雞仔去骨海南雞專門店

营业中

休息中

原本一直都幫襯附近海南雞，星期日唔舒服就買外賣回家，路過試吓雞仔。兩個人叫咗鴨胸同海南雞，因為本身有湯，就將其中一個餐升級有菜同飲品。先講份量，打開係成排鴨胸，仲要有咬口，唔會太淋。海南雞仲要有雞髀，味道唔錯，病咗都好開胃，人均七十都唔洗，性價比高。而且店員好有禮貌，值得表揚。因為第一次買，無發現可以加錢有菜，需要麻煩店員改單，依然好樂意唔嫌麻煩，有機會下次想試肉餅或豬頸肉！

入黎坐低唔夠3分鐘叫人快d叫野食就截單5分鐘唔夠叫人埋單野食都未黎完態度非常惡劣趕客趕到癲趕收工可以唔入客企係門口又問幾位求人入黎入完黎又要受你氣 好似比錢買難受衰聲衰氣唔想做咪叫你老世收18:00一到做野一到大大力嘭嘭聲但咁既服務態度真係早執早著野食凍冰冰 蝦餅仲有洗潔精味真心食kfc都唔食佢 差評

“雞仔”嘅海南雞專門店，呢間店嘅外觀幾醒目，橙色嘅招牌喺街邊一眼就望到。入到去，裡面裝修都幾有特色，牆上有隻帶住頭巾嘅雞仔圖案，幾可愛嘅。講下嘢食啦，招牌海南雞飯真係唔錯喎！雞肉滑溜溜，皮又薄又脆，咬落去啖啖肉香，配埋個特製嘅醬汁，簡直一流！雞油飯都好正，粒粒分明，油香十足，撈埋一齊食，正到冇朋友！不過呢，個碳燒豬頸肉喇沙就有啲小問題啦。湯底嘅味道唔夠濃郁，感覺差咗啲火候，雖然豬頸肉燒得幾香，但係配埋個唔夠味嘅湯底，就有啲失色啦。至於價錢呢，一人餐$70，有雞有飯有細菜，算係幾抵食嘅。總體嚟講，呢間店嘅海南雞飯確實值得一試，但喇沙就可以再改進下啦，下次有機會再嚟試下其他嘢食，睇下有冇驚喜先！

✨招牌海南雞配油飯🐥去骨雞肉啖啖嫩滑，可以選擇轉雞髀，雞髀肉質非常滑，但稍微有點腍。雞皮厚薄適中，口感偏軟。鹹香味和雞味不如以前那麼突出，白飯或油飯都可以，油飯粒粒分明，不油膩，但有點硬，還帶著淡淡的炸蒜味，香茅味和油香則比較淡。✨滷水元蹄配油飯🐷竟然比雞飯更好吃！豬手滷得非常入味，又不會過鹹。豬皮炆得超級軟腍，口感黏滑，膠原蛋白滿滿。瘦肉部分也不乾柴，同樣可以選擇白飯或油飯，滷汁撈飯特別美味！

 整體嚟講，我會再encore哩間。成為左大角咀街坊後，哩段時間一直係大角咀度覓食~轉季好想飲湯又唔想食太多嘢，見到哩間有肉骨茶，落單前有問過有冇人均低消，佢又真係冇。🐷 燒豬頸肉油飯 + 熱奶茶 + 細時菜 $70豬頸肉份量好多，油脂比例好好，唔會太乾，又唔會太油。🍲 細肉骨茶 $32因為佢個Menu寫住係細肉骨茶，所以expect係細細碗，一人份量啦。但係當佢嚟到嘅時候，我當場話咗一聲以為佢拎錯咗大肉骨茶 😂 真係好大碗啊！咁嘅價錢好抵啊!!!!! 入邊湯料份量都好足有豆卜有一字骨等等等等。臨走嗰陣時見到隔籬枱去骨海南雞色水好靚，已經諗定，下次要試吓 😌

