鴻淘士多‧羅太豆花

营业中

休息中

今日行到上水，係「大水管」附近搵個地方歇一歇腳。呢間小店真係平靜又舒服，入到去先叫咗一碗冰涼豆腐花，滑到入口即化，甜味啱啱好，清熱一流。再叫埋炸豆卜，外脆內軟，咬開仲有少少豆香滲出。四點左右，原來好多小食已經賣晒，聽到都有啲心痛，下次要早啲嚟先唔會錯過招牌。總之，呢度真係上水炎夏「躲」一躲的好去處。

2025.1開心重遊羅太好地方要行一段路，天朗明媚，身心康泰。遇上一群牛，一群羊，一群鳥。。。每種都令人開心，已上唔到大水管。。。好在羅太冇變。。。選了豆腐花，炸豆腐，一咸一甜粿子，齊齊分。豆腐花的糖水，依舊有濃烈姜味，為我所愛。遺憾疫後，沒有了任飲任食，可以瘋癲地大食一餐。炸豆腐，現炸熱辣辣，外脆內軟，愛死人。粿子。。。朋友愛咸，我愛甜；share齊齊試，好開心。回程見到可愛的婆婆，體態依舊好美。

位置唔方便，唔係踩單車好難會黎到呢度食豆腐花，之前食過兩次，印象中係$8任食（應該好多年前😂）今日踩單車，順便入黎食多次，已經加到$12一碗。味道都唔錯，幾滑，但熱食應該好食d, 不過天氣太熱喇，我食左凍，下次天氣涼d再試下食熱先。

得閒入去上水河上鄉行下散下心，聽人講呢度食豆腐花好出名，於是就入去坐下享受下悠閑寧靜，食下野休息下都好十零蚊一碗豆腐花而家無咗放題有點可惜不過豆腐花質數仍然唔錯，好有豆味，黃糖同糖漿係自己落，可以睇自己口味調節，唔錯我亦買咗枝豆漿，留喺繼續行程時飲，豆漿有超級冰凍的既揀正呀！舖頭亦有唔少豆類製品可以買番屋企做手信！我就買咗支竹和腐乳！屋企人都讚不絕口我見到有其他網友介紹雞仔餅，我今次去就見唔到，有機會見到都想買黎試下！

住附近村屋嘅我，久唔久都會踩吓單車嚟到附近，今次同埋兩位朋友郊遊，帶埋佢哋嚟食。對於豆腐花嘅喜好真係一般，唔鍾意食入口鞋鞋地感覺，倒不如食豆腐。不過行完山嚟到坐吓試吓嗰豆腐花豆漿放題係幾特別，好chill，唔係坐cafe嗰啲偽chill🤭豆腐花豆漿就一般啦，淡口無乜豆味，都唔滑身。不過呢到除咗豆腐花豆漿放題，仲有好多豆類製品同埋張了可以被行山人士買 （好似郊遊買手信咁😂好正）$1x可以買到嘅悠閑同休息嘅地方，抵啦。

之前連續落左一星期雨，今個週末超好天，就選擇左去上水大水渠打卡，然後漫步去羅太到食碗豆腐花。半年有多無去，一入到去就見到羅太，個個都會同佢打聲招呼，好親切嘅人情味道想影招牌，但避唔到部電視凍豆腐花一磅12蚊，大大碗，加埋2羹紅糖至過癮！食完見到而家有埋軟心雞仔餅賣，28蚊半磅，仲平過麵包舖。買包試吓超驚喜，外脆內軟，好有𡁻口，一問之下原來話啲餡料早一晚做好，再入雪櫃冰凍，第日先拎返出嚟包外皮焗制必試最後買多包豆卜翻屋企比呀媽炒菜

由於位置偏僻，從前大多是單車人士光顧，想當年第一次幫襯的$10任你吃，甚至是兩年前的$20豆腐花豆漿放題此情不再，幸好味道依舊，其豆腐花的豆味仍然香濃。豆腐花以外，還點了煎素鴨和豆腐卜，兩者的味道也不錯，值得一試。

 羅太豆花地址: 河上鄉95號仲記得中學時，有次去 #羅太豆花 食豆腐花放題。唔知到過咗N年後，再次重遊舊地，豆腐花啲味道仲有無變呢？🤪估唔到過咗咁耐，啲價錢都係冇乜點貴到，大大碗嘅豆腐花都係$10🤩，而且都仲係好滑，好有豆香味🤤。#nicefoodie河上鄉 

