鹵家

营业中

休息中

燒味絕對係香港人最愛嘅食物之一今次到訪依間餐廳🍴佢地標榜係由五星級酒店大廚出黎創業主打燒味為主，講求即場燒製，每天新鮮出爐我去到時大約17:30，剛剛準備晚市套餐除左主打既叉燒外，另外也有貴妃雞、燒鴨、豬手、豬頸肉等選擇。一場嚟到，梗係要試吓佢哋嘅叉燒啦叉燒肥瘦均勻，還有最愛的燶邊入口甜滋滋、脂肪恰到，醃料入味。豉油雞顏色非常光亮，雞肉皮滑肉嫩，沒有冰雪味，絕不馬虎。拍蒜青瓜味道酸酸甜甜，爽口清涼又開胃，多吃也不會膩

本身都鍾意食燒味同鹵水，所以成日都會食鹵家，鍾意鹵家個水準好穩定，絕對唔會失手，次次食都唔會失望，而且都幾好坐，我哋今次食叉燒多汁同燒鴨，飲凍我檸茶同凍奶茶叉燒半肥瘦，好淋好好咬，又好味，次次都會叫多汁同薑蓉嚟撈晒成大碗飯，墊底嘅芽菜又多，燒鴨燒得好香，鴨髀肉好滑，點酸梅醬冇得彈，檸茶奶茶個茶底都夠濃佢其他嘢都好好食，平時都成日會食青瓜雲耳嗰啲小食，主食燒鵝鹵鴨嗰啲都好高質，份量又多，有機會嘅大家一定要嚟試下

📍「鹵家」- 元朗今次食食食之旅黎到元朗😌平時食得多日韓台菜，都想食返啲港式啲嘅，呢間主推燒味就好岩我哋，好有住家菜嘅感覺，仲有健康嘅湯水飲，冬天潤一潤佢😇📷餐廳位於教育路，雖然店面比較細，座位逼咗少少🤏🏻，但係老闆娘同店員服務態度非常好，而且好細心，人情味十足🤗🥰🍴蜜汁叉燒皇配米粉💰HK$78✨推薦指數：8/10👧🏻平時都好中意食叉燒😍呢份叉燒份量都幾多，外表色澤鮮嫩均勻，肥瘦比例大約係6:4；蜜汁搽滿外皮再去燒，所以外身燒到少少焦燶，好香口🤤咬落去肉質軟腍入味，女甜好juicy！🤩底下仲有芽菜，吸收哂蜜汁好入味，都好好食😋😋😋佢嘅米粉唔係平時食開嘅直幼條米粉，係曲身，有啲似公仔麵😛米粉面頭加上麻油、粟米同蔥花，令到成碗米粉好香，擺碟又靚😛🍴秘汁鹵家鴨配白飯💰HK$72✨推薦指數：9/10鹵家鴨份量都唔少，外皮色澤均勻，唔會太厚身/太肥，食落肉質軟腍，一啲都唔鞋，而且好入味！鴨味幾出但唔會太酥，底下都仲有芽菜，配上鹵水汁，非常入味😋白飯都好岀色，軟綿綿，同平時係街食既白飯唔同，呢碗好有家既感覺🥰（👦🏻話似唔似住家飯，白飯都好重要🤣）👦🏻用咗鹵水汁撈飯食，結果成碗飯食哂😗🤣🍴酒仙醉雞卷