大角咀的食店林立，想不到這間以雞作主打的小店水準這麼高！招牌的小雞標誌很搶眼，但其實我是被「去骨」兩個字吸引。一直都覺得去骨這個步驟很費時。幾十元的海南雞飯套餐，用了這種特別的碟上枱，有齊海南雞專用的三種醬汁：黑甜豉油、辣醬和薑蓉，雞油飯入味但又不油膩，雞肉很滑，連雞皮都達爽口好味的級別！最要讚美的是：雞的份量很多，很抵食！而附上的湯，胡椒味勁濃，味偏辣，飲得很過癮！用心製作，是一間可以再幫襯的小店！

多次幫襯雞仔了，之前都係買外賣多，今次就試吓堂食先。招牌海南雞飯的一人餐海南雞色澤鮮黃，冇骨啖啖肉，雞肉算嫰滑，雞皮爽口，以咁嘅價錢，雞嘅份量算係多。油飯個人覺得太乾身和硬，隨碟配上三個醬汁（包括黑醬油、泰式辣汁同薑蓉），個人覺得黑醬油+泰式辣汁一齊係最好食。油菜味道正常發揮，一人份量尚算足，菜心都淋。送嘅椰子湯最有驚喜，初時以為例湯都係無咩味，點知飲落有椰香，又唔錯喔！個日發生小插曲，叫咗杯凍阿華田，嚟到飲咗一啖，淡到似飲水咁，立即同咗侍應姐姐反映，佢都即刻幫我換個杯，點知第二杯都係差唔多，奉勸各位如果叫嘢飲，唔好叫凍華田喇。以咁嘅價錢，咁嘅份量，質數算係合格，應該會再嚟。

今次經開就去大角咀入了一間寫明係海南🐓專門店由於我地2個人,就叫了個招牌海南雞飯的一人晚餐+海南雞 X 肉骨茶1人晚餐, 飯碟幾特別，另碟上附有三個醬汁, 望落幾吸引一心諗住好好味.....可惜失望 冇乜驚喜, 為了填肚就算啦招牌海南雞 雞味淡 ,調味淡, 油飯,感略軟 ,冇油香, 麻麻地,油菜好似長者食咁軟淋淋肉骨茶湯料淡唔夠濃,湯料都可以既,不過似大雜會咁......另一個中湯係南瓜栗米湯, 味道一般,但湯內無湯料😿仲有用膳時,服務員好似趕收工,成日走嚟你收碟收碗,一心諗住大角咀呢啲良心小店心感不快🤯

招牌海南雞 🐤冇骨啖啖肉，啱晒食肉獸😋雞肉好嫩滑好有雞味，雞皮爽得嚟仲有唔肥👍🏻附送3款醬汁，包括黑醬油、薑蓉、泰式辣汁 最中意係黑醬油，甜得嚟仲甘甘地香油飯 🍚油飯好香，唔太油，但係比較硬無味精老母雞住家靚湯好足料好鮮甜，唔錯

繼續我哋既大角嘴午餐遊，見咁耐無寫食評，其實係因為化骨龍博主被化骨龍太投訴要減肥減磅。咁都係既，大熱天時，熱到連行街都身水身汗，咪食少啲，食精啲囉。《雞仔》其實開左好鬼耐架喇；不嬲都係我吾想唸午餐食乜嘢既時候，隻腳自動行去報到既地方。點解？平！$55 一碟鷄飯配有保證質素既三色醬！ 仲送椰子雞湯潻！ 靚！海南鷄走骨大件，有胸有翼好彩嗰日師父仲配隻雞槌過你！海南雞極滑入口，再聞吓啲油飯香，然後再一啖送入口。嘩。。呢個配搭算係減肥中既我每天既慰籍。。正！除咗雞，好友既炭燒豬頸肉直頭大份到我嘩左出聲。比雞飯貴一蚊，豬頸肉爽！香！又大份！我個人冇食，不過好友直頭話係肚餓之選！值得一提，服務員口罩小姐又後生又有求必應。要水有水，加醬又ok ; 好友加飯又冇問題；又見忙住清枱兼上菜，見佢忙到團團轉都咁幫手，都讚下嘅。總結： $55 好味走骨啖啖肉。送埋湯。其實幾抵！

