影片
好久都没有食啦，难得今日有开又见到，所以进去食饭。客人都好多，基本上坐满，虽然是商场舖，没有闩门，但冷气够冻坐得都舒服。霸王鸡饭食评(午餐E)霸王鸡饭的鸡肉鲜嫩多汁，外皮金黄油亮，入口带有淡淡的葱油香气，搭配姜蓉和酱油更显层次。米饭淋上鸡汁，吸收了鸡汁的精华，香而不腻。整体份量十足，CP值高。胡椒猪肚鸡汤饭这碗胡椒猪肚鸡汤饭汤头浓郁辛香，白胡椒的暖辣感瞬间开胃，猪肚处理得干净无腥味，嚼劲十足，鸡肉软嫩不嚡，汤浸米饭后更显㘃味，唯一可惜的是胡椒味稍轻，若再浓点，味道更佳，但整体风味十足，值得一试！
继续阅读
唔知呢间小店算唔算系屯们人心目中嘅饭堂？大约系2-3年前同事介绍，食过觉得几唔错，所以间中都有帮衬一下。当时食嘅猪扒感觉比而家嘅厚肉而且有时啲汤会重味左，比较咸😅真系次次都要抱住冒险精神去食，哈不过今次帮衬都唔算失望，霸王鸡啲鸡肉几滑嫩，而且份量都几足，唔错。胡椒猪肚鸡汤饭都正常，斋饮会有少少咸，捞埋饭就岩岩好，饮落去喉咙有微辣，同行朋友就觉得再辣会更好。午饭时间仍然满座，应该系性价比几高嘅饭堂吧~
继续阅读
啱啱嚟屯门做嘢𠮶阵问人屯门有咩好食，好多人都会搭呢间鸡朱宝。其实佢都只系一间普通嘅茶餐厅，不过佢样样嘢都做得几出色。我最钟意就系「豉油汁特厚猪扒餐」。$59有一块猪扒，另加一款小食，主食同埋饮品。我通常会叫猪扒加豉油鸡中翼。而且呢度有得转做菜底，啱晒我呢啲唔系太钟意食淀粉质嘅人。🐖块猪扒真系好厚，而且一啲都唔嚡唔韧，好腍而且都几滑下，但系绝对唔系乸过𠮶啲好假嘅口感。🐓豉油鸡中翼都非常之入味，而且只只都好大，胀卜卜。🥬菜底嘅话佢多数都系比菜心，不过份量好飘忽，我真心数过有时得六条，有时有十几条🤣呢间餐厅其实除咗我最喜爱的猪扒之外，佢个蛋包饭都好出色，不过佢个份量太多，我成日都食唔晒，所以就比较少叫了。
继续阅读
之前推介过屯门华都有间食猪扒，搬铺装修后一段时间无食，今次又去挑战一下都说传说，经👧🏽非正式统计，所以老店一旦装修搬迁都会有不大如前。餐厅内部的确比以前干净舒适，地方大左价钱都有所微调；以前一坐低就会有碗例汤，宜家就要额外+$7，例汤一样足料，但味道较汤。猪扒鸡翼双拼饭$59 ▫️ 猪扒厚切大块，但色水淡咗，而且唔够入味，连葱油都少；豉油鸡翼都无咁入味。椒盐猪扒饭$57▫️今次椒盐猪扒有啲失望，面头调味OK 但内里唔够入味，唯有辣味同香口洋葱补救一下。再次证明旧式老店真系不易大改。
继续阅读
基本上去开屯门做嘢一定会食嘅饭堂，如果唔系有朋友介绍，应该都唔会识得揾到去。必食推介系佢嘅厚切猪扒配豉油鸡翼饭，同埋自选洋葱蛋包饭。厚切猪扒配豉油鸡翼饭：猪扒确实几厚切，食落唔会好干身，豉油鸡翼煮得好入味，一入口就好易脱骨，但又唔会觉得霉，配埋少少豉油同埋葱油，成碟饭都可以食晒。自选洋葱蛋包饭：虽然佢有好多配料可以选择，但我就钟情佢嘅厚切叉烧或者虾仁，最钟意佢有劲多洋葱，洋葱又唔会煮得太熟，仲有少少洋葱辣同爽口，配埋个蛋又好够滑，超好味！
继续阅读