鵝記渣咋 (已結業)

澳門來的 鵞記渣咋 ， 之前一直好想試 ，但成日因為太飽，今次專登喺附近做完嘢，當然梗係同朋友去試下啦。去到因為可能都比較夜大約11點鐘，所以人數唔算好多，今次我哋叫咗一個渣咋同埋另外一個蕃薯糖水加湯丸，總體係俾心目中有點失望，但幸好又吾算吾好食。渣咋糖水 $26（記得要熱冇咁杰身，要快食）真係幾足料 豆好淋身，而且芋頭好味道，不過椰奶吾香。蕃薯糖水 加 芝麻湯丸湯丸千萬吾好叫，冇芝麻味，仲要有粒係冇餡添，蕃薯糖水夠辣而蕃薯夠淋身入薑味，吾錯好味。

媽咪喜歡吃喳咋，帶她來吃， ordered 喳咋加芝麻糊。喳咋好足料，有好多豆豆，又有大大粒好粉的芋頭，重食到d小時嫲嫲煲去濕粥的材料，甜品起沙ka,甜度又岩岩好，媽媽說好味。真的好好味和有童年回憶。芝麻糊，好香芝麻味，超，好有小時吃那些自己磨芝糊 feel. 小時家中媽咪會炒香芝麻，做芝麻糊。老字號甜品店 給人的感覺

一班老表出黎聚會，表姐見到渣咋忽然話想食成班人都比佢撩起條癮，就義無反顧入左去因為一陣要食dinner，我費事食咁飽but！！but ！！ only我一個人點左綠豆沙見到其他老表全體食渣咋我就開始後悔皆因我偷食左一啖真係好好味！！！我好怕過甜，不過哩碗，甜而不漏 超級足料，唔怪得個個都唔怕飽，食渣咋雖然相對比招牌，綠豆沙無咁特別不過都算係好味架！比一般糖水舖好味都好足料，好清甜綠豆好碎，唔清楚係煲得夠耐定係打爛左喇～不過都係唔錯好想再去食喔～

原来喳咋就像八宝粥加上西米露椰浆的红豆沙…料是蛮足的，很大一碗，但是里边各种豆子并没有煮烂，吃起来有点累…没吃完就放弃了，我宁愿汤多点汤底还是不错的，蛮稠的红豆沙…

在香港屹立數十年，實在不易，而這家主打喳咋的糖水店更是街知巷聞。記憶中的鵝記是位於油麻地的，多年前跟家人及朋友都不時會去。這家也是鵝記，新開的分店，招牌是熟悉的白底紅字，但店內更為光猛新蔟。　　其實吃了這麼多次，看餐牌的次數只有一兩次吧？除了同行親友點過的款式外，我對其他是全無概念的。這次一閱，才知有冰飲，如菠蘿冰、西瓜冰及紅豆冰，就連豆花及涼粉都有售。不過老老實實，既然來到鵝記，我還是一貫的吃最有名的喳咋就好。　　喳咋　$24可選冷熱，我比較喜歡熱食，還是帶暖食物落肚比較舒服。紅腰豆、西米、眉豆及芋頭粒等等足料豐盛，帶綿，不至於完全粉爛。稀稠度恰到好處，雖然小時候會覺得不是整碗滿料的話，總有少許似蝕左俾佢咁。但現在再提，多料當然嚼感更豐富，只是會過份滯膩，平衡適量就最好了。本身淡淡椰香的糖水底再以點點椰汁點綴，不漿身，表面一層接觸到的會多帶幾分椰味。　　時日變遷，猶記得第一次去鵝記，是我媽帶我去的。好像是晚飯後的時間，回家前，她說：「不如買碗糖水番去食啦！」。一碗黃金蕃薯糖水，一碗白果腐竹糖水，加蛋，行街。對！初次會面，我竟然沒有一嚐喳咋，鎮店名物，只記住心中。其後，在別的店子初嚐喳

午飯後，經過佐敦廟街，順便買個喳咋食下。下午時分，無咩人，好快就買左個外賣。其實識得整喳咋的糖水舖真係少之有少，呢度平時好多遊客，所以價格都相對較高。喳咋味道唔太甜，而且非常足料👍🏼唔知是否有秘製材料，真係特別香。

