麗江雲南米線

营业中

休息中

🛵難得入到天水圍就去試下網上有提過嘅「天水圍最好米線」麗江。💡佢嘅位置唔係市中心，反而係比較近天盛果邊同埋係一個好似街市+雜貨+熟食嘅「一站式」舊式商場入面。如果係商場入面搵唔到路不妨問下周圍舖頭嘅事頭婆，佢地會好熱情咁指路嫁🍜講番個米線我覺得正常發揮但唔會話super impressive. 放係天水圍係最好毫無疑問但比較non天水圍嘅話就no edge. 所以唔建議特登入黎食🐷大腸乾淨大塊入味但偏淋🐮腩肉係好似日式叉燒咁薄切但唔入味減分🍄米線係淋身果款睇個人嘅喜好💐湯頭非常正常無咩特別

麗江，相信好多住喺天水圍嘅朋友都認識，但係次次都要等好耐位，今日得自己一個人食飯，應該唔使等好耐掛😝🔸雞翼大腸小酸辣米線基本上我次次都係呢個配搭，因為雞翼係每次一炸起就好快分哂，所以多數都係熱辣辣。大腸我好怕食嗰啲細腸，佢就係啱啱好，肥瘦適中👍🏻枱面仲有d醋同辣油，如果唔夠味可以自己加🫶🏻

唔講得笑 條脷痺足三小時🥵🔹雲南麻辣米線🔹$51🔸自選餸：腩肉、豬肚、金菇｜小辣🔸麻辣新體驗🤘🏻🤘🏻第一次食咁重麻嘅湯底，開頭仲「哦～咁咋」之後越吃越來勁，直到👅失去知覺…大概係我嗌小辣嘅緣故，麻同辣嘅比例係9:1，不太平衡 有點奇怪🧐，建議受得了嘅朋友點高一個辣度，咁就麻香辣齊晒雖說他們家麻得很，食完胃亦沒有受罪，冒汗 但沒有鼻水眼水直流，係一種油感不重 舒服嘅麻#腩肉 普遍厚身大塊，似瘦肉多啲，但滷甜味還是可以的👌🏻#豬肚 唔會碎濕濕咁上 用餐體驗較爽，味道口感正常，唔係必吃餸菜米線質地走偏軟淋路線，我mamaday (個人口味問題)佢個麻辣湯底去到咁盡，好奇酸辣會唔會帶嚟衝擊🫣 大家又係麗江嘅酸辣派 定麻辣派？

見到呢度熱推薦，所以叫咗盒麻辣雞，點知唔辣又唔好味，好多雞頸雞腳冇肉食。是凍食嗎？感覺不入味，淡淡的，不是麻辣但又不是很辣，希望可以改善。如果大家去呢度食，唔好叫呢個，浪費錢。

見到好多人話天水圍呢間米線舖好食 所以黎試下 攞完飛等左20分鐘左右有得入座✨酸辣小辣炸醬豬紅 $44+$6 凍檸茶湯底有啲酸味但冇乜辣味 冇乜酸菜 豬紅幾滑但唔入味 比較淡 🙈🙈 炸醬係分開另上嘅 但味道都係醃得一般 唔夠香✨麻辣腩肉豬大腸 $44+$6 凍檸水一飲個湯覺得比較淡 唔夠濃郁🙈🙈 腩肉都係好似冇醃過咁唔夠入味 豬大腸係四個餸入面最好食嘅一個 夠滷水味👍✨麻辣雞 $38雖然啲雞夠入味同埋都算嫩但係個麻辣嘅都係唔夠香 冇乜層次 都係普普通通🙈🙈總括黎講米線質感唔錯 幾滑同彈牙嘅但係湯底同餸都好普通🙈🙈🙈 環境超級逼🙈🙈 食食下仲要轉枱 差啲比漏左個炸醬我 要追佢先比味道❤️❤️❤️抵食❤️❤️❤️服務❤️❤️💔環境❤️❤️💰午餐人均～$69 (唔收+1)❌再幫襯

呢間位於天水圍新北江既米線，舖頭雖然面積唔算大，但每次去到都係非常多人要排一陣隊，建議去前打個電話問一問，或者係電話攞定飛仔慳番時間⏰佢地米線都非常爽口，唔似其他好多米線咁煮到淋哂，而辣度都有分幾級，可以跟番自己口味叫大、中、小辣。我每次去到都係叫肥腸、豬紅，夠哂入味。然後一定會再加個麻辣雞(呢款最好係電話預先留定，晏少少都冇得食)，非常嫩滑😋入天水圍經過新北江既朋友，又鍾意食米線，一定要去試下👍

去開天水圍，順便係附近搵食，就試左近排米線關注好hit既麗江雲南米線，係新北江商場入面，格局好似返咗深圳咁樣，米線門口排滿左長長嘅人龍，最後等咗個幾鐘先入到去。試咗佢哋嘅麻辣湯底（小辣），小辣已經好夠辣，食完條脷有少少麻痹，餸菜揀咗雞翼、豬紅、豬肚，雞翼係炸雞翼，會另外分開上，小店嚟講幾用心，豬紅有口感，唔會煮得太淋。整體嚟講幾高質，但係等候時間太耐，如果唔使排隊先建議去試，或者揀平日少啲人嘅時間。

