影片
呢个地方响门口望入去好似麻麻地, 初时行过唔敢试. 但我朋友同我讲佢个米线汤底好正, 咁我就试下啦.入到去, 卫生ok啦, 坐位唔太多, 得两张长台, 跟住就三 / 四张卡位, 之后就三张四人台, 一张二人台. 因为朋友讲得个汤底咁好, 咁我就叫左个鲩鱼腩米线跟鱼汤底 (一定要讲明鱼汤底, 因为佢另外有个虾汤底). 跟住叫左个净菜肉云吞.首先试左个米线, 佢个鱼汤真系好饮, 唔似出面o个d落晒味精, 好鲜味. 而且成碗米丝的份量都好多 (好鬼大碗). 好在我系同个朋友两份食, 如果唔系一定浪费啦.而个菜肉云吞, 食左一次之后我爱上左. 因为佢个味道系好住定自制那种 (唔系出面买现成去煮). 多菜少肉, 食落唔会济好肥, 好有亚妈亲手整o个种味道感觉, 好正!!!!!!呢间野虽然唔起眼, 但内面整的野食真系好好味, 要推介各位. 我谂我好快又会因为个菜肉云吞会再去一次.
继续阅读
食记 (2)
当天lunch time非常肚饿, 去到苏明等咗5分钟到, 估唔到这间小店都可坐约30人, 转枱转得很快. 我叫咗一碗蕃茄肉碎鱼汤米线+鱼滑 ( $30) , 来到见到大大碗, 有如小型面盘嘅size咁大, 成碗差不多要满泻, 先饮一啖鱼汤, 好甜, 好似番咗屋企饮阿妈D汤咁, 冇味精, 好住家feel呀~ 蕃茄同鱼滑都真材实料, 只系米线比较淋, 冇咩弹口. 汤底同D 𩠌就冇得弹喇~ 虽然我个日好肚饿, 但系都食唔哂成碗粉, 下次可以同个同事share食, 再叫 D小食, 咁就 perfect 喇! 佢地都有叻沙同其他唔同𩠌任君选择, 怕食味精嘅朋友, 应该去试试, 食过会番寻味!! 5/8/09
继续阅读