鵝記咋渣 (已結業)

某天一個人行街街累了...在考慮食義順好家食喳咋好...最後走左入黎...叫左一碗凍喳咋....多椰汁...好多豆.....真係好多豆...但冇乜椰汁味..(明明叫左多椰汁!= =)最吾開心既係d芋頭好難食...好似變壞左咁難食!= =大打折扣!亞姐冇表情..吾覺得佢用心待客囉!@@

昨日想食渣口窄糖水,點知去到油麻地,竟然唔見咗鵝記,唔知執咗抑或搬咗, 有誰可以話我知?唔該!

除左喳喳好d外.....其他麻麻地六豆起唔到沙,芝麻糊太結...d湯圓唔好講

師傅心思思想食糖水, 咁路經此地, 於是諗住入去試試, 不過師傅相信十個入黎有八個都會要咋渣, 偏偏師傅就係另外兩個人!入到去坐底, 招呼就冇咩, 自己搵到餐牌, 跟住舉手叫人落單, 點知舉極手都冇人理, 冇法啦, 成間食店得兩個樓面, 實冇人理啦, 好唔容易先有人落單, 要左碗凍芝麻糊!凍芝麻糊都幾大碗, 不過賣相唔吸引(有相為証), 因為好杰下, 望埋去師傅覺得好似坑渠水咁, 幾辛苦下先至開口試一啖, 發覺唔係想像中咁差, 芝麻糊好香芝麻味, 食到有少少芝麻碎, 應該係自己磨, 而且都幾滑不過就甜左少少啦, 可以啦!總括黎講呢個糖水都可以, 不過服務就一般喇, 價錢都可以接受, 不過師傅就覺得又唔係非去不可, 如果仲有機會都可以再去試下其他食物!

親戚黎左香港，就帶佢地去食糖水，因為我以前住附近，有幫襯開，一直印象都唔差，點知老細一唔係鋪度，班阿姐就離晒譜。ｃａｓｅ　１．最初我地未決定去呢度定去義順，我地一半人入左去，同佢講１２個，佢就拉枱比我地，後來有人話想去義順，咁就跟住走，有個阿姐好大聲話（有冇攪錯呀），之後我都嬲嬲地唔想再入去，但又有人話想去番呢度，所以一行人等先奉陪。ｃａｓｅ　２．我地叫糖水ｓｈａｒｅ食，佢又冇比碗，同個名姐講要８隻碗，點知比得４隻我地，再同佢講要多４隻，個阿姐（哦）完之後就算，要叫第３次佢先肯比，仲好唔滿意咁話（我地冇晒碗喇，最後果幾隻都比埋你地喇），竟然用咁既態度對客，我以後都唔會黎。講番糖水，又加晒價又唔係好食。綠豆沙冇臭草味，豆又少芝麻糊：似粉開咁，同超市買到既差唔多白果腐竹：溝水既，淡到死，數埋唔夠５粒白果湯丸：皮厚過我塊面，芝麻餡又唔夠滑喳咋：加左椰汁都冇椰汁味芒果西米露：冇試到

記得上一次食已是一年多前了,那次還同哥哥,嫂嫂,萱萱及輝輝,去尖沙咀食有骨氣後行落嚟食,喳咋加湯丸,飽到不得之了,還很開心呢!今次,都係由尖沙咀行落嚟食,但得二人,凈食喳咋.唔見老闆,只見一個後生仔收銀及幾個亞姐.喳咋上枱,嘩!好香,好多料,味道依然.但唔知下次再嚟食時,又會係幾時同幾多個人呢?

上次試了源記，總不能不提仍是在廟街老字號的鵝記，記得少年時每次夜訪廟街，總在當時鵝記舊舖幫襯上一碗半碗。還記得當初第一次在廟街品嚐喳咋就是鵝記，當時的無知少年，連什麼是喳咋都不清楚，只知道師兄們每到廟街都例必幫襯，在左問右問的情況下才知喳咋的來歷，況且當時糖水店跟來不流行出售喳咋，故想品嚐的話除了小數南亞餐廳外，就落到廟街這裡。可惜現在搬到彌敦道，缺失了當年的風韻，更小了一塊回想少年不識愁知味的老地方。但喳咋仍是當年的味道，歷久常新，而今趟選了冰凍喳咋，食味亦未因此受影響，想熱食會是更加滋味了。店舖光光猛猛，幾位阿姐笑容滿面，難得的是頗多自由行旅客來到幫襯，阿姐們都不厭其煩盡量滿足，雖然是區區十數元生意，但足見是用心奉客的。