由幾年前開始，呢間麗江已經喺我心目中奠定世一米線呢個地位😆不過的確要搵機會入天水圍先可以食到～無論係咩時間，呢度都係超級多人等位，加上新北江呢個舊式商場通道狹窄，如果唔係真係咁好食我都唔會等位🙈星期日嘅中午時間，大約等咗半個鐘先有得坐門口位😥我叫咗豬耳蘿蔔金菇麻辣米線 ($51)，首先最吸引我嘅梗係個湯底啦，我好鍾意佢麻而不鹹嘅感覺，食到好過癮但亦唔覺得好重口味～雖然上面都有薄薄一層油，但食落口都唔算好油膩～配料方面，蘿蔔真係冇得輸，次次食佢嘅蘿蔔都係冇渣又甜😋食完之後成個人暖笠笠，有一種好滿足嘅感覺，相信鍾意食米線嘅大家都會明白😌不得不承認，呢度嘅環境同埋服務都欠奉，坐門口位係會不斷俾人撞背脊，所以有時真係對佢又愛又恨，但又久不久都會掛住佢😌

呢間天水圍米線，已經食左十幾年，由佢岩岩開到之後排到痴線，正因為果個位實在太窄，所以後期我每次都外賣自取算。------------------------------🔴我最鍾意食中翼大麻辣，其實成日都好想食酥肉，但係我都撞唔岩佢出貨既時間，今次好彩叫到， 叫左一大袋， 好酥好食😚 而佢地既米線果種辣係有種會上癮既感覺，又夠麻。真心話：因為佢係屋企附近所以先食足咁多年，如果要我特登入黎天水圍食就唔會了。唔想為左食米線排餐死😂😂

一直好鍾意食米線咁啱見到有人介紹所以專登港島過嚟食~當日係星期六嘅下晝等位大概10張飛不過半個鐘內就入座，可以接受嘅講返環境先，新北江係類似葵廣嘅商場所以唔可以expect好乾淨好闊落等位嘅時候都人來人往，要企喺無開嘅舖前面喺香港慣咗去唔同地區食嘢，所以個人而言冇乜問題今次嗌咗碗三餸米線，湯底係小麻辣蘿蔔: 好淋又甜，令湯底好入味👍🏻豬腸: 見好多人推薦所以嗌，係唔錯嘅不過冇驚喜腩肉: 厚身，但唔難咬，個人認為必嗌❤️米線: 軟硬適中湯底: 平時食開譚仔麻辣五小，呢個小麻辣湯底對我嚟講太辣，當然味道真心唔錯嘅雖然好忙，店面姐姐們態度都好niceOverall覺得不枉此行😊

相信喜愛米線而且居於天水圍的朋友對麗江定必不陌生,  朋友非常鐘情這家米線我吃了一次、兩次, 依然覺得普通, 而且需要等位, 座位亦很窄, 坐得很不舒服有一次, 侍應姐姐推介我吃多麻便一試愛上, 味道真的昇華不少今次叫了豬紅, 蘿白, 腩肉, 大麻中辣, 湯底濃而不膩, 而且吃完不會口乾, 蘿白非常淋甜入味, 腩肉也不錯, 豬紅很普通叫了多芽菜, 果然姐姐給了巨量芽菜令我這個芽菜愛好者非常開心, 在此答謝小食叫了蒜泥白肉和麻辣雞, 蒜泥白肉較咸, 而且較瘦, 麻辣雞沒有什麼雞味, 雞亦沒有特別入味, 兩款都普普通通, 不試也可.

返學Lunch time 來到麗江雲南米線，聽聞是天水圍必食，咁就一於去試吓！ 算是又便又飽肚的快餐之選。餐廳環境方面就麻麻哋，迫夾狹窄，衛生環境方面需要改善。份量不算少，賣相睇落都吸引，白蘿蔔幾入味，整體上米線普普通通。

買了兩碗米線，一碗中辣辣酸辣，一碗大辣麻辣。飲咗一啖湯，完全冇味，好似溝咗無限碗水落去咁算啦。叫咗腩肉，豬腸，肉燥。啲豬全部有豬肉燥味，真係難食到一個點，呢碗係近年食過最難食嘅米線

其實好耐之前食過一次 覺得呢間嘢嘅米線冇乜味 冇乜特別 （健康版嘅麻辣米線）隔咗我諗起碼兩三年 諗住俾多次機會佢 試多一次 打定電話外賣 去到拎 （$39）叫咗個炸雞翼麻辣中辣 返到屋企打開米線分量超多～但係呢間配菜就比較少 食第一啖 個感覺又翻返嚟 味道比較淡唔算好辣 麻感覺多少少 炸雞翼正常 唯一覺得係米線都有啲滑口嘅 同埋湯底冇乜味 但健康啲😆總括嚟講下次唔會再食真心唔明點解啲人會覺得好食 要排隊堂食更加不了😂可能鍾意食嗰啲係鍾意食「情懷」

每次經過都好多人等位，今次親自試一試，大概等半小時便有位，環境比較擠擁座位少加冷氣唔夠，見外賣的多過堂食。食物的確好味，小麻辣都辣到整個嘴麻左，蘿蔔又夠入味，肥腸夠淋，米線夠滑。