影片
以上资料只供参考，请与餐厅确认详情
买外卖寿司set B 38件 $200，寿司新鲜整，我whatsapp落咗单后到店取，因为早到咗，盒寿司唔驶放雪柜，整起即拎走返归同屋企人慢慢叹！好食！甜带子、三文鱼新鲜！整体都好食，因为无雪过，饭饭好软。
继续阅读
第二次食呢一间嘅外卖🥡😝呢间舖头最好嘅就系可以喺WhatsApp落单先咁就可以去到直接拎 唔使特登企喺度等啦🤪天水围其实都有唔少寿司铺 但主要嚟讲都系一啲连锁餐厅有时食得多连锁餐厅都会想食吓小店呢间小店个人觉得都几唔错😌👍🏻今次简单叫咗个 ✨油甘丼✨做晚餐😚上面有油甘鱼 三文鱼 赤海虾 吞拿鱼碎 同一啲青瓜丝 材料新鲜 份量正常 价钱唔会好贵性价比几好~重点系佢哋嘅服务态度非常之好系会再次encore嘅餐厅
继续阅读
自己平时好钟意食马刀甲，但一般连锁店都冇得卖一系就好贵，所以时不时都系#鱼彩 到订寿司。小店一直都由一对情侣经营，即叫即整，仲好爱香港，所以一直都有唔少街坊支持，最紧要系平靓正。所有鱼生同寿司都冇咩伏，样样都大大旧又新鲜。如果要介绍，一定要食马刀甲。除左因为外面少有之外，价钱好平仲要好爽口，每次一定会叫。而另一款会叫嘅一定系海鳗，冇骨又多肉。最平嘅寿司先5蚊。排唔到队嘅或者想系屋企食下寿司，一定要食呢间。地址：鱼彩寿司及刺身专门店 (天水围)天水围天湖路1号新北江商场1楼B2-B3号舖营业时间：12:30-下就3点30/下就5点3-夜晚9点30（星期二休息）（要提早订）电话：55964163（whatsapp)人均：200
继续阅读
今次试咗间食评热爆嘅丼饭店，感觉就好似发现咗个隐世美食宝藏咁！调味炒蛋嘅香滑、酱烧三文鱼嘅入味，仲有剑鱼腩的嫩滑，喺我嘴里展开咗一场味觉嘅狂想。🍣🍚👌玉子烧好有层次，弹牙致命，差啲以为自己坐咗时光机返咗去东京。火炙三文鱼嘅外层微微焦脆，扑鼻嘅香气一出场，令人心情大好。蟹棒肉好饱满，配上丼饭，每一啖嘅比例都啱啱好，口感非常丰富。😍重头戏莫过于大赤海虾同三文鱼子！虾仁鲜嫩又有弹性，一啖咬落去，海鲜嘅鲜味就喺口腔内炸开嚟；而三文鱼子喷汁得嚟又入味，好有嚼劲，讲真，一转眼间盘底都见哂光光。作为一个美食爱好者，我真心推介呢间店，可能唔会识得讲咁多专业食评词汇，但系我可以同你讲，呢个食验，真系正到爆灯！记得，要食好嘢，记得Whatsapp预约，千其唔好错过呢！👍
继续阅读
鱼彩寿司店位于新北江商场，由一对年轻夫妇经营。佢哋嘅寿司性价比极高，绝对好食过连锁式寿司店😋我已经多次堂食同埋叫外卖，如果想食嘅话就记得提早预订！极力推荐佢哋嘅鹅肝寿司同埋生蚝！鹅肝酱同埋黄油为寿司提升咗唔少味道，个余韵会停留喺口腔好耐，好好食！而生蚝亦都好新鲜，好鲜甜，有海水味得嚟唔会太咸。如果想食嘅话就要早三日预订，有时好彩嘅话，即日问都可能会有。三文鱼腩刺身亦都十分推介！又肥美又好食～可以试吓就咁叫一个三文鱼籽寿司，配埋落三文鱼腩刺身到食！超正！佢嘅火炙左口鱼寿司系入口即溶，好满足！酱油三文鱼寿司亦到好出色！
继续阅读
您可能会有兴趣的...