影片
招牌菜
潮州冻蟹，超级大只呀﹗巨形到个连个盒都闩唔埋呢。今晚朋友请食蟹㖞，梗系食左先讲啦 ﹗肉蟹啖啖肉，鲜甜可口，看得见的肉汁立立令，入口水润非常 ﹗食原味蟹味突出，沾上酸醋更是开胃呢。芥兰炒牛肉，芥兰原条免切？十分有趣，哈哈。谂住大大碌芥兰点都会切段先炒架麻，居然大大碌成条上台，果真保持原汁原味。质感非常脆卜卜，咬到卜卜声，听到都特别开心兴奋 ﹗乸牛肉味浓兼腍腍滑滑，还可以接受。镬气迫人，都几好食呢。不过卖相睇落似先烚芥兰铺底后，再倒个牛肉芡上面就算㖞。粟米鱼肚羮，五十几蚊有两大碗，份量足足一窝，真系食唔晒架㖞，留返一碗宵夜先 ﹗散少许糊椒粉吊吊味就更加可口，质地黏稠乏著滑蛋气味，粟米味道芳香浓郁，鱼肚爽爽没有油益味道，金黄汤汁夺目耀眼，有水准。蒜蓉炒白菜仔，大家都好少食白菜仔，试试啦。热腾腾大束大束塞入味，连汁带蒜亳不犹豫地食食食，非常爽甜充满水份，菜甜味冲积著每颗味蕾，预料之外的美味 ﹗最怕白菜又苦又涩，依碟就非常好食喇。南乳炸碎鸡，我最钟意试特别野架喇，最有冒险精神 ﹗出乎意料地大受欢迎，个个赞佢佳。惹味南乳咸香、薰芳乳香、味道浓浓。炸得干爽又香口而不油腻，肉质软棉不鞋硬，好味道，心满意足。肉片炒四季豆，老板娘您系咪饮蓝妹饮醉左呀，干煸同肉片差好远㖞，我地想食干煸四季豆。但讲极老板娘都唔知咩系干煸，激死 ﹗最后咪是但叫左个肉片四季豆啰 ﹗幸好四季豆属百搭食材，点配都好食。爽口甜美夹都微弱肉香，肉片软腍滑嘟嘟，与四季豆有极大对比，十分有趣呢，味道亦不错。麻婆豆腐，何解要用硬豆腐呢？较结实唔易烂？较经济？用滑豆腐先好食架麻，依家完全系两回事 ﹗不香不辣又不滑，肉香欠奉，豆腐硬掘掘，淡而无味。难得我今晚破例叫左碗白饭捞添，不试也吧。近几日经常谂住麻婆豆腐，好想食啊 ﹗而家浪费左我宝贵既 quota。红肠墨鱼，傅闻正宗潮州冷系无红肠墨鱼供应架㖞。简单是美，棋哥钦点菜色，我都有著童年回忆啊。原味玫瑰红肠微咸带香，沾上卤水更是香喷喷。原味墨鱼肉弹而咽韧，墨鱼须脆卜卜，墨鱼鲜味出众，无可掩饰。两者并上卤水及辣椒油非常惹味刺激，捞饭食同样一绝。蒜蓉芥菜胆，甘甜到无可抗拒，简单的调味，高质的炒功，蒜味迫入芥菜胆之中又保持翠绿既颜色。一咬爆破充满甜美菜汁，无敌的爽嫩，美味无穷又泛著蒜香，一件又件不定掉入口中，欲罢不能，食晒方休。豉椒炒蛏子，非常少食既一味，因为有过唔开心的经验啰。跟炒蚬一样汆完水再兜个芡汁出货，并不是生炒的。蛏子完全无味又过熟，韧而干鞋，不吃也吧。椒盐狗肚鱼，极少会 order 狗肚鱼，外层炸得金黄香口软棉，干爽不油。狗肚鱼肉质多汁滑溜又软塾，连骨都食埋呀，如果有喼汁就更加醒胃啦。瑶柱扒豆苗，好耐无食过，我最爱食豆苗架喇 ﹗豆苗鲜嫩甜美多汁又翠绿，炒得热辣辣再铺上香浓干瑶柱芡，劲劲劲好好好味 ﹗伴著扬州炒饭食，如虎添翼，好食到不得了 ﹗百种味道交杂，食到唔停得口呀 ﹗韮菜猪红，不辣的卤水汁较为清淡，幸好有椒椒油打救。结实淡味猪红在辣椒油上打滚再入口，一咬爆开 ﹗外脆内滑，都满意。够热就会好好食，无浸过火搞到鞋鞋硬硬就更好食。汁液四射，卤水味浓添一点微辣，温度少少烫嘴更是美妙。由细到大我都食唔到韮菜的呢，跟生葱、芫茜一样，入口即反胃即吐。但近年经过麻辣锅既洗礼后，韮菜、韮菜花、皇帝菜、西芹、苦瓜都食得到咯，而且非常钟意食添。韮菜多汁又完全无渣，大量纤维非常有咬口，赵到索索声。扬州炒饭走生菜丝，尊登用黎配枝竹羊腩煲架，劲好味 ﹗唔要菜丝系因为想个饭更香、更干爽啰 ﹗加生菜搞到湿滴滴最憎。坚系有镬气，蛋香浓浓，彷似听得到烘烘炒镬声音 ﹗虾仁、叉烧、鸡蛋，够晒足料又香口甜美。有叉烧好食百倍，香甜中有浓郁肉香，饭粒又添上肉甜味，最怕某些食肆用火腿片代替叉烧粒，口感及味道相差非常远。鹿鸣炒得好食过常相聚好多，天与地的分别。就系因为只用腿粒、虾仔、生菜丝啰，叉烧粒占左好重要既位置麻。沙嗲金菇肥牛粉丝，依道菜做外卖不太适合呢，唔多掂啊，下次唔好喇 ﹗送到黎既粉丝已经发胀，腍劈劈又散又碎，用筷子夹都夹唔到，唔通分汤咩。另外，肥牛片已经变左二十成熟，干鞋到痺，整体味道就过得去既。
