鳥元炸雞專門店 (已結業)

👭鳥元炸雞專門店(荃灣)👭1️⃣特惠套餐：元祖鳥元炸雞(2件)配黑豚肉咖喱飯送可樂一罐 $38炸雞新鮮熱辣辣炸起，外皮薄而脆，雞肉嫩滑多汁🤤呢到既咖喱飯唔係一般日式咖哩咁甜，而係帶有微微既辣，岩哂38口味😆2️⃣北海道南瓜餅 $12南瓜餅尺寸十分巨型，整件餅都係由南瓜蓉製成，南瓜蓉非常甜，食落啖啖都係南瓜蓉令38好滿足😍3️⃣日式章魚燒(3粒) $16醬汁配料同章魚燒既比例岩岩好，尺寸比較迷你，所以可以一啖一粒，但要小心熱呀😂不過38就覺得$16得3粒略微有點小貴，都係下午茶套餐抵食啲😆推薦度：7/10🏠荃灣荃華街3號悅來坊B1樓B108號舖

1. <好味日本小店 炸雞勁正 >🇯🇵😍呢間喺荃灣既日本野 主要食日本野但比較似輕便野食 好似 雞翼 鰻魚飯 咖喱等等 座位唔多 得高枱櫈 有 d人唔介意可以企喺度食 or外賣 😃2.🍴a套餐 咖喱飯 炸雞兩件 可樂 38 蚊🍚🐤係用膠同紙皮合放住 所以自己選擇外賣定坐喺度食 炸雞大大隻 外皮香脆🔥夠薄 皮下脂肪唔會肥膩 雞肉飯滑得黎彈牙又夠 juicy 好正🐤 3. 咖喱飯係用日本米 口感軟熟 比較黏稠 🍚 咖喱當然係日本咖喱 少甜質感偏高 加埋甜蘿蔔碎 薯仔碎🥔🥕 同埋軟熟既豬肉🐷好味4. 🍴鳥元一字千羽 22 蚊🐤即係雞翼 一隻雞翼切成兩邊炸起 雞翼本身好大隻 所以半隻同一隻差唔多外皮香脆 雞肉嫩滑 勁正👍🏻#日本菜 #炸雞 #雞翼 #咖喱飯 #日本米 #可樂 #豚肉 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#鳥元炸雞專門

喺悅來坊廣場嘅KFC隔離竟然夠膽開炸雞店?! 一於試下!特惠套餐$38有兩件炸雞+一碗黑豚肉咖哩飯+可樂! 咁抵!!!由於炸雞需時，先食左個咖哩飯先。日本米粒粒分明，咖哩汁濃郁配上薯仔蘿白 6.5/10 超快清哂hahahaha炸雞即叫即炸，熱辣辣! 本來仲諗兩件炸雞會唔會唔夠食…點知原來有罐可樂咁大件，仲無骨啖啖肉咬開超多肉汁 OMGGG! 確實比得上台灣嘅炸雞扒!  9/10之後仲單點左一件北海道芝士南瓜薯餅$18都係新鮮炸起，南瓜蓉都算甜 7/10下次再嚟要試下榴連炸彈

<口感juicy 既bb 雞>即叫即炸， 兩件雞搥，細件裝， 用的是外賣包裝紙。如果有少少酸辣醬汁/ 檸檬就更好< 咖哩豬肉飯 + 可樂 + bb雞> 38hkd咖哩豬肉飯嘅咖哩好香濃，似係日式包裝，即食咖哩包 ，入面度出嚟咁香濃， 白飯係即日煮的，製作過程非常快速，只等兩三分鐘就可以食。< 白汁雞皇飯 + 可樂 + bb雞 > 38hkd如果食過咖哩豬肉飯，再食白汁雞皇飯就好慘 ，因為你會係食唔出任何味道所以記得要飲一飲可樂，清一清潔再食。 白汁雞皇飯的白汁很濃厚。一個女仔，正常食一個餐，都有七成飽

