影片
虽然都系最近先开始写食评，但如果睇我去过的餐厅，好多都选小店，有啲区仲几冷门 (例如深井 😂) 因为事实上小区嘅食肆好易被遗忘，尤其疫情惯咗返屋企煮饭，区外人又唔会专登去食 🥺 今次我系听朋友介绍，专!登!去葵涌帮衬呢间汤底超级好味嘅米线🍜😋♥️餐厅大约有20个位，一坐底老板就好热心打招呼～再介绍新出食品 (当时是潮汕扎肉/牛筋饼/牛筋丸) 或推荐食物 (土匪鸡翼/四川麻辣鸡翼) 因为我都好拣饮择食, 又唔好辣，所以就点了蕃茄汤底(走辣/走韮/走芽), 配牛筋丸/猪软骨/萝卜/响铃+土匪鸡翼+龙眼冰 🤟🏻 $72+$35+$9=$116 虽然呢个价钱食米线加𩠌都唔算平，不过如果好味就抵啦 😀 你睇下张相.... 汤底配送块腐皮超级大片!!! 蕃茄汤好浓, 又有蕃茄碎, 系绝对会饮埋碗汤 🍅👍🏻 萝卜入味而且无根, 都系推介的𩠌～龙眼冰好多粒龙眼肉同埋好清甜, 老板话佢地自家调制架🥤虽然餐厅的位置是民居，附近没有大型商场，但间唔中去不同小区寻下美食都系一种乐趣 😋
继续阅读
呢间米线店系葵兴，离地铁站有段距离，不过胜在抵食同都算好食，下午茶$39包两𩠌同野饮，份量ok，加$6 仲可以有小食加，好似有几款唔同味既鸡翼呀、油菜、响铃可以拣。粉面就有薯粉、米线、乌冬、米粉，仲有我最钟意：有得拣菜底。汤底有酸辣，上汤，比较特别就蕃茄辣汤等。试过好几款𩠌，黑柏叶，墨鱼头，猪软骨都唔错，黑柏业同墨鱼头都冇煮得过老，猪软骨就入味同软腍，但猪润就切得太细冇爽脆口感，象拔蚌几特别不过食落一般，同埋呢度米线冇跟芫荽，加钱先有。见佢新开冇耐，楼面都好落力做，唔知黎紧会唔会加多d选择呢，好似小食同𩠌都系，佢选择系比上不足，比下有余，因为佢唔系真系好少𩠌拣，但谂谂下其他米线店既常见𩠌：炸酱，冬菇，鸡丝，猪颈肉，鲜牛呢度都冇
继续阅读
行过葵芳唔知食乜好 ？🤓真心推介你食呢间 【鱼羊米线】！😛行入去有个叔叔好有礼貌 咁安排我哋去坐卡位，😆见个餐牌咁靓 即刻叫咗上汤米线食！见到加肥牛都系 9 蚊 ，紧系即刻叫啦 ！ 我咁中意食啦牛！！🐮仲加多咗个墨丸 ！🐙好快 佢哋就已经出到餐俾我 ！ 一放到上枱，已经闻到阵阵米线香味 ！流晒口水啦 ！试咗啲米线先 ！米线口感爽嫩 ！ 一食滑入口啊 ！而啲牛都好有口感好味😋 大家钟意食牛都可以叫嚟食啊 ！食到一半 见到有土匪鸡翼 ！ 紧系叫埋佢睇吓再谭仔有咩唔同 ！大食嘅我就叫咗6只 ， 一食落肚！即刻觉得好食过谭仔多多声 ！呢度啲土匪鸡翼 ，会带有阵阵焦香味 ，劲开胃呀 ！诚心推介大家食呢间好食过谭仔嘅米线🍜
继续阅读
🌶️🌶️🌶️Yunnan Rice Noodles🌶️🌶️🌶️Supreme Combo includes fish ball, beef ball, cuttlefish ball, pork liver, beef, chicken, pork, pork belly, ham, minced pork, pickles, bamboo fungus, bean sprout, chinese chives, Bean Curd Sheet, lettuce 生菜🥬and tofu puffZhong can add your favorite soup base 👉 on top of soup or spicy 🌶️ sour and spicy 🌶️ after eating, go back and find out...It's not a joke, the soup base can do itLess sugar, less salt, less oil and a strong soup tasteAddress: G/F E, Jewellery Building, Wo Tong Tsui Street, Kwai ChungTakeaway Hotline: 24682997
继续阅读
今日迟咗起身，谂住食个米线葵涌人应该都知附近冇咩米线薯粉类嘢食，一出就要出到葵芳/荃湾，最近都系大窝口间谭仔三哥，所以嚟呢间过下米线瘾都系唔错选择。落单嗌咗薯粉，但应该部机下午茶冇呢个选项，落单个叔叔唔记得帮我转，不过好彩都啱食，讲返比叔叔听都问返我啱唔啱食，落单𠮶阵都好有礼貌，而家仲有得+$6 2只鸡翼，，不过两𩠌都够食就冇嗌到，隔离位啲香草鸡翼送到嚟好香闻落唔会太梗香草味。价钱就正常偏少贵，下午茶就抵食。环境舒服阔落，唔会好但有一半系大圆枱，喺繁忙时段就要搭枱啦~食物方面，嗌咗两𩠌，腩肉有啲软骨，片得薄同埋大块（不过太肚饿冇影到相就开吃👻）肥牛一如既往系有剪开一段段（好少见餐厅系咁做 系咪想方便人食呢 唔太确定），两样𩠌份量都唔少。最特别系有茄汤我嗌咗唔辣，出去食米线薯粉通常得谭仔有得嗌茄汤，所以想食茄汤唔想出到咁远食谭仔就可以食下呢间。冻奶茶少少偏淡，但嗌少冰真系啱啱好。整体味道不过不失，想过米线瘾可以食下。临走问咗下系咪接上一手做，原来都系同一班人，不过转咗装修同名。（fyi：之前叫米痴线）
继续阅读