西式甜品店四圍都是，但中式糖水店越來越少了，這店的地方不大，也不顯眼，不易找，而且沒有像西式甜品店的裝修和外表。價錢也不平宜，我和日本來的朋友去找中式糖水，找到這店，我們叫了他們有明的喳咋和腐竹糖水。喳咋是他們有名的糖水(我估計，因為他們的名字也有喳咋。因天氣熱，我們叫了一個凍的，都好快到，好多料和豆，但可能因為凍，變了糕狀，相信熱會比較好。腐竹糖水有白色果，腐竹可能溶入水中，所以不多，但蛋要再加錢。

今晚食完晚飯後，沿住廟街一直行落去，一定會去我地最愛既鵝記渣咋。每次黎，都必定會叫渣咋食。如果本身不是吃太多的人，基本上，呢碗渣咋已經可以當晚餐，因為真係好足料，而且可以食到唔同類型既豆，例如，鷹咀豆，眉豆，紅腰豆，芋頭，西米。。。。最重要係有耶絲，而且一定要加奶先好味。其實呢個渣咋，無論熱食定凍食，都一樣好味。所有豆都煲得好腍，加埋奶香，太美味。芝麻豆腐花，中規中矩，豆腐香滑。美好的一天，是一定有窩心既人伴在旁，還要有甜品作尾聲，的確唔錯！

在圓方睇完戲，慢慢行去搭車，經過廟街牌坊，見到呢間糖水店，門面平實，白底紅字，入內窄長一個櫃檯，地方光猛乾淨，裝修簡單，店內無客！自己揀個位坐低，餐牌食物款式唔多！我都係揀最出名！渣咋（$24）好快上枱，夠熱夠濃，好多款式嘅豆，自己好喜歡食豆，雜豆煲得透，夠淋，椰子味濃！唔止因為椰汁，更因為中間有加椰子肉！唔會過甜，仲食到材料原味！兩位阿姐店員爽手，工作勤快！喜歡中式糖水比較滋潤，秋冬食最好！

天氣冬最岩食中式甜品暖暖個身，廟街多選擇是但選一間，喳咋做得招牌真係唔錯，芋頭QQ雜豆煲得剛剛好唔會爛晒有召頭，芝麻糊就普普通通，桑寄生糖水唔係周圍有當然要試試，隻蛋蛋白仲滑真係估唔到蓮子夠林雖然好多冇去芯但唔苦都ok

曾經一次到過廟街的鵝記喳咋，可是金叩有一段時間沒來，直到今晚因有事要到佐敦，因此亦吃番碗糖水才回家。看看餐牌,除了喳咋,還有其他糖水，可是看也不自，便點了一款糖水呢！凍渣咋或許是這店的招牌糖水，當中的豆類十分繁多，有紅豆綠豆，紅腰豆等等，每入口時款豆類都有咬口層次豐富，而且甜度不高，而且還有花奶在糖上之上，令口感多了一層幼滑感覺。原來喳咋可分為凍食和熱食。吃過糖水，便可回家去。

同朋友食完飯梗係要食埋甜品先完滿啦! 朋友中意食中式，所以就去左廟街呢間專食渣咋既鵝記~全部都係d好傳統既糖水，不過呢度最出名當然係個葡式渣咋啦! 但係我比較中意食綠豆沙 好有趣地，呢度係叫「陳皮海帶綠豆糖水」而唔係綠豆沙喎! 傳統糖水梗係熱既好食! 呢度煲得好入味，好香海帶同綠豆味，而且甜度適中，都算有料! 主角登場喇! 佢會落埋奶比你，撈完就變左淡紫色~ 呢配渣咋真係好多料! 啖啖都好多豆! 真係唔食飯食碗渣咋都飽! 而且唔係好甜架咋，糖水黎講應該唔係算好肥 xd

鵝記咋喳之前位處油麻地彌敦道，一直沒機會幫襯，今天路經廟街才知已遷舖，就來嚐一碗熱咋喳，另加兩粒湯丸。咋喳很足料，有芋頭、三角豆等，淋上了椰汁，甜味恰到好處，反而乒乓球般大的芝麻湯丸外皮有點糊掉了，還是主打的咋喳質素較有保證。侍應嬸嬸服務倒是週到，見我們兩人只要了一碗糖水，不用開口便隨即多拿一個碗子給我們。