影片
工作做到攰，就会想食下d开心舒压嘅好嘢(唔代表要贵嘢) 。今次又loop返到烧鹅，就要返黎呢间鹅之极品。见个店名就知道系对鹅有自信嘅铺头，鹅有两飞，卤水鹅同烧鹅，个人暂时只爱好烧鹅咁今次就食个烧鹅烧肉饭，顺手试埋个烧肉。其实对上连续两次黎食叉鹅饭都好好彩咁师傅切左只鹅脾比我，今次就比左鹅身，其实都好，可以试下唔同位，好happy都系几好食。点好食呢，就系keep得住鹅皮同皮下嘅鹅油，当然肉要有d, 黎加重入口嘅质量，但肉唔可以太霉或太韧，软硬适中先可以配合到鹅油嘅美味。鹅皮呢度就唔系脆果种，可能因为唔似好多其他地方咁烧得太干身，什至连脾嘅油都烧走晒，而呢度嘅就唔会太干，食两次脾都有油，所以几满意，鹅身都一样，油虽然少过脾位，但一样系足够，满意；) 咁综合3次嘅烧鹅水准都保持到一致嘅质数，咁至叫有料到。虽然重点绝对在于烧鹅，但其他方面都讲下啦。烧肉都系好食，适当咁肥同咸，都系好食。之前食嘅叉烧就一般，太瘦同冇咩香味，系食得嘅，但唔会回味。每次都系下午时间去，地方任坐冇压迫感，而卫生就ok, 见阿姐keep住有打扫，而且态度系feel到亲切而对工作熟练嘅街坊味。本身就一间门面同食物选择都唔起眼嘅食店就冇咩需要写食评，但就之前去其他有名无实嘅烧鹅店嘅经验，就感觉稳定地好食嘅烧鹅其实唔易揾得到，加上呢度唔贵，53蚊双拼饭，又有葱油，又送例汤，又有油菜，又唔迫，又唔串，所有细节位都满意，去边度再揾到？所以对我黎讲系safe choice, 咁就介绍比大家。
继续阅读
事隔几日又黎食，因为真系太挂住呢到既叉烧喇🤤今次自己一个人黎到深水埗-鹅之极品烧味叫左净叉烧饭😆同样地，一入铺，店员已经拎左碗汤个来，一样系几足料👍🏻叉烧饭-$43上次就叫左油鸡叉烧饭，今次果断地净系叫叉烧，今次叉烧更加肥美，边边角角带有小小焦香，油油亮亮的，一上枱就俾我大啖大啖地吞噬🤣今次叉烧系我比较中意既部分，一粒肉连住小小肥，一块叉烧3粒肉🐷叉烧同上次食一样，又香又软淋，肥既部分仲要有入口即溶既口感，真系超级美味😍
继续阅读
坐巴士去文林买笔系北河街站落车见到有烧鹅食就入左去坐底试下，叫左碟烧肉鹅饭$45有老火汤送连野饮。呢个价钱包晒依家去边度揾？？ 啊姐先拎左碗列汤黎赤小豆猪骨粉葛几淡口成碗饮晒。好快碟饭就拎埋黎，烧肉D皮好脆不过都几肥味道都几好(自己既错落单时无出声要求要瘦！)不过并成只飞天脾补番。烧鹅咬落去先感受到超脆既烧鹅皮，之后系甘香既鹅肉。点埋跟黎果碟酸梅酱感觉超正！又发现新大陆！下次试叉油鸡
继续阅读
早几日去完黄金买嘢, 之后沿住元州街行落去揾食, 偶然发现呢间以鹅响朶嘅烧味専门店, 就即管睇吓佢嘅烧鹅喺咪咁得.坐低叫了份烧鹅饭套餐, 原来呢个餐长期做紧优惠, 送冷或热饮 (其他烧味饭套餐饮品要加钱), 先来例汤, 味道不错, 喝得出是老火㷛个种, 不是一般味精水, 主角烧鹅饭有成只飞天脾加几件背只骨, 肉味及口感虽不能与那些至尊品牌烧鹅店出品相比, 但以街坊小店食品质素来讲, 都可以话合格有余, 份量亦达八十分. 饮品方面, 涷柠茶是一贯茶餐厅出品, 没有什么需要讲.最后埋单承惠43个大洋, 可以话相当底食, 下次去开个头都会再帮趁.
继续阅读