荃灣悅來酒店地庫，近年很多新餐廳開幕 ，可以找到各國美食。上週到達鳥元，一試日式炸雞。餐廳走立食概念，只提供小量座位，當然歡迎外賣。或許是方便外賣，餐具都是即用即棄。這天點了一客元祖鳥元炸雞、日式章魚燒及日本汽水。一份炸雞的份量， 絕對唔講得笑， 每一件都好大， 即叫即炸，雖然要花少少時間等一陣，但確保了 外邊香脆，內裏 滿滿肉汁嘅口感，值得一等。章魚燒 同樣都係即叫即製， 加上滿滿嘅木魚片， 口感一流。日本汽水係來自靜岡嘅蜜瓜汁，味道清甜 ，醒神開胃。餐廳雖然不大，但內裏有些小裝飾還是很有心思。

今日口痕想食炸雞，黎左依家炸雞專門店雖然係小食店，舖面比較的色，但行入去感覺好骨緻同整齊，放左d日式飲料同模型裝飾，又有提供枱櫈比客人坐。我同朋友order左一份元祖鳥元炸雞，北海道芝士忌廉雞皇飯同日式章魚燒。如果唔想食太多炸雞嘅朋友我建議order套餐，一份炸雞一個飯，仲有嘢飲好抵！元祖鳥元炸雞一份有4件，用個盒仔裝住，可能為左方便帶走，附有條黑色膠帶，好細心！食炸雞嘅時候要好小心，因為佢係新鮮炸好，無論內外都係熱辣辣！炸皮唔會太厚，炸得幾脆最抵讚係入邊嘅雞肉，肉質唔鞋口好滑，又食到有汁炸皮同雞肉都有味道！芝士忌廉雞皇飯既芝士足料，可以食到應該係mozzarella既香忌廉汁調配都唔會太鹹，配反啱啱濃味嘅炸雞就啱啱好！日式章魚燒都係傳統做法，入面材料比例幾平均，唔會太多面漿搞到好濟整體食物質素對得住價錢有突，會再幫襯！

今日要出荃灣做野，跟手諗住食埋飯先返去啦行下行下去左悅來坊落左B1層就見到KF_ ,但係周圍都係集團，搵間小店去食，旁邊有間叫鳥元又係食炸雞，點都要幫襯下小店店主應該好like 手辦，好多唔同手辦放係到，望落更似日本餐廳唔好講甘多，叫野食啦我愛既鰻魚飯唔少得多準好味，鰻魚冇腥味，飯又香，唔會硬汁甜甜地搞到好有食慾鰻魚都幾滑炸雞好吸引、唔同KF_咬落雞肉多汁，唔乾身，外皮炸得又夠脆口可惜得4舊，想食多d都唔得小丸子都足料，唔會成口粉因為街邊好多都係粉多野飲都好多選擇，全部都係日本飲料每款都係16蚊，就連下層超市都$20起抵啊！我就叫左個草莓特飲，唔會太甜幾好飲順帶一提，呢到仲有USB插頭比客人充電🔋，真係服務周到😄

去悅來坊的奇X天地買新玩具順便吃個午飯。被店面的各種日本動畫人物擺設吸引了過去，店員很親切問有什麼啱食，看看餐牌價錢好吸引，於是叫個炸雞套餐試試，結果喜出望外。不用40蚊就有套餐，當初真的不抱期望。驚不夠飽，再叫了一份章魚燒。店內一般是站著吃或外賣的，但也有高身的木凳，還提供免費充電。可以看到其他來光顧的小朋友都很開心。我的套餐到了，加2蚊轉成冷泡茶（無冰），共56蚊。都挺豐富的。咖喱飯飯粒飽滿，咖喱汁份量剛好，每啖飯都有咖喱汁伴著，美中不足是份量較少。章魚燒外脆內軟，咬多幾口可以吃到裡面的章魚粒。冷泡茶的2蚊是值得的。有清爽的茶味，喝到底可以看到少量茶葉的粉末，可見是自家沖泡保存，有心思。既然是以炸雞掛帥的店當然要把炸雞留在最後評價。這件炸雞真的不辱店名。香脆的外皮不會過厚，裡頭的雞肉嫩滑，肉汁豐富。盛載炸雞的紙碗，並沒有吸到很多油，可見炸雞的油份也控製得精準。（後來偷偷看到廚房的師傅是即叫即炸的）一邊吃一邊看到很多家長帶小朋友來光顧，大家交換不同款式的食物和飲品樂也融融。剛好這個商場又有X趣天地，很適合父母幫小朋友醫肚。

