鳳城酒家 (已結業)

懷舊廣東+京滬crossover, 除了係鳳城，全聚德餐牌都有，好似多咗好多選擇，有點選擇困難。乾炒四季豆，平時我唔太食四季豆，但呢個好嫩，唔起渣，而且肉沫好野味，但唔辣，炒得乾身，唔油。韮黃炒鱔糊，鱔又肥又爽，新鮮既質感果然唔同，而且好厚肉。韮菜比例多，個汁唔太濃，亦唔太厚，水準幾高!擔擔麵，可叫小辣，雖然好似都幾多辣油，但唔辣，麵比較厚身，有質感。西米焗布甸，好懷舊兒時回憶，焗西米布甸入面仲有蓮蓉，好香滑，不過真係好飽，下次要留肚食

家中長老話想去返我地細個個時去睇聖誕燈飾個度行下，食返以前幫襯嘅酒樓，佢地咁有慶致，就一家大細去尖東賞燈，book 左鳳城酒樓食片皮鴨。呢度係北京名店全聚德分店，當然要食名物片皮鴨啦～ 418 蚊一隻。叫左順德名菜炸粉粿，炸得好鬆脆，有蝦同韮黃，浸上湯食，一d 都唔會漏。炒四季豆炒得好惹味，四季豆好嫩好甜，餸飯一流。主角片皮鴨由師傅主刀，手起刀落好快就片好成隻。連皮帶肉，份量好多。夠一圍食，我地人少少其實可以叫半隻。層皮超香脆，實在十分邪惡。甜品揀左懷舊style 焗西米布丁，味道香甜，蓮蓉夠香滑，大size 夠分到12碗，每人兩碗飽到上心口。細細個父母帶我地去尖東睇燈飾係好重要嘅童年回憶，同屋企人黎返呢區，真係咩回憶都返哂黎，配埋懷舊中菜，係好warm 嘅一晚。

今日落去尖沙咀影燈飾， 影完就順便喺尖東搵嘢食， 屋企人話想食烤鴨便去了全聚德。 點知原來全聚德即係鳳城酒家， 但佢又可以叫全聚德嘅餐牌食物 我哋諗都唔使諗就即刻叫佢開位， 因為可以一次過試曬北京菜和上海菜 諗都唔使諗第一時間叫咗隻烤鴨先，$418 一食片皮鴨， 不過個鴨殼可以攞走 隻北京烤鴨燒 得好脆， 啲肉都好多好嫩滑 另外叫咗個上海粗炒， 正常野 唔太油膩都好食。 仲有我的至愛 鳳城水餃 蝦和木耳都爽口彈牙， 唔錯！ 最後就係食上海嘢啲叫嘅 另一至愛 韭黃炒鱔糊， 值得推介 鮮肉新鮮爽口 ，鮮肉多個韭黃。 整體來說冇之前啲食評講得咁差。

見到全聚德招牌而來，原來同鳳城酒樓為一體，一間酒樓，兩間餐廳嘅餐牌都可以同時叫，一次過滿足你兩個願望，集合京川滬順粵之大成，都是中菜，不用分那麼細~鳳城水餃有好多粒，包左好大隻蝦，味道鮮甜爽脆，皮夠滑，魚湯夠香。上海粗炒好大碟，夠鑊氣大良炒鮮奶，好滑溜，大大碟擔擔麵，個湯好香濃嘅麻醬味，配花生碎，榨菜同肉碎，粗面條有咬口。砂鍋雲吞雞一隻，好大鍋，個湯好香好濃，雞肉保持到嫩滑，雲吞大大粒蝦肉，非常滋味。分到最少12碗。每人二百蚊度埋單，水準唔錯，menu 選擇好多，想食京川滬順粵都大把選擇。