講起燒味滷味，元朗有一間由五星級退休主廚打理既小店，出品幾有質素，而且價錢經濟實惠，今次係第二次幫襯，決定帶友人品嚐下😋蜜汁叉燒王 $78 跟白飯+老火湯招牌既叉燒極具人氣，幾乎每枱必叫。叉燒只用脢頭半肥部位，食落外皮脆微焦香，食落有蜜汁甜味，軟硬適中，的確唔錯😯唔好叉燒既我都食左好幾舊。南瓜栗子粟米紅蘿蔔湯味道好清甜😍紅蘿蔔食落好腍，南瓜融晒，真係足料住家靚湯😋梅子脆燒鴨 $72 跟白飯+老火湯燒鴨食落幾香，口感嫩滑，芽菜墊底吸晒鹵水汁，入味爽脆😋點埋梅子醬，酸甜又解膩。鹵麻豬耳 $42 微辣豬耳軟腍得來帶少少爽脆，微辣鹵水汁配埋青瓜、紅椒絲、豬耳一齊食，更加爽口惹口😋晚市時段都幾多人，職員依然保持友善同耐性👍🏻同街坊食客有講有笑，感受到小店晚人情味☺️

燻蹄伴海蜇$72非常爽脆開胃，燻蹄份量俾比好多皇牌意鴦飯$65揀咗叉燒、燒鴨，叉燒肥瘦適中，燒鴨油脂好香，唔會有騷味👍🏻鹵家鵝王飯$76鹵鵝較上面兩款略為遜色，冇乜鵝味。

呢日造訪元朗一間好出名嘅燒味店，入到餐廳之後真係有啲家的感覺，點解咁講呢？🤣事緣以往睇過啲網上報導，介紹餐廳係家庭式經營，主廚係退休星級酒店大廚😱樓面就由家人打理，營造到家常便飯嘅風格！晚市套餐，有主食、白飯/米線、老火湯/飲品🍽️蜜汁叉燒皇、特制鹽香雞、梅子脆燒鴨、秘汁鹵家鴨，全部都好吸引到我味蕾🤪除咗晚市套餐之外，餐廳仲有好多款唔同嘅小食，有好多款都好想食呀！蜜汁叉燒王($78)店家招牌叉燒，幾乎每一枱食客必點😆肥瘦程度係最靚仔嘅半肥瘦叉燒，食到蜜味之餘，亦做到脆口燶邊，口感一絕😋單論呢碟叉燒，水準真係拍得住市面上嘅高級中菜廳、酒店，但價錢相宜，份量亦俾得好足😝秘汁鹵家鴨($72)潮式滷水鴨，鴨肉本身滷得好入味，肉質細嫩，大家仲可以加錢轉鵝肉🥳酒仙醉雞卷($52)醉雞卷係店舖幾出名嘅一款小食，雞肉有陣陣酒香味🍺份量以小食嚟講絕對唔少，真係大份夾抵食！講到明家常便飯，又點少得一碗無味精、足料嘅老火靚湯呢🫕

今晚天氣咁凍，想早啲開飯，6點幾就入咗鹵家食飯，已經見到好多人幫襯，果然有口碑！❤️酒仙醉雞卷$52呢個係必試！口感好正，好入味！酒味好香，下面仲有啲青瓜絲墊底！超好食呀❤️頭抽豉油雞$68雞肉好嫩滑，有口感，豉油入味，但唔會太鹹下面仲有啲芽菜墊底，超正😋😋 跟餐有飯有野飲❤️蜜汁叉燒皇$78燒得好香好好食😋好靚嘅叉燒！都係跟餐有飯有飲品飯煮得勁香，食到好滿足！跟餐要咗杯凍檸茶，有水準！另一個餐要咗湯，係蓮藕湯呀😍😍😍超正，勁足料呀！！😍😍😍

