影片
最近喺大埔头足球场踢完波，就顺便去球场隔离嘅鸿利士多医医肚。😋第一次嚟呢间士多，睇装修就知历史悠久，连冷气都冇 😂 不过都算几凉爽。谂住问姐姐攞个餐牌睇吓，点知姐姐话呢度系冇餐牌，你想食咩同佢讲就得，不过最后佢都攞咗一份劲普通嘅餐牌出嚟。肉丁蛋面 ($38) : 卖相正正常常，不过自己觉得价钱就贵咗啲，同埋啲面唔系出前一丁就有点可惜，临走𠮶阵时见到速递哥哥食紧碟头饭，卖相相当精神，不过就唔知几钱，下次有机会试一试碟头饭。
继续阅读
好古老怀旧嘅士多。有时有猪脚饭/鸡翼饭。冇华丽装修或顶级服务。都系啲贴地嘢。老板友善。多年来拜完山必定叫个餐蛋面。佢餐肉非常厚。明明系普通嘅公仔面但同自己煮嘅唔同味。佢煮得特别好味。饭类份量好大。一定饱。冇冷气。夏天食会一身汗。秋冬天好好多。
继续阅读
踩单车周围去下，入到嚟三点有少少肚饿，就坐低咗。呢间平民士多冇menu，问老板有咩面食，老板就话五花腩牛腩猪颈肉。咁我就要咗碗花腩蛋面同杯冻奶茶。花腩面不过不失，蛋有少少熟过头，蛋黄系实嘅。碗面够多生菜，呢个抵赞。重点杯奶茶够哂茶香，平时饮嘅系甜，呢杯奶茶甜中带甘，完全唔滞，非常惊喜。枱面都有唔少调味料任君选择，我加咗少少花椒油落碗面，效果意外地搭。钟意食辣嘅你见到枱面有五六种辣料一定唔会失望。环境幽静，人情味浓厚，几好几好。
继续阅读
心血来潮想试试古色古香既乡村士多风味，像是小时候系大埔锦山的长城市多一样。想起大埔头村有鸿利士多，就立即飞的士再次探访啦。的士叔叔称完全未听过鸿利士多呢，朋友们亦不知道这里有间士多啊。上纲揾又揾唔到，地图上又没有这地方，好灵异呀！飘流士多？唯有叫的士叔叔系三育中学附近落比我再自己步行啦。其实士多系大埔头村南边公厕对出、匡智学校后面之麻。星期六朝早冷冷清清，只有一对母子在食面呢，大量座位坐边都得。一阵清凉山风吹过，带来夜香飘飘！早知坐室内啦，稳阵好多麻！远处传来异味，而且室外烟头味浓烈。我想食福面呢，但侍应叔叔话得福米无福面，有最普通的餐腿蛋、五香肉丁、面包、多士、即食面供应，另外仲有乌冬供应。无紧要，实在太肚饿喇，那么唯有食出前一丁，再加多杯冻斋啡，食完就行去一田买𩠌。太阳蛋厚切餐肉出前一丁，大量爽嫩生菜非常甜美，太阳蛋过熟呢，蛋黄都唔见埋，幸好煎得十分香口。即煎厚餐肉好好味，外脆内软，肉汁微渗，咸香吸引。侍应哥仔推介泰国辣粉，仲好系劲辣添，但对我无什么效果，都唔够辣既，又唔够香，失望。最终都系要加士拉差辣酱，好味好多。汤底太多水，浓郁欠棒，面质都唔错，满意。太阳蛋厚切餐肉出前一丁，非常住家出前一丁风味！侍应叔叔真系超级耐心又用心地慢煎厚餐肉，我系屋企都会这样做。煎得外脆内软，金黄微脆外层包软塾嫩肉，一咬爆汁！肉汁完全煎封在内，非凡香口啊！太阳蛋黄暖暖而味道甘甜香浓，蛋白底脆面滑，捞上面条同吃，黏黏滑滑，正啊！虽然汤底水多了，淡了一点点，不过爽滑面条捞上蛋黄同样十分可口美味！大量生菜铺得满满，连面底都完全遮盖，侍应叔叔好重手，毫不犹豫或吝啬，足足半份菜啊！非常爽甜鲜嫩，劲多汁，好好味。三文治一般摆放，最顶系太阳蛋厚餐肉、中间隔著生菜，最底才是汤面，这样便可避免香脆餐肉被浸腍啦 ﹗真是想得周到又细心，赞。试过所谓劲辣泰国辣粉，但完全唔辣，今次到辣椒油喇。豉味辣椒油十分有趣得意，真系大大粒豆豉！豉味香浓带甜，微微的辣带著微微的香，不过不失啦。
继续阅读