近排都幾中意去啲舊式酒樓食飯雖然而家無咩人會嚟呢啲餐廳但一大班人嚟食，都幾熱鬧大大碟又抵食乾扁四季豆 $88配料炒得好香豆食落仲冇喳上湯煎粉粿 $45呢個係一個幾傳統既小食煎粉粿跟個湯 浸落去再食少左油膩不過依然香脆入面隻蝦仲好大粒好爽北京烤鴨 $418一隻師傅出嚟係我地面前即席片鴨唔駛驚會俾人扣起啲肉一路片一路聽到皮脆聲切出嚟冇咩油又有肉食包住麵粉皮一齊食有肉又有油香擔擔麵叫左小辣，湯汁掛哂麵有足夠花生同麻醬 好濃郁砂窩雲吞雞 $298上菜未開蓋都聞到雞湯超級香飲落非常舒服每人分到兩粒雲吞仲有菇菌 雞肉係師傅手撕架肉好嫩滑最後飲哂啲湯一滴都冇淨

嚟到先知，原來同全聚德同一間公司，可以叫埋佢地既餐牌。所以集廣東、順德、北京、上海於一家，的確好多選擇，連懷舊廣東菜既金錢鷄都有，可惜要預訂，無得叫。叫d特色野，大良炒鮮奶，一上碟好滑嫩咁，上面有d蟹肉添，好香滑。炸水餃，係鳳城既著名特色菜，當然要食啦～炸餃既皮脆，熱辣辣，裡面好多蝦肉，好爽口。但唔係就咁食架，仲要點上湯，半霖半脆咁食，好似魚皮既原理咁。好食，出面好少有，嚟得，要試!北京烤鴨，果然係全聚德，d皮燒到好脆，咬落有卜卜脆既聲，而且一讚既係隻鴨唔太多膏，唔駛咁膩。熱辣辣包皮，配海鮮醬、青瓜、大葱，同脆皮烤鴨，正! like!砂鍋雲吞鷄，平時覺得雲吞鷄沒有大特別，但今次個湯好好味，好清既燉雞湯，唔重味精，而且小棠菜好霖，仲有雲吞、冬菇、冬筍，冬天食好啱，暖暖地，滋潤!呢度食中菜，集齊廣、京、滬、順德，多選擇之餘，味道又好食，同屋企人聚會，的確係一個唔錯既選擇。

平時去開太子鳳城飯聚的我們，最近因為喜愛想尖東這個地方基本上星期一至五晚中式酒樓係冇乜人，同幾年前嘅尖東真係差好遠，以前非常興旺，而家水靜河飛，今非昔比也😑😞😔今次我哋就揀咗尖東呢一間鳳城酒樓慶祝朋友的生日飯，一行六人。入到去餐廳已經見到好多一團一團嘅旅行團喺呢度開餐，好少普通街合同散客，其餘大部份都係自由行，感覺有啲嘈吵。我哋叫咗七八個餸，因為太難食我之後都冇影相了，基本上每道菜都個過份咸，平時識開重口味嘅我哋都頂唔順。最差就係嗰個松子炒鮮奶，基本上係炒粉糊，食唔出有奶味之餘仲要係好鞋嘅感覺，各人試了一啖就即刻擺低筷子⋯🤢🤢唔通就係因為做咗旅行團所以就忽略咗質素？今餐生日飯最好食嘅就係我哋自己帶來的生日蛋糕如果唔係真係食唔飽！😥

