影片
港铁旺角站 A2 出口, 步行约7分钟
继续阅读
营业时间
星期一至日
06:30 - 02:00
公众假期
06:30 - 02:00
公众假期前夕
06:30 - 02:00
以上资料只供参考，请与餐厅确认详情
·三宝饭(烧肉,油鸡,咸蛋) 🍛·HK$48 (午餐)好味指数：7.5/10油鸡🐓味道恰好，鸡肉唔会鞋口，师傅仲俾咗鸡髀🍗位。烧肉皮脆热辣辣，但小编略嫌咸咗少少🤏🏽，咸蛋🥚都好大只，整碎捞饭一流。小编当日去到系午餐时间，跟餐仲可以有大大碗例汤🥣，或者可以选择加钱转冻饮。抵食指数极高。😆
继续阅读
净两𩠌猪扒极少块！去左呢度买净两送,唔止一次,但一次比一次越来越少,有试过系正常份量,但今日目测得极少块,佢话依家系比多左我😂个亚姐仲话有8大块！无下次！ 态度又差！
继续阅读
今日我同老公驾车回家途中，想买外卖返屋企食，唔知食乜好。车路过旺角鹅皇馆，好似几好食，就停车去买。烧鹅好贵，第一次食唔知好唔好食，都是买其他烧味试下，平好多。我地买左2盒双拼烧味饭，一盒是叉烧油鸡饭，另一盒是烧肉排骨饭，每盒38元，不贵。每盒的烧味不少，但菜只有1条，太少啦，如果可以有几条会好D。叉烧不错，半肥瘦，味道不错。油鸡肉肥，也不错。烧肉只是麻麻地，普普通通，比较干。排骨似叉烧，但肉不够厚，只是一般。
继续阅读
因工作经过，又想食烧鹅，见到隔离有间祺哥烧鹅，心大心细唔知入边间，见佢叫自己做鹅皇馆，好似自认整鹅好好食咁，便入黎帮衬。叫左个鹅濑，一上枱好似几靓，点知一咬啖鹅，犀利喇，全部硬过煲汤瘦肉，全部唔入得口，咁既环境下，叫过碟又唔系，唯有食唒啲皮就算。 个濑粉连汤就算几好，仲搭左条菜，系细份左啲。杯柠茶就冲得唔错，而且个杯够厚够保温，食完野饮都仲够热。唔怪得间铺做埋两𩠌饭，只卖烧味佢应该做唔住。大家乐个鸭饭一定好过佢十条街。
继续阅读
烧味喺广东人哋心目中，有根深蒂固的位置,虽然周街都有，但有时就系会冇啦想食。烧鹅濑，呢个组合，真系千古永留，冇可取替，唔知点解，烧鹅配饭都好好食，烧鹅配米粉都好食，但系烧鹅配濑粉，就系超级超级超级好食。去亲食，好顺口就会讲出一句，烧鹅濑粉啦唔该，次次都会谂，点解唔试吓其他嘢呀，不过当侍应攞到一碗烧鹅濑粉黎嘅时候，就会急不及待咁食呀食呀食呀。食完，饮啖饮品，啊... 正呀！食10次，10次都唔会厌！这就是魔力！
继续阅读