總店喺長沙灣嘅雞仔 比一個前教煮餸DJ介紹過 話抵食又好食 今次經開就去大角咀分店試吓係咪咁正 可惜令人失望 冇乜驚喜⭐️招牌海南雞 海南雞 皮爽 少少肥 肉嫩 雞味淡 調味淡 得皮有鹹味油飯 口感略軟 冇油香 麻麻地記憶中睇YouTube介紹過係用靚米但完全唔係嗰回事🙈另外仲有個小插曲 就係我落單時個呀姐不停叫我要白飯 我話我要油飯此時廚房嗌出嚟話冇油飯 後尾又話有完全唔知發生咩事⭐️無味精老母雞住家靚湯湯 好足料 味道好鮮甜 好好飲 碗湯好有驚喜 唔好錯過食物可以 未算好出色 油飯有待改善 環境可以 服務麻麻 價錢可以

番工放lunch 食咩，一向係打工仔一早由10點就開始關心的議題。不過呢間雞仔海南雞就一直係我同事每星期必食！1）雞仔大脾油飯（$65）比起一般去骨海南雞，雞仔大髀肉更嫩滑，而且肯定無骨/無骨碎！油飯油份亦剛剛好，唔會食到成口油，但又夠香。2）口水雞白飯（$57）口水汁夠哂惹味，仲有花生碎+芝麻！如果再多D一定可以送哂D飯。海南雞有一兩舊小碎骨，真係要小心啲食！3）生煎瑤柱鹹魚肉餅油飯（$55）呢款鹹魚肉餅鹹香味夠晒！而且都幾大份，絕對夠送飯。而且煎得唔會過油，非常好！每個午餐都送例湯。如果可以包埋有飲品就更好！而家凍檸茶要加$7先有。不過食物夠好味，能滿足我哋一眾打工仔口腹就得！

超級好食 刻意入黎申請帳號比好評 兩日食1次 餐餐都食佢 食上癮D 湯無味精 雞和豬頸肉都好好食 餐餐食完就懷念 下餐又想食佢 特別係啲湯 同埋送餐速度奇快！ 食過咁多間之中送得最快 極級推介

又一波沒晚市堂食的日子， 有時真係唔想煮，但外賣食到都已經唔知食乜好。今日忽然醒起之前食過嘅冇骨海南雞係大角咀都有分店， 離家不算遠於是就決定今日食佢。我地五個人，所以點了一個二人餐，單點了一個海南雞飯，另加了兩個小食， 過年幾日吃了不少所以應該夠食了。二人餐有半隻雞、一份小菜，我選了咸魚煎肉餅、兩碗油飯、一份油菜、兩個湯、兩杯飲品，好豐富。佢地嘅海南雞去了骨，啖啖肉，皮爽肉嫩，冇肥膏，應有嘅三款醬汁味就都唔錯。而且份量足。咸魚肉餅則較遜色，粉太多。春卷同魚餅都唔錯，新鮮香脆。油飯一點都唔油，好香，軟硬度可以。特別鍾意佢個湯， 係中式嘅南瓜湯， 但加了青蘿蔔，特別解熱。

埃華街呢一間海南雞飯專門店，屋企人經常讚好味，終於「的起心肝」去食個一人的午餐.午餐包足料大例湯，一碟菜心，海南雞及油飯（可改白飯），飯盤好有心思，吃得開懷。另盤上附有三個醬汁，好貼心。雞肉鮮嫩，油飯剛好不油膩。例湯都好有誠意，湯料足，湯味亦濃郁，滿滿紅蘿蔔，大飽口福。果真好味，解釋咗點解每日中午都大排長龍。值得一提呢間餐廳好以免費加飯，可以滿足大胃王，餐廳老闆真有心思。大家下次想食海南雞飯不妨嚟試下。