呢間新開餐廳係荃灣，係一間以立食為主、有少量位置的餐廳。餐廳的裝潢設計簡單，將有的餸菜都貼曬出嚟！最重要係連叉電位都有呀！行到攰又無曬電真係可以係度快速充電喔！餐廳食物其實不是非常多款，但勝在每款都好吸引，而且以一間外賣店或立食店來說，都已經好足夠了！等緊食物的時候發現原來在餐廳的領餐處有好多擺設的，而且每個擺設裝飾都好特別，仲好cross over添整整齊齊的各款特飲、日本酒款都有，想同朋友放工後飲兩杯傾下計都可以呀！呢款係元祖鳥元炸雞，老闆話炸雞非油炸，而是用秘制雞湯來炸的。所以食落時雞肉會嫩滑多汁。套餐是跟埋一個飯的，今次點了雞皇飯，非常正！而且仲好多料添另外點了兩款小食，一款是炸芝士春卷，另一款是一字手羽。芝士春卷即叫即炸，所以一定要即食一條，芝士會係口入面融化出嚟，真心正！而一字手羽更加係懶人必食，因為一口咬就已經可以甩骨了。

炸雞有好多款，有由細到大大家最熟悉既美式肯爺爺、有掃街必食既台式炸雞、有啤酒既朋友韓式炸雞、當然唔少得既仲有日式唐揚炸雞😋 今次黎到位於荃灣、大窩口交界既悅來坊，食下日式炸雞👏🏻鳥元炸雞店鋪唔太大，開宗明義介紹自己係日系輕食立食店！不過其實都有3/4張高櫈可以坐既～ 裝修簡潔，有日式裝飾～ 仲有隻Kumamon架🥰咁既然鳥元係炸雞專門店，點可以唔會一會佢個炸雞呢？ 除左唔同散叫小食之外，其實佢仲有set，幾抵食架。不過我唔想食飯所以散叫左一份4件既「元祖鳥元炸雞」同一件「北海道芝士南瓜餅」💁🏻‍♀️野食係落完order先炸既👍🏻 新鮮熱辣辣～ 4件炸雞個size比我想像中大，雞肉依然嫩滑juicy，炸皮亦都幾薄，而且新鮮炸起脆脆地😋 至於個芝士南瓜餅，食落唔會過甜，有既甜味應該真係純粹黎自南瓜本身～ 中間加芝士令成個餅多左陣香味～ 野食都係炸既，但唔會話覺得油膩👍🏻 整體唔錯呀😌

想食炸雞，除咗搵鄭嘉穎之外，好難諗到第二個選擇，連胃弟都認命，話要食肯他雞喎，大胃梗係唔制啦，點知熊貓間肯他雞隔離新開咗間日式炸雞店喎，天意呀係要棟篤食，不過食咁多就企返咁多，冇所謂啦價錢同肯他雞差唔多，最緊要有免治牛肉飯，重拾哈迪斯嘅回憶呀小食價錢還好啦比起當年嘅哈迪斯，大胃覺得呢個飯略勝一籌，唔會死甜酸味，牛味都重炸雞冇肯他雞咁油，連肥膏都炸到好似筋腱咁煙韌，咁多炸物，今次想唔生痱滋都難榴槤就普通啲但薯餅就好ok，南瓜味好足，芝士流得好有驚喜加油呀，打破壟斷式炸雞靠你喇

