影片
个几月前去食鲜芋仙，临走𠮶阵时冇为意留低咗手机，之后好彩店员好心追出嚟商场俾返我哋，如果唔系都唔记得咗留低咗，真系多谢𠮶个热心店员。𠮶日同朋友食完晚饭，朋友话想食甜品，即刻谂起去食鲜芋仙，今次我哋食咗「超级芒果冰」，份量十足够我同朋友两个人一齐share食，另外芒果都超级新鲜甜，之后会继续帮衬试唔同嘅甜品。店舖环境良好，环境好舒服，好适合同朋友点缀，食品制作时间和店员服务态度都10分良好，会继续支持！
继续阅读
今晚喺青衣城食完晚饭觉得未够满足决定食返碗甜品呢间够晒选择多大大碗，够晒一家四口食家姐最爱烟靭，弹牙小芋圆橙色紫色，够晒吸睛仲有珍珠㖭啊配埋红豆沙简直一绝加多一碗冰冻滑捋捋凉粉配刨冰凉浸浸够晒消暑食完真系大满足
继续阅读
幅相系我攞到到餐之后即刻影，我无做过任何野，攞餐时见个托盘可以咁湿漉漉都照俾个客，都心知不妙，试左一啖，我觉得应该问佢退返钱。我叫热芋圆红豆沙，但碗野系一啲都唔热，连暖都唔算，但谂下，就系员工差先会够胆将啲咁质素低食物俾客，同佢讲可能重要再受气，都系算，除咗唔热之外，味道同样差，勉强食左细平碗，我之后唔会再去，同埋叫其他人唔好去
继续阅读
紫米饮料系列买一送一限时优惠（星期一至星期五，下午六点前），有四款（紫米小芋圆、紫米奶茶、紫米珍珠、紫米鲜奶）可以拣。紫米小芋圆（$43），超多紫米同芋圆，各占三份一杯。紫米有𡁻口，够口感；芋圆软糯，唔会死死实实。紫米珍珠（$40），同样超多紫米同珍珠，又系各占三份一杯。珍珠整粒都好Q弹，唔会外层糊口或者中间好硬。两杯嘅甜度刚刚好，唔会太过甜而感到好"漏"。
继续阅读
其实呢类型连锁式嘅甜品舖，应该水准好平均好稳定至系，但系我唔明点解佢呢间分店可以整到特别难食。。本身呢间舖系半开放式个环境已经唔系好好， 职员态度服务又麻麻， 试过几次堂食都等劲耐又唔跟单。。。。已经唔系一次，地瓜同芋头都系生嘅，咬落去索索声。 其实都系用糖水煮架唧， 佢可以我买5次有3 次都系咁。。呢间分店真心唔会再帮趁。。。基本上依家我宁愿搭多几个站去葵芳买， 葵芳每次买都好好食， 地瓜芋头都系软熟嘅。。究竟要做到有几求其先可以做到有呢个效果。。。
继续阅读