鴻福堂

营业中

休息中

喺鴻福堂我淨係會買佢個粥品系列，咁多款粥入面我最鍾意就係鮑魚雞粥。因為足料味道好，每次都食到雞肉同鮑片㗎！而且處理嘅方法超級方便，只需要連包裝用熱水度浸10分鐘就食得！剪開個袋用匙羹食，連碗都唔使點洗添啊😂

早前為左補一補身，周圍揾平和滋潤的「桑寄生蓮子蛋茶」結果要去糖水舖挨貴價仲要唔係間間糖水舖有得賣😓琴日去開『鴻福堂』發現原來都有得賣，用膠袋裝住，可以直接放入沸水加熱，超方便！今朝早加熱後倒落碗飲，煲都唔使洗😆入面都算多材料～首先每包都有一隻蛋係入面，然後仲有兩～三粒紅棗，同好多粒半開蓮子👍🏼不過倒出黎之前記得搖勻，因為都有啲沉澱物係底。飲一包就可當簡單有益的早餐，材料夠所以都飽肚！而且唔算太甜，清清地都幾適合早上飲🤤

今天經過 鴻福堂，見到它的雪櫃有一支 玫瑰花粉蜂蜜。我對玫瑰是一個愛好者! 所以便馬上買來試下口味。一打開，玫瑰的香氣馬上傳進我的鼻中。喝了一口， 蜂蜜的蜜糖味很重，所以味道亦較甜的。而玫瑰味有蜜糖味中，暗暗的帶出淡阿芬香的花味。如果玫瑰味再重多一點，而蜂蜜的甜味減少一點，我就覺得會更好喝!樽裝置上寫著 護肝健胃， 喝完後，可能是因為我買的是凍的，所以感受不到健胃。 曾經在其他分店遇上惡劣的員工。而這間分店的職員態度ok，會有笑容和有禮貌!

趕去轉搭巴士ge中途見到鴻福堂大大張海報寫住 $30/2包糖水,於是就入去買2包黎試試啦~~首先食左個"海帶綠豆沙"海帶好有"配角"ge感覺,份量又少,但綠豆份量好多,成碗睇上黎唔會水汪汪ge感覺,綠豆起晒沙,唔會太甜,都算幾好啦~小妹其實幾鍾情杏仁茶ge~~ 難得今次要響鴻福堂買糖水,當然要揀返包啦!"手磨杏仁蛋白茶"剪開個袋倒入碗未叮熱已經聞到嗰陣杏仁味 叮熱後蛋白仲係滑嘟嘟,反而杏仁茶冇滑ge口感,硬係覺得有少少、少少渣咁,比起綠豆沙,杏仁茶比較甜左尐

屋企人有買開鴻福堂飲品coupon, 我成日袋住幾張coupon在身,方便自己可以去門市換领1支,上星期三放工之後去了天水圍站換下一支來飲，而家天氣咁熱，想飲下冰涼飮品，我今次換了椰香紫米露,本來預咗唔好飲,估不到椰香紫米露出奇地幾好飲，這支味道不算太甜，甜味剛剛好而且有好多紫米，好有椰香味道，天氣飲下這個真的好正，下次照換這支