影片
依家先选寿司每一间分店我都食过咁滞，其实间间都差唔多，少少似超级市场寿司嘅好食少少版本，价钱上埋单五百几蚊，唔知有冇记错，我觉得山顶呢间好似比较贵少少？系咪我错觉呢？今次带咗个龙虾寿司，觉得唔错， $50.1件，值得一试；另外呢度嘅吞拿鱼真系好食过其他平价寿司好多， $25两件，好抵食，好食过争x和寿x郎好多！雪糕都好浓烈牛乳味！另外值得一赞系佢哋嘅店员好有礼貌，尤其是个阿姐，入门嘅时候会提醒我哋入座要小心梯级！唯一觉得真系要劣评就系佢嘅箱压寿司，根本就压唔实，而且好细件！同埋啲绿茶根本就冇绿茶味，唔知似乜！另外我都好好奇，本身点𠮶六件三文鱼寿司就见到有啲分别的，不过上菜嘅时候又觉得睇唔出有咩分别🤣
继续阅读
朋友生日上山顶玩monopoly dream ，玩前食个lunch,行行下山顶广场开左DONKI sushi ，我都好早出发去到12点早早地无咩人，咪去食饭入位前侍应生话明没有熟食，咁我都ok, 夏天食凉快嘅食饭又轻轻食，衞生问题无回转寿司，只喺DONKI pad仔落单，一落完都好快到，快食闪几好👍2个女仔，清清地食少少share食寿司，大至上都好新鲜，最惊喜喺佢自家的是静岗山葵wasabi，见到真喺wasabi有一粒粒定一丝丝的，好健康。唔同平时嘅wasabi酱🤩,比钱个时仲有得储DONKI member 分添蟹味噌（食到有少少腥，可接受）山葵八爪鱼（几新鲜好好味）油甘鱼（偏瘦无乜鱼油）帆立贝照烧（好好味，贝正常尺寸不大不小）蓝鮨吞拿鱼拼盘（3件-正常瘦，正常版，鱼腩，正常）火炙蓝鮨吞拿鱼赤身（好好味连寿司饭有焦香味-只喺呢个饭先有）🤩虾拼盘（大生虾，熟同甜虾）正常蒸蛋（好好味，入面有冬菇，小元贝。有惊喜🤩）
继续阅读
【中西区】【鲜选寿司】贴完 story 之后成公司都知我寻日落大雨去咗山顶，觉得我痴线，我分析返畀佢哋听。首先疫情已经令山顶人流大减，加上寻日黄雨，本地客数量有如江河日下。我想讲我同朋友去到嘅时候，少人到我唔相信呢度系香港。咁当然我要承受返睇唔到风景嘅后果，不过个景其实都睇过 n 次，睇少一次半次好小事，反而有一个冇乜人嘅山顶广场就真系难得喇。一般啲宣传易帐户都系教大家去同人斗逼，我就麻麻哋呢种，宁愿静静哋去同朋友行吓。咁一场去到就梗系要喺𠮶边揾啲嘢食，𠮶间喺荃湾排队排到天昏地暗嘅「鲜选寿司」已经有试过放咗宣传易，我冇时间排队跟进，成本太高。适逢山顶店 29/4/2022 开咗皮，即系两个星期左右咋㖞，就入去食少少嘢试吓佢啦。我惊有人唔知，都讲少少背景，呢间鲜选寿司呢，其实就系 DON DON DONKI 主理嘅寿司餐厅嚟。佢哋啲吞拿鱼寿司系最出名，山顶广场分店就有埋伊势龙虾寿司，不过我会敏感就唔搏喇。我哋唔使排队，大把位任坐。坐低就见到绿茶粉同热水呢啲基本嘢，餐具同酱汁都好卫生，好企理，可能系开业冇耐，仲未有太多客人用过张枱。芥末酱系由输送带运过嚟，一粒粒独立包装，味道都唔差。反而啲食物系以快速送递通道奉客，唔系输送带。喺讲嘢食之前我特别想提到佢枱面系放咗两款酱油畀客人选择，一款系「Fundokin 九州酱油」，另一款系「龟甲万二段熟成生酱油」。前者偏甜，适合油脂较高嘅鱼，后者酿嘅时候直接用生酱油取代盐水，所以比较浓醇。我哋都系第一次食呢间，求其叫啲食吓，$17 嘅「火炙鳍边」寿司酱汁够浓，火炙埋唔多使点汁酱，唔错。「蓝鳍吞拿鱼拼盘」$37 有三件，应该系赤身、大拖罗、中拖罗嚟，以呢个价钱嚟讲绝对有交待，算系几唔错嘅。