生日飯局，星期日，個場無爆滿，但我地都有預早打電話訂枱十個人，所以都叫左幾多餸(部份餸好似要預訂）堂剪手撕豬(Happy Birthday牌自己帶來）其實隻豬推到枱旁，有人serve你剪開不過同普通燒豬/乳豬好似分別不太大唯一就係佢剪得大舊啲，酒樓提供埋透明手套比客人咬落好脆，可點沙糖或乳豬醬豬上半身無咩肉，下半身就會多少少肉咬下炸子鷄隻鷄好大隻，唔多肥膏，皮亦好脆口灌湯餃係所有湯汁都係隻餃入面，係蒸出來攞起銀色部份，放落自己隻碗，小心！依個時候隻餃已經有可能/好易串左，流晒出黎蝦多士食落唔太油膩，上枱時熱辣辣好好味宮保鷄丁um...好似話唔係好辣我淨係試左半粒腰果…淋ge粗齋煲好好味，好多草菇，有茄子，雲耳，冬菇，雪耳，甜腐竹，紅棗…大良炒鮮奶好似似賽螃蟹多啲楊州鍋麵有蝦，义燒，豬肉等等…幼麵清清地，幾好魚湯浸時菜（唔肯定嗰名）湯有啲咸，有雲耳，白菜仔，腐竹煎鍋貼依一道菜…係最後先到，都唔知點解搞咁耐煎得好趣，入面仲有啲湯汁壽包生日當然有壽包好軟熟…入面啲蓮蓉唔太甜，仲有一小粒蛋黃焗西米布甸因為係枱旁邊“筆”好先上枱，所以無影到完整的幾好味唔太甜，入面有蓮蓉

I liked this place because there were not many people and the lady who served us had good knowledge of food.For desserts we had the egg white puffs which were light and fluffy filled with red beans and banana.The famous duck was as good as it claims with crispy skin and lean velvety duck meat.I was surprised that there was a chef in front of you slicing the duck.

與友人興生特別選址老字號餐廳！必吃首選北京烤鴨 不說不知，原來此店乃北京知名品牌全聚德所授權的香港店家，在此吃的烤鴨跟足北京做法但由於太好吃所以完全忘記拍照先來個蝦多士！多士夠脆，蝦肉夠Q彈牙！再來個小炒皇鮮魷夠鮮味肉沫盒子盒子夠脆 肉沫夠惹味

平安夜, 當所人一窩蜂的湧去吃西餐, 吃火雞, 吃聖誕布甸, 我們卻來了位於尖東的鳳城酒家吃順德菜, 吃炸子雞, 吃西米焗布甸, 形式也差不多吧! 但免於被餐廳斬得一頸血, 亦免卻人滿之患.窩貼大明蝦 ($88/ 例)爽口彈牙的大蝦, “安坐”在脆多士上, 香脆無比, 惹味而不膩, 一個人連吃三件都綽綽有餘呢!金牌炸子雞 ($128/ 半只)是鳳城酒家之招牌菜之一, 雖然用冰鮮雞去煮, 看其外皮縐巴巴的, 應該是翻炸的, 但仍算不失美味.雞皮薄脆, 儼如薯片一樣, 咬下去卡滋卡滋的, 而雞肉亦算挺嫩滑, 皮下脂肪亦不算多, 不會過於油膩.大良炒鮮奶 ($88/ 例)一向很喜歡這道菜式, 滑捋捋的, 亦有鮮奶的鮮香及豐腴, 但這次再會它, 竟然大失水準了, 令我失望不已. 首先炒鮮奶卻沒有奶香, 只有怪怪的麵粉味. 吃下去的texture亦怪, 是一撮撮厚重粉團的感覺, 而不是炒蛋白的鬆軟感, 而其他材料亦不多, 只有屈指可數的松子仁及蝦仁, 真是食之無味呢!生啫農家菜 ($78/ 例)生菜加上蝦醬的味道極為惹味, 令人立即想點一碗白飯. 但有點越吃越油膩的感覺.蓮蓉西米焗布甸 ($68

鳳城小炒皇，有韮菜、蝦乾、魷魚、腰果，少少辣好味!生菜片鵪鶉菘，生菜包住D肉鬆黎食，幾好味嫁!脆皮炸子雞，普普通通。馳名西米焗布甸，入面有西米和蓮蓉，好好味，一定要食。

