鴻福堂 (已結業)

呢排轉天氣，可能係秋天黎到啦，個人比較乾燥，好似有少少熱氣。行過見到鴻福堂，龜苓膏竟然做緊買一送一！咁就入去買咗兩盅食下。之前好多年前有比較過鴻福堂、海天堂，同埋健康工房嘅龜苓膏，好似科學數字來講健康工房係最好嘅，然後就係鴻福堂，再之後先係海天堂。其實我三間都食過，感覺上，自己主觀感覺功效都好似係呢個次序，哈哈。但係價錢來講，反而係健康工房係，最平海天堂係最貴。講返呢間鴻福堂嘅龜苓膏，味道有啲甘苦，畢起嘅時候，質感略為有啲水，就冇海天堂咁彈。至於功效，食一兩日個人都會清到熱氣。如果佢冇買一送一黎講，我就未必一定揀佢。但如果買一送一為，即為返只係20幾蚊一盅嘅話，隨便買一下都冇問題嘅，當清下熱氣都唔錯。

因為先前有張優惠券，所以決定去鴻福堂買「自家飯麵」~兩個飯盒嘅味道都好似係學校訂飯嗰D咁，食得出好健康咖哩牛肉飯味道是不錯的，不過牛肉太諗，且很粉...而排骨飯就比咖哩牛肉飯還略差一點，排骨沒有口感，而且不夠味~幸好給了一包甜豉油，撈埋才夠味

一向如果想飲健康野飲時都會買鴻福堂, 貪佢落既糖份比較少~今日一口氣食左一大包marks & spencer既chili breadsticks~嘩!熱氣死...就去左飲甘蔗汁, 好清甜呀, 好重甘蔗味~可以試下ga!

早日病左mami叫我去飲廿四味,我就貪方便走黎買$7/glass~mami話佢比足料wo,我就唔知喇...淨係知道真係好鬼苦...$7好細ja,5啖度飲哂!

見佢靠賣涼茶做唔住,而家賣埋燒賣幫補, 真慘~哈哈!$6有十粒, 同7-11一樣,好食過7-11 wo!竟然有彈牙既感覺, 重幾大粒下...妹仔大過主人婆~.....皆因佢既涼茶都唔算太水準之作