93
28
10
港铁长沙湾站 C2 出口, 步行约6分钟 继续阅读
所有分店 (2)
电话号码
23202264
营业时间
今日营业
11:30 - 22:30
星期一至日
11:30 - 22:30
付款方式
现金
其他资料
电话订座
食记 (152)
等级4 2021-03-23
463 浏览
锺意食日本野既你有无食过好食既乌冬?我以前去过日本最出名食乌冬既四国,拣左间TABELOG最高分既,食完觉得非常震惊,原来乌冬可以咁好食,但会谂起香港无可能食到咁好食,不过呢排就有一间质数接近日本既乌冬,而且连我最锺意既识食艺人加厨师梁祖尧都有帮衬过,食後系赞不绝口。店主因为好锺意四国既赞歧乌冬,所以去当地拜师学艺,学整乌冬、熬汤底同炸天妇罗,乌冬都系每日新鲜手打自家制唔过夜,有自己既独立工场,而且用上日本小麦粉,而店铺名会叫「鲣乌冬」,因为佢地既乌冬主打用鲣鱼汤熬制而成既汤底,咁认真制作可见佢地绝对系香港入面乌冬既定专家,观塘总店亦有提供手打乌冬班可以比大家体验一下。长沙湾分店外表用心设计,好似系四国见到个D隐世乌冬店,但同时都比较逼D,而观塘总店就系观塘最多野食既工厦骆驼漆大厦入面,设计就无长沙湾咁日式。长沙湾分店有自助区可以斟野饮,会有热水、冻水同玄米茶提供,另外都有餐具自助式咁罗,同埋会有天妇罗碎同七味粉比大家调味。系观塘会采取自助式落单,首先会有一个餐牌睇到各款乌冬既相,之後系点餐纸上面落单。鸟冬分为冷热两种,热汤仲有分清汤、半汤、咖哩、锅仔烧等,乌冬可以散嗌或者跟唔同小食变成套餐,小食有骨付鸡、关东煮、天妇罗、味噌焗鲭鱼等。另外一提观塘总店比起长沙湾分店特别之处系可以拣乌冬既粗幼,但长沙湾分店就无呢个选项,。-🍜 热乌冬 鲣鱼清汤乌冬 (乌冬套餐) 💰71(👅: 9/10)我个人系最锺意呢个乌冬,因为佢最似我系四国食到既乌冬,好食既乌冬反而唔需要太多野,普通一个乌冬一个汤已经够,而系日本半自助式既乌冬店,最多人点都系鲣鱼汤乌冬(かけうどん)。热食同冷食既分别最主要系乌冬既口感,热食一定系腍身D而冷食就系硬身D,呢个好睇个人口味因为我有朋友锺意冷食,但我因为系四国食个时系热食,所以我印象中好食既乌冬都应该要系食热食,要食入口即溶既口感,同食佢个汤底既质数,对我黎讲热食先可以试到整体乌冬既高低。乌冬做法系将乌冬既面团经反覆碾压後用人手切割成面条,将煮好既面过冷河,将冷乌冬放入碗,再将鲣鱼汤倒入碗,因为用冷水冲洗过,面身较弹牙同淡味。乌冬睇落系形状不一,可见系自己手打既乌冬,食落系非常烟韧够弹牙,入口即溶,食落仲会有麦香味,虽未到日本第一乌冬,但以香港黎讲确实好难有第2间可以追到。呢个鲣鱼汤系清汤,非常够味,睇落好清香但饮落系明显既鲣鱼味,绝对唔系鲣鱼粉既味道,入口鲜甜唔会过咸,唔需要太多调味已经将个乌冬魅力提升到极致加上简单既配料好似姜、葱、海带、呜门卷,越简单越难做得好食。-🍤 天妇罗 (乌冬套餐) 💰24(👅: 8/10)天妇罗有鲜虾、南瓜、多春鱼、冬菇同蕃薯,都系用日本沙律油炸成,炸到皮薄香口,外脆内软。鲜虾天妇罗比较出色,肉质算鲜嫩,虾表皮够香脆,粉浆唔算好厚够松化,食落唔算油腻,而且保留到肉汁,味道唔算重几岩我口味,感觉天妇罗同乌冬系绝配。