鼠妹🐿很久沒去這家吃東西了，藉著有時間就去吃個午餐吧。店舖位於元朗教育路，裝修簡約環境舒適。午市時間跟餐附送老火湯或飲品，當天的是粉葛赤小豆扁豆豬骨湯，用料十足味道濃郁。-▪︎食神叉燒飯 HKD$60這個是黯然燒魂飯的賣相，叉燒是厚切版本，肥瘦均勻帶點“燶邊”。肉質嫰滑腍身，外皮微脆挺惹味的，帶點焦香的口感。喜歡把太陽蛋的蛋汁拌飯，令到飯質更香滑。-▪︎秘製鹵家鴨 HKD$58鹵水鴨賣相也很吸引，肉質煙韌入口，鹵水味濃厚微咸。加配酸酸的醬汁吃較開胃，而且令到鴨肉口感更濕潤，底下有爽脆的芽菜。-▪︎鹵水豆腐 HKD$38一份有五件厚切豆腐，另有一隻鹵水蛋。豆腐外皮濕潤，豆腐質感嫰滑。鹵水蛋挺入味的，整體味道不算太咸，用來拌飯挺好的。-

元朗教育路鹵家就只係一間簡簡單單自街坊平民小店地方不大，卻是我同我老豆最喜歡撐抬腳食個下午茶的好地方。-粉葛赤小豆扁豆豬骨湯自家煲製無味精，簡單卻是家的味道。-梅子脆燒鴨米線簡簡單單一碗燒鴨米線，鴨肉上檯時已切片，燒鴨皮脆肉嫩，咬落肉汁超Juicy油脂與鴨肉的香滴進湯裡，米線都變得超香。-食神叉燒飯梅頭豬肉叉燒好鬆化燒得燶邊，加埋隻半熟煎多，蛋黃撈飯加叉燒真係簡單又美味。--除左主菜，呢到的小食話梅涼瓜都開胃好食，酸中帶甘。

今日經過有啲小衝動 冇唸過真係衝動既懲罰真係未食過咁難食既叉燒。街市都贏佢幾條街 叉燒好似柴咁乾 叉燒邊似係用乾瑤柱碎拼上去既感覺 （大家應該可以想像得到，）完成唔掂 真係比啲KOL害死 收唔收佐錢做宣傳唔知 ！仲話係食神叉燒大佬冇玩啦 街邊貨都不如！！真心冇第二次（埋單前問佐下侍應係咪用剩既隔夜叉燒 極力否認）上圖大家評論一下！！！

鹵家 (元朗)元朗教育路68號兆豐樓地下10及14號舖蜜汁叉燒王白飯$76今晚食唧蜜汁叉燒王，真係名副其實，燒得少少焦香，蜜甜冧滑，多汁，一啲都唔韌，配小小大豆芽，爽脆清甜，超好餸飯，真係好食😋😋😋抵食，極力推介👍👍👍香蔥煲仔豉油雞$73熱辣辣嘅香蔥煲仔豉油雞，香噴噴，賣相靚，見到都胃口大開，一啖咬落去，雞香肉滑，皮薄多汁，薯仔🥔，洋蔥🧅配料好入味，餸飯一流，必食🥳🥳🥳套餐加$25有大大碗飯同湯，仲有嘢飲添。鹵麻豬耳$42鹵麻豬耳好入味，冧滑中帶脆，夠鹵香小麻，好滋味，有口感👍👍👍住家老火湯最正係住家老火湯🥣超足料，有豬骨，紅蘿蔔🥕，猴頭菇，雜菇乾，湯鮮甜，滋潤，飲落喉嚨好舒服😌贊👍👍👍凍檸茶+$3檸茶🍋夠凍，檸香茶滑，好飲🍹🍹🍹

好耐之前屋企人試過晌元朗鹵家買過叉燒斬料，我記得係幾好食。今日做完野去到元朗無乜頭緒要食咩就醒起呢間，搵埋同事一齊去食。.蜜汁叉燒皇配白飯 HKD76送飯一流，叉燒蜜汁好入味，肉質鬆化又有燶邊🤩仲係我最愛嘅半肥瘦!! 無食一排，keep 到水準頭抽豉油雞配白飯 HKD66由細到大都好鍾意食豉油雞，豉油汁撈飯真係可以食幾碗😂呢度啲雞都幾滑，係連雞胸都滑👍🏻我仲忍唔住食左幾塊雞皮話梅涼瓜片 HKD32苦瓜平時都係食開炆同炒，第一次見到咁樣食法所以就試下啦。酸酸甜甜話梅汁又幾開胃但又保留左苦瓜嘅味道。苦瓜呢樣嘢真係令人愛恨分明😂但食左咁多肉再食返啲酸甜苦瓜中和下又幾好蘋果雪梨粟米紅蘿蔔豬骨湯潤燥止咳，真係岩曬秋天飲，夠曬滋潤而且飲得出無加味精，好屋企feel