继续阅读
和家人来到这间位于太和的餐厅，发现了以下好野食： 第一款： 椒盐濑尿虾这盘食物份量多，两人食都会过多，但味道很好。食上去又香又正，蒜炒得脆脆的，濑尿虾的肉在大火喉的情况下也不会变老或过于缩小。食上去很过瘾！第二款： 卤水鹅片卤水很多而入味，具有正宗的潮州风味好食。
继续阅读
店家室内环境颇为热闹，但就是这种的氛围，跟这夜的菜肴异常合拍..装潢颇有点街坊格局，除了数张卡座外，摆放的都是以木桌。来一道香口惹味鲜鹅肠。鲜鹅肠状甚肥美，入口先爽后脆，丰厚甘腴，难怪连一直嚷著要减磅的食友都说要吃了才算！卤水鹅肉肥美，卤得入味，滑而浓厚的感觉。煎蚝仔烙：不会过于腻口，边皮带脆，泛着蚝香好大粒同好多蚝仔 蚝仔粥味道很鲜甜, 粥底好有细个食果种潮洲粥(即是似汤饭果种)有冬菜莞茜葱花. 其他菜式，也不错，但不在这边写了
继续阅读
今次以经是第二次来到这里进餐了.虽然地方不十分舒适,但以这平民化的价钱,能食到有水准的菜色绝对超值.我等一行六人点了以下的菜色:1. 豉油皇鹅肠.. 用的是鲜鹅肠.味道出色2. 煎蚝饼. 蚝仔够多口感好.3. 纸包骨. 老菜色以经没有多少食肆会做,可惜只得五件我无份.4.焗鱼肠. 又一老菜色以经没有多少食肆会做,鱼肠够多好味.5.卤水鹅头颈. 卤水香,鹅够淋.入味.非常出色.6.椒盐腰果鸭舌. 香口送啤酒一流.7.春菜.8.九菜红. 一般水准.八个菜啤酒四支两饭两粥.450大元有找.试问去边道揾.
继续阅读
星期六去大埔探阿婆。一行12人去食晚饭。黎黎去去都系迎囍或海港，好闷。上OR睇到呢度嘅潮粤菜不错，于是就黎一试。店都算大，有大枱，坐得还可以，唔算太迫。看一看menu，菜式好多款，有潮又有粤。菜式多之余，价钱仲好实惠，最贵都只系只卤水鹅，其余食物都好平。全部都系大胃一族，所以叫咗好多野食。加上大家都好似好肚饿，菜一上枱，大家嘅筷子就即降落了，所以有d菜赶唔切影相~韮菜猪红，不过不失，入味。荀虾，有尽荀嘅酸缩味...爽口。豆豉鲮鱼炒油麦菜，超肥超多油，唔敢试。上汤浸苋菜，呢个就好清好味道，苋菜都好嫩。胡椒咸菜猪肚汤，好大兜，人人都有一大碗。超劲胡椒辣味，超驱风呀；有好多咸菜、猪肚同粉肠。豉椒炒蚬: 份量都唔算少，炒得ok，不过蚬本身唔够大粒，唔算太有肉。卤水鹅，系全晚最贵嘅菜式，但其实贵极都系好平。佢地称自己店嘅鹅系卤水鹅皇，又真系几能称皇㖞！比起好多卤水店做得好很多。半只鹅都几多只，唔算肥，好有肉。重点系好入味同好淋滑，真系好淋，脾位尤其嫩滑，啖啖肉！垫底嘅豆腐，味道就较淡，唔入味。卤水猪头肉，好香好入味，虽然猪头肉系好肥，但食落唔觉肥腻㖞！ 卤水猪肠 ，太入味，有点咸卤水墨鱼，呢个反而唔入味，墨鱼一向都系难入味卤水鹅肾，有少少太入味，亲友称似煲粥嘅咸鸭肾，其实我又觉得无咁夸，系咸咗少少啫。蚝饼，多蚝，而且蚝好大粒，无沙无碎壳。炸得香脆可口，粉浆不会太厚。椒盐鸭舌本人期待呢个菜好耐，因为我超钟意食鸭舌。椒盐嘅做法第一次食。用黎送beer 一流。炸得好够干身香脆，味道不会太咸，不错。盐焗乌头，落单时说明要等25 mins。真系食到尾声先黎。用鱼形铁盘装住，好多盐，师传会帮我地切开鱼皮。未上枱时闻到有鱼腥味，但食落完全没有。反而食到好香鱼鲜甜味，好味~~
继续阅读