鳳城酒家 (禮頓道)

营业中

休息中

一家4口去飲茶, 訂咗枱, 比我哋坐响地下一張4人枱餐具有啲特色, 唔係純白餐具叫咗:好味嘅有韮菜鯪魚餅---好香, 包腐皮煎, 外脆內軟蜜汁义燒酥--好酥, 鬆化鮑片棉花雞--好多棉花(魚肚), 有2小片鮑片, 雖然頗油, 味道好味黃金流沙包--凍咗都流心, 餡有啲一粒粒蛋黃, 幾特別一般有:豉汁蒸鳳爪--炊得唔算入味, 頗硬身陳皮牛肉球--ok千層馬拉糕--一般差有:懐舊魚翅灌湯餃---一籠一隻, 4隻有3隻係蒸到破皮, 啲半流上湯流晒出嚟, 一取起連餡漿四圍滴, 差差差上海小籠包---一籠4隻, 3隻夾起時甩底, 啲湯流走晒, 明顯係啲皮唔夠力雲南野菌餃----啲皮唔似餃, 似粉果皮, 但餡無乜菇菌, 反而係脆肉瓜, 紅蘿蔔, 叫上素粉果貼切啲服務ok, 但食物有啲失望, 尤其係懐舊魚翅灌湯餃埋單$315

只來過食晚餐, 飲茶倒是第一次.星期日中午都竟不太多人, 上樓上馬上有位.叫了幾味標準點心, 燒賣排骨义腸等, 全都好正常, 係d 燒賣肥左d.义腸要讚, 多义燒, 腸又好食.$45 的海蜇雞就比較少雞.... 好似係最唔抵食.... 服務不錯, 已好快手.3人食了約350蚊, 真的唔平.其實上次食晚餐都冇食出名的河鮮, 或下次一試吧.另見好多人都食燒味, 尤其係燒腩仔, 看也好正呢...

和舊同事飯局。選擇了跑馬地鳳城.環境 - 我們被安排坐二層，上層樓底較矮,感覺擠迫但幸好客人不多服務 - 招呼普通食物 :炸子雞, 鍋貼蝦 味道不錯燒味, 鳳城炸粉果, 大良炒牛乳, 蓮蓉西米焗布甸, 非常一般, 不太熱, 溫吞吞的魽魚煲 - 味不錯但魚太多細骨，需要很小心很小心吃食物普通,收費高但一點也不值。但最差是碗碟非常骯髒。 十分油膩和有污漬。已告訴黑衣經理但沒有表示，只更換另一套可是都一樣油和骯髒。對這"鳳城"品牌十分失望。我們說一定不會再來

今日睇落, 本來一行人睇住搵間近D o既酒樓食lunch. 結果係我地冇食咁任何野就走人. 勁嬲.事原我地10個人, 佢比左2樓一張冷氣口o既台我地. 本人坐o既位正正對住風口, 風極大, 吹到頭髮係水平咁打橫飛, 根本冇可能食到野. 我地同服務員反映, 佢唔係好理我地, 仲話個風口係吸氣唔係吹氣. 我立刻放左張點菜紙起我個頭隔離, 證明風係吹出o既. 服務員唔出聲走左. 之後另外有人過黎, 問我地要D咩野食, 我地話不如整好左個風口先食, 此時有位部長阿姐出聲, 同佢D細o既講"熄左個冷氣佢囉, 等D人抖唔到氣, 叫白車黎囉", 講左一次, 我地冇理佢, 佢走開左5秒, 番轉頭再講, 講第3次時, 我有朋友已經出左聲話: "你講夠未呀?". 然後佢又口up up, 我就話"你張台坐唔到10個人咪唔好叫我地上黎囉, 咁樣吹住坐都唔舒服啦, 點樣食野?". 此時佢仲繼績口up up, 「叫白車黎囉」哩句野重覆左唔知幾多次. 我地終頂唔順, 即刻走身左人. 其實件事好簡單:1. 邊有可能set左台會有位對住大風口, 最近o既位離唔夠1米, 風大成咁, 點食野?2. 你可以解釋比我地聽, 如

普普通通... 唔係好好...對於普通人嚟講,係貴...想食順德嘢, 平D的選擇, 應該有好多, 又好食D...一碟菜都要$78, 嘩... 個田雞有上粉炸過, 覺得麻麻哋, 唔炸會好D...總括嚟講, 普普通通...