一家4個人來香港旅遊，住在尖東的酒店，之前已經來過鳳城酒家吃飯了，不過是午飯，而且有人宴客，雖然這次是第三次來鳳城食飯，依然讓我覺得很有新鮮感。菜單      片皮鴨 我們叫了半隻片皮鴨，廚師在我們面前切片，鴨皮烤得很香很脆，用麵皮包著青瓜、蔥、漿料一起吃，超好味^^真是齒頰留香~!!正宗北京全聚德烤鴨，跟平時廣東烤鴨味道不一樣，脂肪不多，肉質鮮美，正好符合我這個吃貨廣東人的要求~~~竹絲雞燉鮑翅    這個湯很鮮味清甜 ，沒有味精味的，魚翅比牙籤還粗，鮑魚很爽口，雞和鮑魚的鮮甜融入到湯汁裡面，雖然有點貴，但是真材實料，物超所值！狗仔煲 家鄉狗仔煲？看到這個名字的時候嚇了我一跳，服務員給我解釋，原來狗仔煲是沒有狗肉的，只是將惹味的香蔥、姜和大蒜爆香，再加入一隻約八個月大的三水白鴨以慢火燜40分鐘。揭開蓋一刻，肉香蒜香一湧而上，還沒開始吃就開始流口水了。再吃一口，發現鴨肉吸盡各種香料的濃郁味道，咬時滑嫩的肉汁慢慢溢出，即時能感受到廣東人常說的「狗肉滾一滾，和尚企唔穩」的美味境界。雖然名字不大好聽，但是強烈推薦！炸子雞 鳳城的招牌脆皮炸子雞真的不賴，果然是招牌菜，名符其實。雞炸得剛剛好，雞

「婚前」唔關我事，小弟成家立室多年，是日喺幫舅仔搵婚宴場地日啫，成個晏晝晌尖沙咀周圍打轉，之後晌海景嘉福酒店嘅Cafe on M嘆緊「高茶」，就順便總結一吓今日幫舅仔晌尖沙咀搵婚宴場地嘅概況，當中啱日子、環境OK嘅有兩間可考慮，其中一間喺鳳城酒家，所以，就索性晌度食埋晚飯先走，當喺試菜。眾所周知，鳳城酒家以北角及太子兩間為「正店」，其他嘅都喺一班伙計自立門戶夾份大搞所開嘅，而太子嗰間小弟就幫襯多啲，今晚晌「依間」又唔知會喺點！嚴格啲講，應該叫佢做「鳳城皇宴」，不甘於晚飯小菜，擺明做埋酒席，所以，個大堂都裝修得幾富麗堂皇，天花加裝埋射燈，牆身多部入牆大電視。打開餐牌就見佢有個「拾大名菜」推介，由於啱啱嘆完下午茶無耐，所以大家都唔喺好餓，再者，點菜都喺以「試菜」為目的，故此就會揀得精啲，同埋跟酒席相類同嘅菜式，而份量就酌量一吓，好似斷件計嘅就唔會一人一件啦，三來大部份名菜都曾經試過，因此，「拾大名菜」（除金牌炸子雞外）留待下一次跟未試過嘅朋友吧！題外話，睇餐牌時，打開「第一個」餐牌，點解無跟酒席相似嘅菜式，全部都喺京菜，原因喺依度一鋪兩店，喺鳳城（賣順德菜），又喺全聚德（賣京菜）。蟹肉扒雙

食物：鴻運金豬拼盤，乳豬皮脆肉香，如果可以多一點就更好了；窩貼沙律大明蝦，脆口但略油膩；碧綠花技蚌片和紅燒竹笙海皇翅，沒驚喜；西生菜鵪鶉崧，用西生菜包住吃，沒有了油膩感覺；鮑螺片鵝掌翡翠，鵝掌大大隻，配以汁，味道好：清蒸大海斑，蒸的時間剛好，魚香肉滑，正！招牌脆皮炸雞，名符其實，皮夠脆，一口咬入竟還有雞汁流出，必試。金菰炆伊麵，伊麵全沒油益味，尚算可以；招牌鳳城炒飯，雖然是普通的炒飯一碟，只需認真看，每粒飯的顏色色一致的金黃色，可想到大廚炒飯工夫勁！環境：一般酒樓格局。服務：有一侍應專責招呼，難得！