之后食埋都系 $17 嘅「日本产池鱼」寿司同埋「日本产帆立贝」寿司，仲有 $22 嘅「油甘鱼」寿司同埋 $37 嘅「日本产鲷鱼」寿司，都好 DONKI feel，好似食紧平时啲盒装 Donki 寿司，只系佢比较新鲜啲同埋用碟上咁解。最后食埋个 $27 嘅「烧三文鱼腩」，喂真系几抵，都有两条三文鱼食吓。成餐夹埋 $191，我哋唔算食得多嘢，所以呢个价我觉得都系合理地平，系一个「有下次」嘅选择嚟。不过讲到下次就未必再上嚟山顶，可能去荃湾算。讲多少少，呢间鲜选寿司系全球第二间 DONKI 寿司店啦，用快速送递通道送餐，但系我哋就见唔到鲜鱼解体或者炙烧表演等嘅节目，真系唔知迟啲有冇。反而喺埋单畀钱同店员吹水嘅过程中八到小西湾会开分店，哗，系咪独家料先。。。（地址：香港岛太平山山顶道118号山顶广场1楼112-113号舖）#1amfoodie #foodie #thatfoodiething #1am0668 #1ambackup #sushi #thepeak #globaleats #tastyfood #hotpot #foodpics #followforfollowback #love #eat #1am中西区 #山顶 #太平山顶 #山顶广场 #寿司 #DONKI寿司店 #DONKI #鲜选寿司 #火炙鳍边 #蓝鳍吞拿鱼拼盘 #日本产池鱼 #油甘鱼 #日本产帆立贝 #日本产鲷鱼 #烧三文鱼腩
继续阅读
山顶行完卢吉径，有d冻同肚饿，路过见店员话bar枱不用排队，就入去试下。整体鱼生都新鲜好味，价钱唔贵同出面比，吞那鱼腩性价比高，平过出面。下次都会再食，有机会再试埋甜品。
继续阅读
20221115--鲜选寿司地址位于:山顶山顶道118号山顶广场1楼113号舖山顶一日游，中午吃过快餐和西餐，浏览开饭发现有鲜选寿司，原本想择日到荃湾试试，见不用排队，就选择了鲜选寿司，当天是平日，约六时，山顶人流不多，可直接入座。蓝色座椅，充满海洋感，二人坐得舒适桌上放了两款不同味道的酱油自助点餐，绿茶粉味道不错经人手磨制而成，空运到港的山葵，味道的确比坊间混合而成的好点寿司款式不算多，而且有好几款售司售罄蓝鳍吞拿鱼拼($37)质素上食到赤身、中拖，大拖的差别，呢件大拖跟刚巧前一天到寿司郎的水准好得多，油脂丰盈，没有渣蟹味噌寿司($17)蟹膏量多，味道也浓山葵八爪鱼($12)，紫菜脆身，八爪鱼爽脆北寄贝($12)新鲜爽甜，日本产帆立贝($22)，帆立贝细细粒，有鲜味原条海鳗寿司($27)，配一件寿司饭，鳗鱼爱好者，必点唯一一款翻点的寿司鲜选的寿司饭不是白雪雪的，有著一点点颜色，但我吃不出多混合了甚么调味厚切大拖罗($37)侧影鱼身真有切得较厚，但又比较细件，油脂分布多，家人样子吃得状甚满足好奇心驱使下，试下纳豆寿司($12)，有点点怪味，不过我本身唔抗拒食纳豆，试试健康食物也不错赤虾寿司($22)，爽甜，但唔大只，没有啖啖肉口感照烧日本产帆立贝($22)，多了照烧汁，反而吃不到帆立贝的鲜味，还是原味好吃新鲜弹牙的飞鱼子寿司($12)油甘鱼寿司($22)，肥美甘香甜品款式少，又唔啱口味，没吃甜品最后埋单又好像不是跟足碟的颜色，店员最后也没数碟，以落单为准。埋单: $309食物款式选择不算多寿司新鲜度合格价钱唔算贵，服务尚可行过路过，不用排队，可以一试，我试过一次，就唔会刻意再去
继续阅读