-🍜冷乌冬 夏一乌冬 (乌冬套餐) 💰80(👅: 8/10)拣左一个冷既乌冬,夏一算系招牌、最多人叫既一款,上面会有个生蛋黄,系环境会见到店铺系用日本国产既鸡蛋,配料仲有紫菜、芝麻、葱、冬瓜、柠檬、姜蓉等,味道偏酸酸地,食落开胃,口感几清新,唔够酸仲可以加柠檬汁,蛋汁令乌冬更滑身,几岩夏天食既乌冬。上面都有讲过,呢个冷乌冬比起热食会再硬身D烟韧D,我觉得锺意腍身入口即溶但又唔系煮烂哂个种口感,但依旧系口感同味道都有质数既乌冬。-🐔 骨付鸡 (乌冬套餐) 💰8(👅: 8.5/10)骨付鸡系有骨既鸡髀,系四国无咩点见有骨付鸡作为餸,一般都系用天妇罗作为餸,但骨付鸟系四国高松市既名物黎,当中食过一间高松市最出名既骨付鸟一鹤,所以我谂店主系想将四国既名物同时带黎香港。可以见到骨付鸟上面充满气泡,已经感受到系新鲜炸起既热辣辣感觉,鸡皮烧到够脆口微焦,食到鸡髀上搽左蜜糖同七味粉,味道足够得黎唔会话太咸,肉质系非常嫩滑,而且咬落系肉汁丰富,对比起高松食个间感觉仲好食,因为高松唔知系咪迎合当地人口味,调味较重,而今次呢个我觉得好岩我个人口味、甚至系香港人既口味,但建议真系要趁热食,有试过买外卖,可能唔系即食,个时感觉就无咁好食。-🍜 冷乌冬 天妇罗广岛牡蛎半汤乌冬 💰119(👅: 8/10)同样系冷乌冬,对於冷乌冬既描述同上面一样,最大分别系天妇罗广岛牡蛎同佢系半汤。除左上面既鲣鱼汤清汤,仲有呢种半汤既乌冬,汤量比汤清汤少但浓度系冷乌冬同汤乌冬之间,食落似捞面,但我个人锺意乌冬腍身D,呢个食落都系太过烟韧个种,但鲣鱼汤既味道同样系足够。至於天妇罗广岛牡蛎既质素系唔错,温度足够,炸浆同样够脆够薄,炸既时间控制得好好,保留到海洋既鲜香味,蚝既肉质都甜鲜且嫩,唔会OVERCOOKED。-🌟环境黎讲,长沙湾完全系日式设计,好有系日本食乌冬既感觉。食物黎讲,乌冬质数系贴近四国赞歧乌冬,因为系观塘返工其实之前食过几次,店铺有多款乌冬我都食过其实,不过就无影相。总括鲣鱼汤咖哩乌冬咖哩味会太重会盖过鲣鱼汤既味道,月见乌冬系加左蛋,其他同普通既乌冬无分别,三文鱼籽酱油乌冬算系FUSION食法,但觉得三文鱼籽会抢过乌冬本身味道,而且价钱大约100到就食到一个质数唔错既乌冬同小食,虽然系日本食只系几百YEN就食到日本最好食既乌冬,但系香港黎讲算系几抵食,有日本思乡病既人好值得一试。当日去都有乌冬卖哂好似竹帘同抹茶,唔知系最多人叫定本身卖哂。论服务,长沙湾同观塘两间我都去过,观塘店好细心介绍我知所有乌冬,例如我想食热乌冬会有咩推介、冻乌冬会有咩推介、小食会推介边种,佢知道我买外卖会问我几耐返到去食,因为3个字先返到所以唔建议我叫天妇罗等等既建议,感觉观塘服务系非常好。反之长沙湾店个次去系假日夜晚,人气店要排队去食好正常完全唔介意,但长沙湾店一黎人手睇落好唔够,分开左左右两店但楼面得2-3个人,二黎我三个人去食,但食客都系两位两位既组合,负责分位既个位职员完全唔识点样分配客人入座,每两个食客离开就比两个人入,等左4个字成条队连我後面既人都入哂我地都未入到,明明好简单将两个食客调去另一边我地就可以坐4人枱都唔识,而且见佢每次落单都会好慢重覆一次落左咩,感觉将好简单既事复杂化,环境虽好但服务远比观塘店差,唔系一个好既进食体验,如果再食可能唔会再去长沙湾店,虽然系黄店乌冬质数都可以但服务同人手真系有待改善。 继续阅读
(以上食记乃用户个人意见 , 并不代表OpenRice之观点。)
等级4 2021-01-15
3536 浏览
