影片
趁放假认识充满历史价值的公共屋邨 —— 丽瑶邨，游走于旧式店舖，体验社会变迁，品味旧屋邨人情味。寒冬袭港，最岩就系食热辣辣嘅煲仔饭，豉汁大鳝煲仔饭，肥美白鳝配自家制豉汁，再淋上加入南姜、老抽等调配的豉油，滋味又弹牙，未吃已闻到香味，令人胃口大开。煲仔饭暖笠笠又好味，饭焦香脆可口!黑椒牛仔骨煲够晒镬气，牛仔骨惹味香口，入口又松软，而且份量多夹抵食，食完暖笠笠，寒气尽消!青红萝卜猪骨汤能清热袪湿、润肺止咳，而且味道清甜，十分好饮。
继续阅读
估唔到屋村嘅餐厅都咁有惊喜，餐厅面积好大，有好多卡位，午巿去到，几乎坐满咁滞，明显深得街坊支持，午市套餐好抵食， $60内就有一个碟头饭，而且份量好大，见到街坊都食得好开心，下次有机会试吓，今次我哋试咗佢嘅小菜，小菜款式好多，好多选择，而且价钱唔贵，万事仲有套餐， $260就可以有三个𩠌再加白饭，认真抵食豉汁蒸鳝呢个线真系质素好好，非常爽口，咬落去系脆皮的，好少食到咁有质素嘅鳝，好肥美好好味，而且份量一啲都唔少，个汁唔会太咸，带出鳝既鲜味西兰花炒鲜鱿鲜鱿好爽脆新鲜，而且有好多鲜鱿，好有镬气，味道好好，亦都唔会太油腻沙嗲金菇肥牛煲沙嗲味好浓郁，肥牛唔会太肥，镬气够，热辣辣上枱，送饭一流
继续阅读
1.多次外卖货不对版，我已将就；2.不直视街坊顾客意见，固执己见。直到这次打电话去询问老板娘：「点解米线冇加底？」老板娘话佢地厨房加左，益紧我！我心谂「你地员工乜料你无知咩？多次出错，今次就啱？」（其实第二点我都可以忍）3.最后老板娘收线之际话「雕那星」。我可否视之为你地餐厅嘅回应？我心平气和同你倾，得到甘样嘅回馈，多谢嗮！一直以来光顾了这么多，街坊情真系好嘅姐～听闻你地开新铺，我就祝你早日收档，冇甘辛苦啊嘛～我下次经过会同你打招呼嘎啦，毕竟你素质甘好「老板娘，你今日系唔系食咗屎啊，把口甘臭嘅，铺头卫生一定『正』嘅姐……」祝福咗你甘多一定要多谢我啊！毕竟对你地真系衷心嘅评论！加油！
继续阅读
住美孚有样好，就喺交通方便，此外，行山亦好方便，可以直接由美孚行上去马骝山，今次，上到石梨贝水塘，经小径上华景山庄，再落番美孚，然而，回程专登兜过去丽瑶邨，因为想试吓晌丽瑶商场嘅茶记。之前晌疫情严重时行短山不时经过，当时见铺内冷清，所以，打算复常少少就支持吓屋邨小店。晌呢度，其实有两间茶记孖住：「鸿发餐厅」及「丽瑶餐厅」，拣前者纯粹睇落环境好似好啲，无咁「立立乱」。走进店内，环境感觉确喺比较新簇，亦算干净企理。由于附近有啲地盆，所以，星期六嘅午饭时段，都有几多人帮衬。而屋邨茶记，梗有电视机𩠌饭，啲人大多数会拣对住电视机嘅位嚟坐。餐具、调味料，放晒晌枱面，自由取用。茶记精神，就喺包罗万有，简单揭页式嘅餐牌，印有多种套餐，详细就唔写出嚟，总之有齐港式、中西式、马拉咖喱、焗饭……等等唔同口味嘅选择。 另外，除枱上嘅餐牌，仲有墙上贴满其他菜式选择，小弟就睇啱款葱油猪扒饭。胜瓜肉片汤饭 $46老婆就想湿湿哋试个汤饭，不过，呢个汤饭就唔包饮品，热饮加3，冻饮加$5。碗汤饭够晒大碗，所以，佢食一半都话饱晒，要由我呢个包底王埋尾。可惜，个汤有少少咸，猪肉亦无乜味，而且，饭有啲削，个人嚟讲，喺唔合格，只有喺份量多，啱附近做体力劳动嘅工友。 葱油猪扒饭 $46果然喺「劲爆葱葱葱」呀，落咗劲多葱油，再加只煎蛋，包埋嘢饮，四十零蚊，依家嚟讲，喺几抵食架啦。本身呢个餐喺唔包汤，不过，啲客一坐低，啲伙计就问你饮唔饮汤，基本上喺免费送。白萝卜煲猪骨，茶记例汤，够老火，志在有啖汤落肚。 而个猪扒饭又点呢，猪扒都好大块嘅，但就切得有啲薄，炸得亦有少少干身，却未至于韧，算喺还可以嘅。落咗大量葱油，自然令食味更正，如果只蛋煎生少少，蛋黄有啲流心效果就正晒喇。 今回因为天气热，又行咗好一段时间，平常晌茶记就会饮热奶茶，但今次就改饮冻奶茶，茶味浓郁，入口芳香，行完山饮杯冻饮，喺几爽嘅。话过撑吓小店，今次算找咗数，不过，质素未喺好符预期，试过就算，应该无下次喇。
继续阅读
做野经过丽瑶ramdom试左鸿发餐厅, 见佢入面装修都唔错, 感觉几新净可惜店员态度麻麻地, 讲野唔太友善。最尾叫左份早餐, 五香肉丁通粉 煎双蛋 热咖啡, 五香肉丁既份量比较少, 食落无咩味要另外落辣椒油先够味, 煎蛋都系普通质素, 正正常常咖啡份量算细杯,而且味道唔够浓郁,食物质素一般, 服务态度有待改善呢~
继续阅读