鴻發茶餐廳 (已結業)

今日比上司點左去一個小區做野，返工之前有睇定下附近有咩食。下？兩個餐廳？有d食評重係差不多10年前既事⋯⋯⋯伏伏地。到左lunch行到去原來兩間就係隔離，正值lunch time,學生哥充斥係其中一間門口，另一間就唔流排隊⋯以我甘保守既人，唔流排隊一定伏！寧願等。等左15分鍾入得！叫左個咖哩雞脾飯＋凍ot..！OMG!原來雞脾係生炸,仲成隻手掌咁大隻！一食入口。入味多汁重1d都唔會油林林！好正啊～～再一口點啲咖哩試下，咖哩正常貨。個配呢個雞脾真係正到脾！好滿足既一餐，可能無期望，所以覺得呢間真係我既隱世小區食堂。

一入店鋪就會發現每張枱上會至少有兩碗例湯, 用碟仔調轉再蓋在碗上, 以防止轉冷。今次是西洋菜湯, 好重料, 好重菜味, 無味精午餐$25 包熱飲, 凍飲加$1......乜而家重有便宜午餐嘅!????土魷肉餅飯.....肉餅有肥豬肉粒好甘香, 可惜肉餅太淋, 無根性, 這是唯一也是最失敗的失敗。 飯睇得出喺一大殼, 即大排檔炒嘢的殼。生炒排骨飯......比肉餅好得多, 酸甜適中, 不過排骨並非炸至脆皮。其他炒粉麵飯都要3字頭, 看來午餐較抵吃, 中午12時半左右已全場爆滿。