一日一黄店 长沙湾新鲜手打乌冬 呢排讲吓长沙湾区 平时都少嚟呢边 望一望发现 真系好多啱食既友店 今日就讲吓一间每日新鲜即制嘅日式乌冬面店 fb都keep住有表态 仲见到仲有开班教整乌冬.⭐️海苔竹帘乌冬$50望落份量几多 几大碟 有竹帘隔一隔水😋有少少绿绿地晶莹通透既感觉 👍🏻口感 好软熟弹牙😋先试试唔点汁细味咀嚼乌冬 会有淡淡的紫菜味😋加埋鲣鱼汁 好好食 有去咗日本嘅感觉.加$8 可以加面 试试加面份量有几多份量大概一个饭碗左右 唔算多但佢俾咗⭐️白乌冬我 可以试多只乌冬都唔错相对更粗身 同样弹牙 但就相对冇味啦可以先放上竹帘隔水 再食会上汁好多.望图见到呢度天妇罗好似唔错⭐️天妇罗 $59价钱合理 有5大件 质素中上 算薄皮 冇骨肉分离有虾 茄子 多春鱼 牛鳅鱼 同菇菇(但冇过儿)特别讲讲只虾 好大只👎🏻但系我食过炸粉最厚身既(可睇图)想扣分👍🏻但炸粉系松化既 唔会死死实实 我就几锺意嘅(食到成台都系碎😂 自行加减分啦).整体有去咗日本嘅感觉 乌冬口感系重点 好评乌冬店一间.#鲣乌冬 (长沙湾) @udon.hk 地址:长沙湾元洲街450/464号宝华阁地下4号舖.⭐️评分:味道:4.5/5 乌冬系重点环境:3.5/5服务:3/5 自行拎茶抵食:4/5 绝对会回头既店 继续阅读
(以上食记乃用户个人意见 , 并不代表OpenRice之观点。)
等级2 2021-05-01
0 浏览
YOUTUBER 介绍才知道这家餐厅,这次在附近的戏院看电影之前先来医肚,吃了两款不同的乌冬和两份小吃。鲣鱼半汤乌冬(下),挂锅乌冬(上),骨付鸡(右, 即是鸡脾部份)和天妇罗。乌冬是选用赞歧乌冬,比较弹牙,但汤底不是很惊喜,挂乌冬我和朋友都觉得感觉不太好,因为这容器感觉是沐浴时用到的工具,装水再加乌冬感觉十份奇怪(可能在日本吃的话感觉会不一样),但味道也没有很好。反而骨付鸡很入味又滑,份量很大,最推介的菜式,天妇罗味道一般,香脆但比较细件。 继续阅读
(以上食记乃用户个人意见 , 并不代表OpenRice之观点。)
去唔到旅行,唯有疯狂食日本嘢满足吓心灵,食完当返咗转乡下啦🤣呢间舖嘅老板专门喺四国学整乌冬,每日自家新鲜手打,今次就慕名而来食手打乌冬~鲣鱼清汤乌冬⭐️⭐️⭐️⭐️汤底主要以鲣鱼熬制,闻落清香,海带、葱、姜容带出鲣鱼嘅鲜味~一啖汤一啖乌冬,最後饮晒啲汤🤪但系唔会口渴,手打乌冬好高质,烟烟靭靭超弹牙,份量亦好充足大份!骨付鸡⭐️⭐️⭐️骨付鸡即系烧鸡髀,上碟嗰阵比想像中大只,满布七味粉嘅鸡皮烧得几香,入面锁得住肉汁,值得一赞,而且油脂丰富,鸡肉都算滑,但就无想像中咁嫩, 如果可以再嫩啲就完美🤤但都值得一试天妇罗炸鸡块⭐️⭐️炸鸡块有4大旧,上碟嗰阵已经见到张吸油纸都几多油, 鸡肉都算嫩, 唔算厚粉 ,但就系油比较多 继续阅读
(以上食记乃用户个人意见 , 并不代表OpenRice之观点。)
等级3 2021-04-22
0 浏览
终於找到质感跟日本相似的烟韧结实乌冬面第一次都观塘工厦吃饭 里面原来好多餐厅本来是想吃海苔口味的乌冬 可惜当天已售罄不过原味都好好味 乌冬冻食特别有口感同埋烟韧关东煮里面有鸡蛋、蒟蒻、椰菜卷、萝卜和竹轮想吃热乌冬可以试咖哩汤乌冬 日本咖喱所以不会很辣 吃完暖笠笠骨付鸡其实就是烤鸡腿 肉质嫩可以一试 继续阅读
(以上食记乃用户个人意见 , 并不代表OpenRice之观点。)