週末同老公去銅鑼灣行街，七點幾入到鳳城，等咗一陣就有位。我哋叫咗：生腸乳豬 - 非常美味，生腸夠爽，乳豬夠脆。上湯煎粉果 - 麻麻哋，煎得太犀利，餡太多蝦。蟹肉扒雙蔬 - 蟹肉多，菜新鮮。西芹炒班球 - 碟餸夠鑊氣，班球好鮮，好滑。乾燒伊麵 - 正！炒得爽身，伊麵夠煙靱。至於服務，都非常妥貼，上菜次序滿分。

順德菜以農鄉特色，以簡單直接的鮮味在粵菜佔一席位，生猛河鮮、大良鮮奶及香口魚腐都是順德菜的一大特色。位於銅鑼灣軒尼斯道的鳳城酒家是美豬蓮一行四人的目標。究竟今回美豬蓮有無新的發現呢？美豬蓮四人一到鳳誠已經是九時多了，所以人數不算多。銅鑼灣鳳城一共兩層，上層樓底較矮，感覺亦覺得擠迫。今次美豬蓮一共點了五道菜，分別有窩貼大明蝦、生菜鵪鶉崧、東江豆腐煲、肉絲炒生麵及蓮蓉西米布甸。先來一道窩貼大明蝦，將海中蝦開邊，並放在麵包上，再上蛋漿及粉後油炸。這道菜像吃蝦多士一樣，但對美豬蓮來說，儘管炸得有幾香，麵包把油過份吸收，感覺十分油膩，每吃一件就驚一 件，有幾好吃都無用啦！怕怕!再來生菜鵪鶉崧，好食！鵪鶉崧夠野味配筍粒一起炒更加爽口，...將生菜包着再加少許乳豬醬就更加美味。東江豆腐煲，鯪魚球夠彈牙有少許果皮味，豆腐亦算滑溜，但欠缺豆味，味道一 般。然後又來一個肉絲炒麵，分量亦不少，夠五至六人吃。麵炸得不算太脆，肉絲和芽菜都很充足，更有芥蘭伴碟，但也是普普通通，沒有令美豬蓮留下深刻的印象。最後上的是美豬蓮最愛的西米焗布甸，熱辣辣就特別好食，金黄色的外表帶點點燒焦的，那吉士和淡奶味香濃，西米亦煮得夠

25号七點去到, 即刻有位, 估唔到不過無得揀普通菜牌D餸, 只得一張「假日」菜單可以揀魚湯枝竹浸豆苗: 豆苗幾嫩, 魚湯幾咸,所以試一啖無飲炒班片: 新鮮, 無雪味雞絲海蜇: 雞絲好少, 海蜇好多, 仲係一片片厚切嘅, 好新鮮爽滑, 推介個人覺得比太子鳳城好食, 價錢亦貴D, 一分錢一分貨?招呼普通, 食物唔錯, 唔使等位嘅話可以再嚟

同事生日想去鳳城飲茶,唔駛等位又坐得舒服~一行5人點左好多點心....流沙奶皇包 好好味 次次黎都叫,次次都好流炸粉果 浸左湯都唔淋,都幾好味蝦餃 大大粒蝦 好爽口蘿蔔糕 唔粉有蘿蔔絲,好味wo腸粉就一般貨色囉....壽桃包 話晒生日飯,點都要食返個~我鍾意佢甜度適中又有蛋黃,yummyoverall點心都算有水準~最緊要係生日個位同事食得開心啦

呢個標題不是讚鳳城有"豆沙包", 而是讚入面的員工很誠實, 好似食左叮噹的"誠實豆沙包"咁!事緣中秋節當晚, 與男友家人一行8人, 到鳳城慶祝伯母大壽兼賀中秋, 席間伯母派利是, 又收仔女的利是, 搞到有點混亂, 豈料因男友姨甥手誤, 錯將2000元大利是, 給予幫手攞生日蛋糕的侍應姐姐. 本來大家都不知此事的, 今天鳳城卻致電給男友(因他booked枱時留了電話), 叫他取回2000元. 其實是她自己的利是, 她大可袋袋平安, 但她卻選擇了誠實交還, 而且大費周章, 查返我地的電話. 真係抵讚!!x x x講返尋日菜式, 共吃了:1) 鍋貼大明蝦(蝦多士) - 一人一隻, 呢個一定要推介, 超好味, 大家都讚! (標價$78, 唔知係咪$78兩隻)2) 炸子雞一隻 - 脆皮肉嫩, 又係推介, 一隻$200, 其實我地8個人都食唔晒, 下次可叫半隻. 3) 帶子炒西蘭花 - 不過不失, 幾好味. (不超$100) 4) 魚湯莧菜 - 普通左d , 但係菜式係咁(不超$10