今天兩人從上水搭小巴到達料壆村警崗行山，北望神州，回程經信義新村/馬草壟南屋仔/料壆村/得月樓/在鴻淘士多、羅太豆腐花作補給站。辛苦了半天到達羅太豆腐花店急不及待，買咗一枝冰凍豆漿一碗熱辣辣豆腐花，豆漿非常冰凍，對於行山人士絕對係救星，豆腐花亦都非常滾熱辣，食落很滑及結實，加埋紅糖超好味，我哋吃完唔夠喉，每人再來多一枝豆漿及嚟多碗豆腐花，呢度還有其他汽水/魚蛋/燒買/釀豆腐/腐乳／豆腐卜/自家製臘腸／臘肉等選購，任君選擇，下次一定會再次光臨！

話說星期六放假同咗三五知己去咗踩單車，自從有咗單車屯馬線就多了個路線選擇，我哋就由上水出發…出發前已經鎖定要一試羅太豆腐花，我哋差不多中午時間嚟到，正正烈日當空，熱到人都溶！▶️點了豆腐花再加一份大菜糕，豆腐花只得熱無凍有點遺憾，加上咁熱嘅天氣食熱嘅完全唔係享受！另外味道只算不過不失，沒太有豆味▶️大菜糕就好少少，雪凍咗，但味道只算不過不失總結：豆腐花只是不過不失，並非吹到好好食。但如果踩單車順路經過，作為一個休息點，食碗豆腐花不失為一個好選擇！

餐廳環境地道,有特色,衛生情況不錯。枱與枱距離算足夠,檯面都清潔得頗為乾淨。熱豆花每碗十元,但沒什豆香味,如果打正旗號以豆腐花作招來,實在是有點名過於實。餐廳另有麵食供應,如果作為踏單車郊遊的中途補給站或休息站,也是可以吧!

陽光普照踩單車🚴🏻‍♀️入河上鄉當做運動，咁熱既天氣🌞當然要去飲下豆漿食下豆腐花消暑。🧊每人$14就可以任飲凍豆漿🥛同食熱豆腐花，比完錢就會比隻碗你自己裝豆漿同拎比佢裝豆腐花。​​先飲左凍豆漿解解暑💦，雖然佢係擺定幾壺係到比客人自己裝，但佢既溫度都仲好凍。豆漿既味道略甜，不過天氣咁熱飲完即刻解晒渴。豆腐花得熱既♨️，自己落糖水同糖，飲完豆漿既甜味令到覺得豆腐花比較淡味，不過佢又熱又滑，味道都唔錯。​

趁著夏天熱辣辣就更加要去戶外玩下影下相行下當做運動啦🤣早前就同朋友去上水大水管打卡順便explore下上水有咩好食。係大水管打完卡穿過雙魚河再行入快景路，幾分鐘就去到呢度食豆腐花，面積好大，又好多人尤其係單車友🚴🏻過嚟食豆腐花順便休息下，呢度除咗賣豆腐花之外仲可以買唔同醬料好似腐乳同豆瓣醬等同腐竹，可以當手信買，同時應該仲係一個豆品廠。豆腐花－$10有大大碗好抵，之前仲可以任食，不過疫情關係就暫停咗。豆腐花得熱食，真係超級辣口😅，如果有凍嘅就好好多，豆味幾香，不過石膏粉多咗啲所以唔夠滑，比較挺身。凍豆漿－同樣係$10就有大大支，夏天飲就爽晒。人均消費：$20推介指數（10分為滿分）：7分

復活節假期同朋友去踩單車，朋友推薦食既豆花店。 呢度係踩到一半休息食下野，去下洗手間既好地方。炸豆卜同我屋企整氣炸一樣，冇咩驚喜，如果可以平點少點份量會好d。豆腐花，雖然大熱天時，佢得熱食，但我地都覺得不錯，但要加埋支凍豆漿就冇咁熱。唔知係唔係因為踩到肚餓，我地好快就食哂所有野😂😂唯一不足既地方係，我地明明叫左芝士腸雞旦麵，佢整錯左又唔認唔肯轉，咁既服務態度就唔係咁好啦。 整體黎講都ok既，踩踩下單車當一個休息補給站買下野飲既好選擇。

清假的日子五星期三今早天色有啲差，不過中午有少少陽光☀️，所以都決定去郊遊，第一次嚟雙魚河，原來風景好靚😍，好多白鷺🕊，好多魚，仲有好多牛，小小嘅城市，原來可以有咁大嘅牛群🐄🐃🐂。沿住單車徑向左轉就會見倒有指示寫住羅太豆花，行入去個場都幾大，豆花豆漿放題只需10蚊，豆花熱嘅，用發泡碗，有啲唔環保，自助bar 落糖，自己搵位，豆花幾滑，10蚊碗其實都抵，但而家係任食，好有良心（平時行山嗰啲係20蚊一碗），有鐵皮頂，唔使好天晒落雨淋，衛生環境算ok嘅，不過都多烏蠅同蚊。食完想買啲手信都可以，因為有豆卜，xo醬之類可以選購😁。星期三嘅下午茶時間都有成廿幾個客好厲害🤗