跟老公在吉列吃過飯後沒有甚麼活動便決定走到旺角去算是減一減罪惡感吧..沿途經過松記糖水..還慶幸她於星期日休息心想可以力守卡路里關口卻又見到了這家店以前都曾經過這家店數次總覺得這些舊舊的店做的中式甜品總會較出色這次總於停下腳步試一試是否裝修了? 好像有點不一樣....現在很像個過時得很的快餐店**冰凍的．陳皮海帶綠豆糖水($11)很足料...確實煲得起沙呢..~ 也不會太甜....就像媽媽在家煲的糖水的感覺...~ 平凡...但很有心~**花奶大菜糕($13)不是一個Jelly 杯的樣子..是一粒粒比涼粉大一點的大菜糕粒..~ 阿姐還下了一大碗的糖水... (一大碗!!!!! 跟老公都呆了...)...再加許多花奶..~大菜糕不會是爛爛的...好味道!! 可是....那些調味的~....實在太恐怖了吧??但...~對於舊舊的店子....我總是偏心的~

6月29日，21:30好不容易，過了驚濤駭浪的一週；有點心力交瘁。到這店來碗甜品，定定神。要了久違了的熱咋喳。賣相不錯：呈紫紅色，那花奶繪出了雲石般美麗圖案，再加上浮浮沉沉的西米，好不好看。料足：腰豆、眉豆、紅豆、香芋、花生、西米和椰絲。不會過甜，椰香味濃，對胃口。這店生意好，客人絡繹不絕，遊客和本地客相若。其中一對"自由行"，先點了一碗咋喳，那壯男嚐了一口，馬上再要一碗給女伴。題外話：因不太喜歡甜食，已廿年沒有到這店，從前老店在廟街，當年和朋輩遊蕩完畢，便吃吃蠔餅、煲仔飯或糖水。

麻蓉湯圓...再加上該店馳名既咋渣...湯圓比平常食既大粒...但外層略嫌過厚...麻蓉夾心不夠熱...非常普通...至於鎮店之寶----咋渣...好多豆...而且芋頭與豆質稔度適中...味道不錯...值得一試...

味道一般,但勝在價錢抵.我點了個西米&涼粉,見亞姐即時取了個西米再add涼粉就可以了.

以前本來都會時不時食下, 但自從食過澳門喳咋泉之後就唔再o黎囉. 講真這裏的喳咋唔算差, 但喳咋泉仍較香甜, 而且每碗十幾蚊, 澳門每碗只係5, 6蚊, 完全無得揮. So long, farewell.....

呢日我地睇完一套短片，見咁早咪食甜品囉。我地成日都經過呢間喳咋，佢話自己有澳門特式喎，咁咪試下囉。我地叫左個芝麻糊同熱喳咋。個芝麻糊咪好似酒樓用粉開個ｄ咁，冇乜特別。喳咋都多料既，但係就唔係好香囉，冇廟街個間咁好味。你經過的話都可以食既，唔係掂行掂過都唔係乜野損失。

喳咋咕好好味，不太甜，加花奶令到喳咋更香滑，我不太喜歡食紅腰豆，但它的份量最多，反而我喜歡吃芋頭卻只有一兩塊，不知道可否叫多芋頭喳咋呢？我上次加了$5湯圓，不過d湯圓唔好食。

話說我同男人經常周街搵食...許多時都會在彌敦道一帶行來行去...有次由尖沙咀食完lunch 慢慢行經廟街再落旺角, 但因我口痕就luur 男友陪我食糖水。在巴士站附近見到鵝記, 同各食家一樣, 見其舖面既廣告話喳咋出名, 於是就叫喳咋試下, 我本人就最鍾意多豆食品..所以喳咋是我faviour.我地一入門口無耐, d亞姐/亞伯就好快行埋黎問我地要咩野...我心lum, 舖面又吾係多客, 駛咩敢急呀?? 我地睇佢個menu睇左成幾分鐘, 終於揀左1 熱喳咋及1 熱蕃薯糖水加蛋....d野一黎, 喳咋都算多豆, 但口感一般, 吾夠"棉", 無咩椰奶味, 又吾多夠甜。至於我男友碗蕃薯糖水, 吾見左佢想食既蛋?! 好在佢無加埋d錢落去乍, 吾係我一定complaint. 講返碗糖水, 有兩大件蕃薯在內(吾駛切既點解??) d糖水就有薑汁做底, 可以"駒"寒...都吾錯既. 不過如果有得揀, 我都係鍾意"深水埗"綠林多d.