪

喺青年廣場嘅活動仍在進行中，即係要喺柴灣搵食嘅工作不能停止。新屎坑總係三日香，自從佢開張就見佢排晒長龍，喺羊群效應影響下，一日三餐試勻佢。早餐時間搭地鐵來到已經係八點半左右，餐廳已經人頭洶湧，門口已經有人等位，心想：有冇咁好食啊？趕時間嘅關係，我放棄排隊，決定買個包就算。櫥窗內展示唔少港式包點，價錢相宜，見到有個椰絲奶油包嘅外表吸引咗～賣相可以吧？想起小時候蛋糕還沒有很多款式選擇的時候，那些蛋糕都是擠滿了奶油，整份蛋糕都好heavy！見到佢就想食咗佢，不過食得半個都已經頂唔順，高卡路里高脂肪高熱量⋯⋯如果你有奶油情意結，可以試下。到咗lunch hour，又係排晒長龍，分分鐘等得來已經到下午茶時間，所以，我哋索性就等到下午茶時間先過去食嘢，係相對少啲人㗎～鮮茄焗豬扒飯，份量不大，熱辣辣上檯，豬扒厚度適中，啲茄醬撈飯，仲有啲芝士，都係茶餐廳質素，不過不失。避開繁忙時間試新嘢，最後喺收工已經係九點幾嘅時間入座，係晚餐又係宵夜，打工仔嘅悲歌。不過好奇怪，呢頭附近嘅餐廳都好早打烊，九點幾已經開始話你知十點關門，之前唯一嘅選擇係麥記，終於呢間嘢開咗之後多咗選擇，11點先打烊，正好等我食返餐。扒餐

又有一間新茶記誕生，見到天天大排長龍，今天放早。👀見不是太多人，那就試試看啦我們兩人，點了一個炸🐠薯條，一個肉醬意粉下午茶餐。首先是肉醬意粉先到，份量都可以接受，意粉不會焗得太乾，這個都ok隔了陣，個炸🐠薯條嚟到，一睇個份量，比起附近茶記算超迷你，但價錢又一樣🤔🤔心諗中伏坐了一陣，見到其他配上沙律的是大大碟。我便多口問了收銀，收銀說那是正價餐點，所以那麼大份。那我便打🐍 隨棍上問了價錢，她說5十幾蚊到啦。我便同fd說，附近3十幾蚊下午茶都有，咁洗👻光顧 個炸🐠就是普通炸魚，薯條就唔似炸過，太過白，似焗多，no good😬😬😬到第二天，我又深深不忿，再試埋過夜晚，睇下是否真的那麼好食，還是新屎坑三日香😂我們到的時間約7點多，還長長的龍，等了約10 mins 左右就有位。一去到見到張櫈，一堆汁，之後就叫店員清理，但服務員只清理櫈上物體，而櫈底又沒有理會。唉，算啦，反正都係試完一次算吧。我們點了一個晚餐梅菜扣肉煲，晚餐是包例湯，一碗飯，熱飲一杯另外一個散叫韭黃蝦仁炒蛋，要加15蚊才包湯飯和飲品例湯似水😥😥😥，兩個餸都可以接受不過服務態度太差，而且凍飲加3蚊，附近茶記食物質素，服務，價錢都比性

我心愛既太興摺左之後，早餐成日唔知買乜好。今日去新開既麗香園，果然係新屎坑大排長龍。外賣一心諗住唔使排咁耐🥺，仲好爽咁落單。佢呢度早餐至11:30, 訓晏d 仲趕得切都幾好。✨見街坊話呢度嘅早餐好貴好唔抵食，我就叫咗個$35嘅仿鮑魚火腿通餐，其實呢個價錢我又覺得差唔多，而家本身早餐一向都唔係平。不過可能見到佢嘅滑牛同豬潤餐要40幾蚊，驟眼睇又真係嚇一嚇。✨等左差唔多廿分鐘都未有，個心真係扯扯地火，遲我3分鐘落單既反而早我5分鐘有💪不過追完佢1分鐘後有就算，見佢新開。✨打開～～頂！我轉滑蛋你比烚蛋我，自己烚都得啦。湯底有另外分開，其實都幾貼心，不過唔環保。（利申：我不是環保人士🙋‍♀️但唔會成日外賣）✨個通粉其實都幾好食，湯底甜甜地同有d 齋鮑魚味，無平時食火腿通咁dry~~ 不過湯底唔夠熱同太少，所以個通粉浸完都係有d d 韌，味道方面我係鍾意既～✨餐包正正常常䁔䁔地幾軟熟，不過有牛油但又無刀🤔要用匙羹搽～～烚蛋no comment , 但起碼唔係烚到老晒， 不過試唔到個滑蛋見唔到真章。✨雖然個心有d 唔爽， 但佢個通粉唔錯，我對餐包又有d 情意結，所以應該都會再幫襯🤣