鳴門魚湯麵亭 (已結業)

食物一向有水準..尤其温泉蛋冷稻庭.勁滑味道似足日本食個D. 魚湯脆脆米好味..D米浸左好耐都仲脆.但係今日食lunch 想order天婦羅烏冬點知待應話:等好耐架喎...噤轉食牛肉烏冬啦. 一路等廚房出左5碗都未到我,但係又無其他客人...原來D野食係D員工食. 第7碗到我喇!又黎錯拉麵....仲一聲對唔住都無.已經地方小,坐得唔舒服.仲要無服務. 唉! D野好食有生意就無服務...影響左美食天堂!

一行四人去食Lunch, 朋友兩公婆食左1個食左個番茄湯烏冬, 1個食左個豬骨湯麵, 而我同女友兩個都係食魚湯烏冬, 點知中午食完返到屋企就要去洗手間, 係我同女友一齊都要, 一直到夜晚都仲要, 各位如果要去就請三思啦!!BTW, 個魚湯都唔係咁好食, 因為好腥!!

第一次試呢個鮟鱇魚湯烏冬，因為佢用石鍋盛著，所以由頭食到尾都可以保持住個湯ｏ既熱度，我諗冬天食仲正！但個讚岐烏冬就唔夠煙韌。。。雞翼都燒得唔錯！

其實我同大少目標不是嗚門, 不過行經門口又心思思想試舖細細, 檯不多, 是晚亦不太多客是次品嚐:竹炭叉燒拉麵 - 落單時特別說明湯底是黑色 (我估可能之前有客人不太接受吧~) 湯底是竹炭其實不太濃味, 飲落不咸不甜, 靠海帶出味, 幾得意, 不過黑色...我祇會試一次石鍋雞肉蕃茄湯烏冬 $58 - 上檯時真的超級熱, 湯還很滾的~ 湯底味夠亦濃, 愛吃蕃茄的我愛極了~ 雞肉一般無特別, 亦有蕃茄肉, 粟米, 烏冬好味, 無特別, 份量十分足夠一人吃 (女生可能吃不下一整碗)鹽燒雞翼 $15/2隻- 皮燒得蠻脆, 亦夠咸味冷蕃茄 $18- 蕃茄一般, 雪得實了一點, 反而醬汁好味, 讚!食物有水準. 可惜的是裝潢太多射燈了 (四邊), 室溫熱, 吃著吃著大少大汗到不得了 (吃熱食吧~) 我也感很焗很熱, 希望有改善

食左牛肉魚湯拉麵, 萬豚拉麵, 燒秋刀魚牛肉魚湯拉麵: 魚湯一上枱 ,除了聞到魚香味更有腥味, 但入口清甜亦無腥味. 魚湯味道無想像中濃郁, 但至少比平常食的較特別. 因為有石鍋所以保温不錯. 但肉類在滾燙的熱湯內產生了厚厚的泡沫...不太喜歡. 另外, 如果有一兩塊/粒鮟鱇魚肉更佳.萬豚拉麵: 义燒看來很硬. 但整體比一堆拉麵連鎖店好食.燒秋刀魚: 大條, 調味適中, 燒的程度香口.合意.另外極不滿的是, 我是為了鮟鱇魚肝才一試晚餐. 但鮟鱇魚肝只有沙律一味, 而且還要沒貨供應!!!剩下的味淋魚肝(雞泡魚肝)可以安慰一下自己但都一樣沒貨!!! 問幾時有貨但答不到!!!失望...

lunch 海鮮烏冬 ($45)同事話個烏冬都唔錯，湯底都幾得石鍋雜菌雞肉泡飯 ($48)哈哈！啲飯係脆卜卜，自己落落去個鍋度。個鍋好熱，食時要小心！啲湯真係好得bor......好鮮，唔知咩魚嚟架呢？不過喱度地方太細喇，坐得唔舒服，勁多學生，學生有9折。但佢哋好嘈......

