影片
以上资料只供参考，请与餐厅确认详情
附上图片是我第一次来吃车仔面，满心期待建生终于有车仔面！仲见价钱$45（4𩠌）真心抵。点知啲𩠌嘅份量…睇相不解释🙂↕️ 味道未去到难食，正常车仔面味。最搞笑系我杯珍珠奶茶冇粗饮筒，我就问佢攞只羹不珍珠，佢话冇俾支叉我吉😳 呢个都算..当佢啱啱开业冇预备，当时佢仲笑笑口咁，唯有自己内心无奈。然后重点来了！想讲第二次尼食粥同肠粉，呢个我嬲得滞冇影相！当时我等咗好耐，跟住见佢碗粥喺食堂个微波炉拎出嚟，仲要系唔热嘅！我心谂你微波炉放厨房扮煲滚拎出嚟都算啦，咁样公然微波炉嘟嘟嘟声攞出嚟？感觉似喺屋企叮返热啲粥嚟食，佢真系够晒诚意😧 仲要叮唔热！！发生咩事？！最吓人系个肠粉（贴住手指公嘅石磨肠粉）同白达叔叔浆糊冇分别！！真系好恐怖！食到我好嬲🤬 想叫佢叮返热碗粥都冇心机！点解食肆可以做到咁冇心？你系职员你敢唔敢食返自己整嘅嘢？！虽然我好肚饿但真系食唔落！成间舖头冇乜人当时下昼六点几左右，正常嘅呢个时间系唔多人，不过重点系乌蝇多过人🥶个卫生你可以想像到。食嘅时候我都几嬲自己第二次嚟，纯粹𠮶刻好想食粥同肠粉附近又冇，就试吓俾多次机会，点知恐怖过车仔面好多好多！想挑战嘅话就过嚟试吓
继续阅读
嗱，我同你讲，车仔面要好食，唔单止要够料、够味，仲要够自由！最近去咗鸿仔记车仔面，真系试完之后觉得自己可以开间车仔面DIY店咁款，选择多到眼花！🤣讲真，每次食车仔面都陷入选择困难症，最后拣咗卤水鸡翼、豆卜、通菜、肥牛。佢汤底可以自己调配，你可以自由混合麻辣、酸辣、腩汁、瑞士汁、沙嗲酱等等。我就拣左瑞士汁，有啲人话咖喱汁都正，但我下次先试。呢度$45就已经有四款𩠌，店舖唔算大，但干净企理，老板同店员都有种老街坊feel。°°°°°°°°°°°°°°°°°°°°°°°°°°°°°°鸿仔记车仔面 @hungs_cartnoodles📍屯门建生商场地下124号舖#MrsLong #hk #hkbloggermama #Longs #mamablogger #香港美食 #餐厅推介 #hkfoodie #亲子好去处 #假日好去处 #香港探店 #foodieshk #hkigfood #tasteofhk #hkfoodlovers
继续阅读
呢间嘅四𩠌面真系抵食到爆最正系佢除咗普通油面、河粉、米线之外竟然有营多捞面拣 真系好少有佢哋自家制嘅辣椒油同菜甫都几正个菜甫仲有阵虾米香 好惹味我地嗌咗两碗四𩠌面：第一碗拣咗：☑️ 日式溏心蛋 - 流心效果perfect池！☑️ 墨鱼卷 - 炸到脆卜卜好香口☑️ 秘制猪皮 - 索晒啲辣汁入味到不得了☑️ 卤水鸡翼尖 - 煮到淋晒啜落好过瘾第二碗就拣咗：☑️ 猪大肠 - 煮得够淋又冇臭味☑️ 牛腩 - 专登拣有筋位食落超黏口☑️ 猪红 - 滑溜溜咁好入味☑️ 面筋 - 吸晒啲汤汁正到爆真心推介佢个秘制猪皮 辣辣哋好惹味仲有啲牛腩筋位 食到黏晒嘴最惊喜系猪大肠都整得咁干净 完全冇异味$45食到咁多款嘢 真系好抵👍🏻
继续阅读