鮮果旅程 (已結業)

平時出去食飯都唔太健康基本上都無乜機會食生果，依間就係會係餐到配埋生果，餐飲又有得揀果汁，感覺上健康少少。另外依到午餐好多選擇！今次唔算好餓，所以揀左沙律餐，沙律螺絲粉配油脾，蘋果汁比埋手套食雞脾，好方便！隻油脾好juicy好入味，肉質好嫩滑，正！個沙律螺絲粉有埋生菜、三色椒同赤小豆，都好豐富。另外仲包埋個生果杯，估唔到有咁多款嘅水果，有菠蘿、西瓜、蜜瓜、木瓜同蘋果，每款一舊，一次過食到咁多生果好滿足有生果食嘅餐廳真係少，所以依間幾特別，唔錯！

午餐時間爭分奪秒，入嚟鮮果旅程就好似搭子彈火車一樣，非常適合繁忙嘅上班族！為配合店名，所有午餐都可以配水果一份同埋果汁一杯（可以轉例湯）。雖然附近有好多食肆，但我都會為咗食返份水果而揀呢度開餐！午餐方面，其實同一般茶餐廳差唔多。推介食品有咖喱飯，雞脾焗薯套餐，炒粉麵。咖哩係馬來咖哩，香辛料好足好濃，所以非常香口。雞脾焗薯套餐仲配埋一份厚多士，性價比超高！雞脾可以揀炸脾或者油脾，兩者都炒粉麵鑊氣十足，配菜都有好多，對女士嚟講份量剛好！睇得出廚房對食品嘅堅持，絕不馬虎！鮮果杯嘅水果有4~5款左右，一般有西瓜，哈蜜瓜，蘋果，菠蘿，奇異果。對平日少食生果嘅我，真係好滿足。鮮果汁就最敗筆，首先果汁唔凍仲暖暖地，感覺好怪，而味道又淡而無味。不過，都有抵讚嘅地方，就係佢冇溝糖水。服務方面絕對係快而準，30分鐘內一定食完走得！對於午飯時間超短，而又想周圍行吓嘅我就最合適喇！

已有好幾個月無黎..今次再黎已經加左價(約加了5-6元)...份量卻小了..而且選擇小了好多好多~~~~面包本來有方包/麥包/牛角包選擇現在得方包沙律原來亦有3-4款..但現在只有指定的一款而且份量好細魚柳之前會有兩塊宜家得一塊生果盒的份量亦小得可憐...西瓜,哈密瓜,密瓜,桃及車里子各一唔怪得由原來LUNCH HOUR 好多人好FULL...但宜家去到係一定會有位~~~~不過有得選擇我都唔會再去~因為變得好唔底食~~~

憑名字猜想這餐廳的招徠應該是鮮果以致有健康食品的期望，然而餐牌顯示的只是普通的菜式，與其它的茶餐廳差不多，不過多了果汁和水果。這次點選的菜式是炸雞髀白汁意粉，那個白汁很creamy，但味道較淡，而意粉也較為軟了一點。致於炸雞髀就真的太勁了，很趣，也有肉汁，但最差的是很咸，真的太咸。雖說白汁意粉味道淡，但這樣的配搭也不能算好吧。雖然有少量的果汁及水果，但也不能與健康食品勾上關係吧。

午餐見到呢間有果汁的餐廳, 覺得幾健康就入去了. 餐牌上的選擇很豐富, 好多樣都想試.最後選了雜扒意粉西柚汁. 雜扒是雞扒雞翼腸仔, 味道都幾好, 有西瓜粒作為飯後甜品, 西柚汁很好喝.雞扒皮脆肉多汁不錯，腸仔煎得香，雞翅膀很脆，西瓜爽甜，西柚真材實料.阿姐都很有禮貌勤快, 一直叫我唔好企係度等咁辛苦, 坐低啦. 速度也很快, 也很乾淨, 值得一贊.