我不是一個食家，我只不過是一個很普通的食客而已。我沒有寫食評的習慣，但經過第一次到鳯城酒家的經歷，我很想跟大家「分享」一下。我到這間酒樓，是因為看到openrice的食評的推薦。我想我也不得不在此不厭其煩地再一推再推！雖說這是一問香港有名的酒家，只不過是米之蓮看漏眼了．．．．．．於23/8/2009星期天，氣溫三十多度，我一家四口到該馳名的酒樓用膳，已近下午二時了，在門外我瞥見有特價點心的告示牌，但我沒有細閱便進入這間酒樓。我見已有人在輪候，以為酒樓已滿座，誰不知侍應即安排一圓枱給我們，我不禁心中慶幸，因為這裏有食評說那裏經常滿座。我們被安排的枱號是２號（請未來的食家牢記這個枱號），即由大門直入最右手邊的第二張枱，這張枱當時零零丁丁的空了，我並不感到奇怪，只說是自己的幸運。甫坐下不久，我的太太便說冷，我以為她的身體比較虛，於是我跟她調座，但我坐下不久也覺太冷了，雖然那個空調出風口在近天花板的位置，但冷風卻正正吹著我的背部，吹得背脊也僵了，不得不想個法子。我問一位男侍應（似是部長），可否撥高出風葉，他說不可。幸好鄰坐剛結賬，我即要求調座，雖然桌面比較細，但比直吹冷風好得多（不是沒有冷風吹

茶樓嚟講, 呢間叫鳳城的質素不錯, 食物有水準午茶差唔多坐滿, 眼見全場得一張空枱, 不過好快都坐埋, 開左壺濃普洱, 濃到墨汁, 就好似通渠水咁沖哂腸入面的肥膩, 茶味係不錯的, 第一個印象已經幾好不選太多的點心, 只要一籠奶黃包, 一窩牛柳絲湯米同一碗燒肉雞飯, 燒肉不錯, 呢個大家好值得嚟試, 奶黃包都ok!質素好, 自然俾到信心人客啦, 下次會再嚟

之前食過一次，但因為只有三個人所以可以叫既點心款式有限，上一次無咩特別既印象。但今次有多啲人飲茶，樣樣都試啲就覺得好食好多喇。值得推介既點心如下：蝦餃（夠大隻）腸粉（皮睇落好似好厚咁，但食落好滑）炸子雞（全場最好食，記得叫）蓮子西米布甸（唔係好甜，好香，好好食。註明：我係一個唔好布甸既人）春卷（好脆，好好食）黑椒牛肚（好入味，正！）炒飯（我唔知個名，但食落有帶子既，好好好好食。註明：我係一個唔鍾意食飯既人）其它一般之作（其實都比好多地方好得多）：燒賣紅油抄水（香港既始終偏甜，雖然辣味都夠）燒腩仔（有啲鹹）服務一般啦，都ＯＫ既；不過地方比較細，繁忙時間唔訂位就一定無位或者等到嘔！

今日下午去鳳城不過我地選擇唔飲茶...叫餸吃飯~~叫左:大良野雞卷:麻麻地，炸到好乾......唔係好脆而且無咩味道....一d都唔香....所以覺得好失望..唔好食!香橙焗肉排:呢個ok wor! 好香橙味! 不過我嫌佢d肉排都幾多肥膏! 不過味口ok!燒腩仔:呢個好味。塊皮好香好脆，燒肉又夠味...唔會話好肥...GD!白飯:唔係幾好...無飯香..應該話一D味都無，而且好淋....我覺得硬身D好味D。甜品:勉勉強強，不過不失。好彩我地有卷...補少少錢就得，如果唔係都幾貴下!

兩口子去銅鑼灣食飯,因男友之前見過有生腸食,好想試,就去左食...爽脆生腸 - 我研究左佢一陣先敢食(因為未食過)... 不過食落估唔到又幾好食喎... 煎焗魽魚 - 好香口,好似鱔既東東... 不過2個人食就好膩...鍋仔炒芥爛 - 好爽脆... 想食呢度出名係蓮蓉焗布甸,不過太大份,兩個人食唔到... 呢度仲有d菜係出面既餐廳冇得食架... 下次再去試下先得!