下午茶時間經過悅來坊 餓底上身既小編見到呢間新開炸雞幾吸引👀🐥特惠套餐有元祖鳥元炸雞2件仲有細細碗咖哩飯 同送可樂炸雞既脆漿炸得幾鬆化 肉質好嫩滑juicy 🐣仲要新鮮炸起 幾抵讚👍🏻🍛咖哩飯正常發揮 幾好多配菜同醬汁絕對無齋食白飯既情況💁🏻‍♀️.🥚仲試左溏心蛋($9)切開果下見到少少流心有種莫名其妙既滿足😝醬油味唔會過咸都幾ok😋.作為下午茶 小編覺得幾抵食同滿足👍🏻.人均消費：$46推介指數：👅👅👅👅👅👅👅😋（7.5/10）Encore指數：🤙🏻🤙🏻🤙🏻🤙🏻🤙🏻🤙🏻(6/10)

荃灣小食專門店-鳥元.呢排口淡淡好想食炸野，今日係悅來坊附近番工，午餐時見到呢間炸天炸地的小食店就去試下。.📌鳥元一字手羽$22單支雞翼🐥新鮮炸起，雞翼大大隻，啖啖肉，好Juice💧📌北海道南瓜餅$12一口咬落去，啖啖香甜南瓜蓉，真係立即想叫多塊📌日式章魚🐙燒$16味道正常📌信州白提子汽水$18重重的青提子味道，加上食炸物一定配碳酸野飲果種perfect match,極佳享受。除左小食仲有輕量咖哩飯可一試

上星期去左荃灣搵男友❤️🤣發現左呢間新開張第十日既小食店仔門口姐姐好落力咁推廣，我地都試左一次，又唔錯喎😌·🐥元祖鳥元炸雞🐥鳥元一字手羽全部野即叫即炸，都要等一陣間先有得食招牌野當然係雞·雞·雞啦炸雞比我想像中大舊，兩款都好香脆，但又唔會脆到𠝹口，雞肉好嫩好juicy ☺️順帶一提，呢度係無提供醬汁比客人點，不過我覺得就咁食已經好夠味唔洗再點野☺️·芝士春卷🎃北海道南瓜餅🦐仲有餐牌上未有既蝦餅☝🏻☝🏻☝🏻芝士春卷又比我想像中細條🙈Well~ 唔是流心、唔是拉絲架係少少咸香果種芝士味🧀·🎃🎃我勁中意食呢個南瓜餅（利申：瓜控一個，乜瓜都中意食）脆脆炸皮包住滿滿南瓜蓉同芝士男友食左勁大啖😩唔想留比我🙄·🦐最後個最最最新既蝦餅好爽口好彈☺️係有啲小貴既，不過間中試下小食都唔錯啦

依日嚟到荃灣掃街，因為太熱放棄左行街邊小吃店，反而係商場搵到間新開小吃店🤓========================元祖鳥元炸雞🍗 $38炸雞有成四大嚿，每件都成個手掌咁大🤤佢屬於日式唐揚炸雞，同平時食嘅台式韓式炸雞唔同在於佢嘅肉質更鮮嫩多汁，炸皮雖唔似韓式嘅脆身但仍然入口脆嫩😛========================日式章魚燒🥠 $16即叫即做嘅章魚燒入口極燙，麵粉外皮唔會過厚粉，細細隻章魚頗為煙韌彈牙，當我地要求想要多醬時店員都好好禮貌咁幫我地加😋 ======================== .巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻========================📍 鳥元炸雞專門店 (荃灣)荃灣荃華街3號悅來坊B1樓B108號舖========================#hk #hkig #hkigfood #hkfood #food #couple #hkeat #eat #hkfood #hkfoodblogger #hkfoodpo