每個星期一都寫字樓都勁忙唯有叫外賣----- 鮮果旅程見到佢個menu幾吸引(彩色有圖的)叫左個外賣油髀配焗薯pancake~~~等左約半個鐘~好surprise..點解呢..?看圖吧!配新鮮鮮榨芒果汁

今天來到鮮果旅程吃午餐，一間打著健康名號的食店，用的是新鮮蔬果，專門售賣果汁，沙律之類。叫了一份lunch set，炸魚柳，薯仔沙律，牛油麥方包再配西柚汁，三十四元。食物份量很大，魚柳兩大條，新炸起熱喇喇幾好味。薯仔烚熟，不硬不散剛好，加了少許seasoning salt同herb，好香口，沒有加過量沙律醬，讚。麥包不過不失。西柚汁喝得出是鮮泎的，沒有加糖，少少酸和苦瀝味，不錯，可以大杯返啲就好了。賣相不怎討好，份量實在太大，吃剩了一點薯仔。雖然説是健康的鮮果店，不過吃下這麽大塊炸魚，真的一點也不健康，哈哈。

自問不能做到衞生署推廣的「每日兩份蔬果三份菜」，惟有久不久來這店吃個生果餐「補一補」。說實話，其實那些生果被厚厚的醬汁包圍，再加上重殿殿的扒類，其實半點也不健康，這樣想只是作為平衡心理的藉口而已。幾款套餐之中，最喜歡「吉列扒類+生果沙律+麥包+果汁」的配搭，無論份量及味道均較為理想。今日點的吉列豬扒有兩大片，外層炸得金黃酥香，咬落十份脆口，肉質異常地腍軟，應該是鬆肉粉作怪，碟旁附上泰式醬，酸酸甜甜夠醒胃。雜果沙律的生果種類不算多，但相信去流快的關係，非常新鮮。上文亦提過，生果拌以重重的沙律醬，雖然不健康但絕對適合我這個「醬精」。飲品則愛點奇異果汁，貪其含有豐富維他命C，平日也鮮有吃得到。不過它明顯混入糖和水，味道不算甜但沒有那種很重的果香味。麥包是經常被我遺忘的食品，由於沒有塗上牛油，總覺得它很乾口。若有沙律醬剩下，我會蘸些令它好味點。這個套餐只售$34，論價錢而言可十分抵食。

這間鮮果旅程在九龍灣都算得上歷史悠久，在我剛出來社會做事時，第一份工便在九龍灣區工作，那時已經常常光顧這裡的午餐。其後轉工後在其他地區上班，便很久沒有涉足九龍灣區。到不久前，又轉回到九龍灣區工作，看到這餐廳仍然存在，所以這次來吃午餐回味一下從前的味道。這裡的午餐選擇眾多，讓顧客還可從這些選擇中揀出自己喜愛的組合。基本上這裡的午餐是有一份肉類的主食，另配上飯或者意粉，除了飯或者意粉這些一般的選擇外，還有沙律、班戟及生果可選。若果選的是沙律的話，顧客還可以細選沙律的種類，例如薯仔沙律、螺絲粉沙律及蘋果粟米沙律等等。餐飲還有多款鮮榨果汁可選，適合注重健康的顧客。這次我選的是雞扒焗薯配上蘋果粟米沙律，餐飲方面則選了西柚汁。雞扒沒有跟上汁，初時還以為會不夠味道，但店方用上了黑椒調味，吃來還夠味，只不過煎得乾了一點。焗薯口感夠綿，不過只配上沙律醬，味道淡了一點，加上沙律醬的份量不太足夠，若能給多一點及加上一點煙肉碎會更好。蘋果粟米沙律用上了富士蘋果、哈蜜瓜、菠蘿、椰果及粟米，吃來鮮甜清新。蘋果及哈蜜瓜用上的是新鮮生果，令到這個沙律感覺更加自然。西柚汁是鮮榨的，沒有加入水份，喝來酸酸微甜的，十分開胃