叫左一個豚肉豬骨湯底讚歧烏冬﹐一個牛肉豬骨湯底讚歧烏冬其實豚肉 = 叉燒拉麵上既叉燒但厚切。好好味﹐但如果薄切令到塊豚肉有入口即融既效果就更好。牛肉唔係薄片肥牛所以嘛嘛讚歧烏冬煙韌超彈牙﹐雞蛋仲係唐心既。。。正!!湯底不過不失﹐濃D就好啦。

鳴門是朋友遠道回港午間小聚的理想地方，吃的都是道地日本風味烏冬、拉麵和飯。我這位剛回港的朋友醉心於日本菜，也覺得這裡讓他感到很滿意，因為材料都很正宗，例如日本入口的原裝七味粉和淮鹽。我吃的是蔥燒牛肉拉麵，而他吃的是炭燒鰻魚飯。蔥燒牛肉拉麵的蔥味不濃，牛肉切得像吉野家牛肉飯的牛肉那麼薄，可惜粟米粒下得太多，配角跟主角在碗盤裡競艷。拉麵的品質優良，幼細而有彈性。餐廳主打魚湯底，可是我卻分辨不了是魚湯底還是豬骨湯底。我的朋友讓我嚐了一口炭燒鰻魚肉，我嚐到鰻魚肉有炭香，鰻魚醬汁的味道和份量恰到好處。可是他卻嫌鰻魚汁不夠，於是向店員多取鰻魚汁再調味。餐廳的食客絡繹不絕，午飯的時候人與人的距離很接近，與好朋友在這裡小聚也不錯。

點了海鮮讚岐烏東+什菌牛肉鮟鱇魚湯拉麵.遠超我想像，海鮮的有青口, 帶子, 蟹柳, 蝦 - 好足料...HAHA...鱇魚湯非常清甜...石頭鍋食湯麵可以KEEP住D湯一直熱, 冬天最啱.我覺得$5X 一碗, 值呀, 我一定好快又幫襯。

來這裏午飯，看見招牌菜鮟鱇魚湯配各式拉麫，一試無妨。有魚鮮味，但偏淡，不夠濃味。魚皮很有彈性，魚肉質鮮夠實，也算有其特色。之後上網找尋鮟鱇魚的資料，才知原來是一種深海奇魚，樣子怪異，日本和台灣人皆好之。不過價錢較貴，一煱鮟鱇魚湯拉麫要88大元，未試過的可以一試，試過覺得和一般魚湯分別不大。

尋晚去左。因為一條友既關係，坐左係對窗既吧檯位，耐唔耐有人係外邊裝我食緊乜，感覺有少少動物園。果日無拉麵，叫左個招牌魚湯烏冬，配料好多，成碗都係雜菜，湯底偏白，不過好老實，真係唔算甜，甚至講得上有少少腥。有幾件安康魚塊，食落似鱈魚，魚皮幾爽口，不過以$88一碗黎講，唔係咁想比呢個價錢。

2008.05.21下午5點本來打算同女友去勝利道買熱狗嘅行過心諗不如坐低食碗麵石鍋招牌鮟鱇魚湯烏冬(要加10蚊，因為其怪地拉麵賣晒)$98鮟鱇魚肝沙律$48綠菜X2 $6湯底OK但好似淡咗D，如果再濃D仲好沙律好正總括嚟講，第一次食鮟鱇魚嘅經驗唔錯。