【與君子品嘗君子菜｜與日文老師對談🎌】苦瓜被譽為「君子菜」皆因他有著「不傳己苦與他物」的特點。苦瓜與任何菜餚同炒同煮，都不會把苦味傳給對方，故人們譽之為「君子菜」。今日巧遇這店的「話梅涼瓜片」超開心，畢竟唔多地方有，而且陪我食涼瓜嘅朋友亦不多😋，謝謝老師與我分享日文課程內容，又陪我食涼瓜。Btw, 呢間下午茶除了有驚喜涼瓜外，其價錢都超驚喜。🔸話梅涼瓜片甜甜酸酸，完全冇咗涼瓜的苦味，變得大眾化咗，平時唔食涼瓜嘅朋友都可以一試。話梅都好開胃。🔸薑汁松花皮蛋皮蛋配子薑都係我哋最愛，今次仲加咗少少蒜蓉，原來咁樣食係好香的，下次可以再食。🔸梅子燒鴨米線 呢間店燒味出名，所以就算茶餐都想點吓燒味，我就揀咗燒鴨米線，有喜出望外感覺！點燒鴨，好多時都會得到啲鴨件，都係骨，但今次竟然全鴨片，仲放得咁靚，米線好滑，相對地就較淋，但份量都好多，一啲都無因下午茶而縮水。🔸韮菜鮮肉餃米線我哋仲點咗韮菜鮮肉餃，好大粒好重料。飲品相從缺，因顧住食唔記得影了

今日經過見到門囗掛住午餐的餐單，於是想買外賣，見前面只有一個人排隊，於是我排一下，點知等左5分鐘，個呀姐落張單好慢，中途重聽電話，終於到我：唔該想要個午餐，呀姐話：無囉喎！我問：未夠鐘喎！唔係門口寫住5:30 咩？而且我喺後面排左成5分鐘！呀姐話：總之未到你就無！真係好嬲！自己手腳慢反應慢！重態度差！一定唔會再幫襯！

跟家中長輩食飯，有時候真心未必樣樣都合乎胃口，西式唔岩就轉轉中式，簡單菜館已經可以。坐下來不夠已經有人拉大隊10個人坐咗係旁邊，睇黎真係有啲真功夫。抬頭一望原來是多年經驗的酒店級數老師傅。頭抽豉油雞轉白飯 $54.00大大隻雞髀🍗斬件，奉上薑蒜和其他醬汁，雞件又滑又多肉，肥膏平均，下面放了大豆芽，給收了豉油汁和雞汁嘅精華，好下飯。秘醬滷家鴨轉白飯 $56.00平時好少食滷水鵝片，因為覺得都不便宜，這裏的價格非常之親民，鴨片切得很薄，一口一口非常方便，師傅的刀工非常利害，雖然只是午市套餐，但覺得一點都不馬虎，鴨片容易入口沒有渣滓，很快就吃光了。話梅涼瓜片 $32.00入口爽甜清脆，完全沒有苦瓜的苦澀味，甜甜酸酸非常開胃，就算不喜歡吃苦瓜的朋友都可以試一試。是日冇味精住家湯（猴頭菇南北杏蜜棗紅蘿蔔粟米豬骨湯）跟餐免費配餐牌寫明健脾胃提高免疫力🤭點都要飲返碗，湯水又清又足料，湯渣都食得反，味道好濃，唔會好似沖左水甘。凍檸茶