又一常到的午間食堂黑椒汁油雞脾飯, 奉送生果盒及中式例湯才三十三元, 在現今的香港算是相當超值了油脾皮香肉嫩, 黑椒汁惹味開胃眉豆花生雞腳湯尚算足料, 有大量花生及眉豆及一大塊豬骨, 但雞腳的份量應該不多而至膠質欠奉而每一碗都是預早盛起的, 湯只是微暖, 美中不足

今日lunch time諗住叫呢間野喇...我lunch time係12點既,咁我11點已經打落去落order,仲叫左12:00前要送到! 點知,等到12:08pm已經覺得唔對路,即刻打落去追! 聽電話個王小姐話已經送左出黎...咁我再等...等到12:20pm都未到! 再打落去,佢話會幫我催催送外賣個個人! 到最後,要12:30先到!送到黎,我都已經嬲嬲地,但諗住算喇,打落去搵個個王小姐講番件事喇! 佢夠膽話番我轉頭,話我唔體諒佢地! 話而家係繁忙時間,唔得閒傾呢d野,仲"cup"我線!!!跟住同佢老闆阿張太傾,以為會好d....點知...佢仲叫我如果係咁,以後都唔好叫佢呢間外賣!實在係太過份喇! 我自問真係食唔落,叫佢搵人收番份野,俾番錢我!要受埋呢d氣,幾好食都假!以後唔會再叫呢間外賣!!!

今天中午約了家姐食飯,因剛嚟左呢頭返工,我家姐話呢間d沙律好味,所以帶我嚟試下,其實呢個名我前幾日都聽過,因為同事叫下午茶,就係叫左呢間,下午茶的沙律餐都幾大份,炸雞亦沙律是全亦,沙律都好多及好味呀,新鮮生果來的,配飲品,十八元幾抵食.今天我們叫左一個沙律餐,蘋果粟米沙律配燒牛肉三文治配奇異果汁,另外叫左一個油雞脾跟薯蓉配咖喱意粉跟蘋果汁,全部可以自由配撘都幾好呀.沙律好味呀,都好新鮮好多,份三文治都好大份呀,好味,有生菜及燒牛肉,好味,鮮搾奇異果汁好好味喎.跟住另一個油雞脾都好大隻,還有薯蓉都好入味,意粉都好味,好彈牙,好好味,全份野都好大份,30元左右都幾抵食,12:30後開始多人,差唔多1點勁長龍,呢度選擇都好多款式呀.

黎左九龍灣返工幾個星期，試過不同的茶餐廳外賣，暫時都是此間最 ok~三十元左右有個餐加杯果汁，個外賣餐單最好就係 list out 哂成個8月會有邊款 set lunch，非常方便。叫左個龍利拼意粉加杯果汁，兼有杯小生果送，真好！下次有機會要試試佢地個下午茶，都好似幾吸引啊！不過，外賣速度就真係要改善一下！

無可否認佢 D 果汁係足料既，不過作為一間健康食物店，午餐卻大多是煎炸肉類，實在矛盾 而且肉類質數差，尤其係雞比，無論炸/油雞比都係又鞋又乾另有時除了飯，意粉或焗薯會攪攪新意思 - pancake! 不過真係好驚喜 因為真係好難食 (全部係 cream) 所以唔好以健康為由去食

之前於九龍灣工作,間中都會食下鮮果旅程,因感覺幾健康,又多新鮮生果又有鮮榨果汁但午餐都要三十多元,對於西餐(牛扒,豬扒,駝鳥扒,雞翼,魚柳等)來講,都算貴,但勝在人流多,確保生果夠新鮮而早餐及下午茶餐都是不錯的選擇,大部份都是二十元以下鍾意食豬扒飽,豬扒夠熱,醃得夠味見過同事食什菜三文治,有好多菜絲,同事說幾好食