昨天晚上才吃過甚為不滿意的鮟鱇魚肝壽司，心想這食物的味道應該不會是這樣的。怎料，在晚上跟女友閒四處逛著，本來打算要在Hotdog link吃德國熱狗的，可是卻遇上食物沽清。正在失望之際，心中閃出勝利小廚，於是我倆便往小廚出發。到達小廚時店內早已擠得水洩不通，正在我轉頭之間，發現了在旁開了一間新的麵店，細看之下這店的賣點是鮟鱇魚湯底拉麵﹗﹗看到後心想既然上天要給我遇到這店，那就"求其是但"進去試一下好了。一進店內便被一股好像魚腥的氣味，或者是我的鼻子太靈敏吧，其他食客和女友都好像聞不到似的。看了餐牌後便決定來個石鍋招牌鮟鱇魚湯拉麵(這個才是我進這店的目的吧)。女友則要了一萬豚拉麵。我們還要了一串燒牛舌(賣非乏)、焗聖子和鮟鱇魚肝沙律。先來的是萬豚拉麵，看樣子是改良後加入一點點港式的拉麵，蛋沒有調味，蛋黃亦未達至溏心。叉燒口感頗硬，看來師傅的功夫要再努力練習一下了。令人驚喜的反而是豬骨湯底，味道濃郁而不油膩，頗有水準。再來就是焗聖子($20)，以價錢及聖子大小來說，可算是有點不值。但是在於味道上，則做得不錯，聖子上面的是日式沙律醬，經焗後減少了原來的油膩感，再配合聖子的爽甜汁液及彈牙口感，

上堂前揀了這家新店試試. 其實之前星期日也想來的, 但實在好多人, 唯有等到是晚才有得食. 揀了係類似吧臺的位置, 看著廚師表現, 也係一項樂事. 這裡的環境都幾舒服的, 不過店內係播著好回家, 跟日本似乎係沒有甚麼關係.咖哩豬扒飯 $45: 8分, 先來的係咖哩豬扒飯, 面頭加上了隻蛋, 撈上咖哩汁, 豐富了口感. 豬扒炸得鬆化, 不會實實的. 咖哩汁份量也不少, 令人大口大口地撈汁, 相當滿足.石鍋招牌鮟鱇魚湯拉麵 $88: 8分, 收到成$88一碗, 但係誠意分搭救, 係慢慢的製作, 趕時間的, 千萬不要叫這一味. 先煮麵, 再用紅紅火江燒熱個石鍋, 之後再把湯同麵倒入去, 最後再加其他配料. 這樣子係令到個石鍋係非常之滾, 先喝口湯已經係好燙口, 當然這樣就能夠保持魚湯不會因為放久了而變腥. 不過小弟怕熱, 都係把湯倒係另外一個碗仔到攤凍小小先飲.大大鍋湯, 當然係這個拉麵的重點, 湯呈奶白色的. 喝落口係好有鮮味, 濃濃的,但沒有腥味, 怕魚湯會腥的也應該喝到. 拉麵彈牙, 鮟鱇魚肉嫩滑, 也落足料, 這個石鍋入面係有不少魚肉的. 既然來到, 也應該及值得試這個招牌的, 雖然

今晚同屋企人去食麵之前同阿婆黎過架~佢今日話想再去咁我地就幾個一齊去啦~之前去食左個聖子都ok~今日諗住去再食下~點知呢~上次黎都冇咁嬲架~今日一去到個個都諗好晒食咩啦~諗住寫野啦~呀...激死人~果個阿姐竟然好大聲咁話唔得閒喎!有冇搞錯呀!!好彩之後個妹妹仔即刻走過黎~如果唔係我真係諗住拉大隊走架~真係呀!有冇搞錯呀!!唔得閒都唔使咁呀!!不過呢個妹妹仔都好識做~一黎到就係咁話唔好意思~咁我先冇咁嬲~今日終於都食左個魚湯脆脆米~比我想像中ok~幾特別~都值得一試既~不過唔知係唔係我有問題呢~我覺得好似淡左d~唔知係唔係我食野比較濃呢~可能個個人口味都唔同~原來佢個食法都幾得意架~你個碗米唔可以一次過倒落去~如果唔係淋左就唔好食喎!係個妹妹教我既~仲俾左幾個碗我地~我分左d俾佢地試下~不過佢地話冇問題~但係我就真係覺得淡左少少~佢地果d野都算ok既~不過我諗我點都唔會試佢果個招牌啦~得果幾舊魚又冇肉既~雖然佢地話D肉好滑~但係我就覺得麻麻地啦~不過呢個薄餅都幾得意~好似蛋撻果D酥皮咁~一層層脆卜卜~我就最鐘意食果個聖子啦~酸酸甜甜~臨走前問阿妹係咩黎佢話有D沙律醬喎!佢仲話係佢地師傅自