影片
以上资料只供参考，请与餐厅确认详情
又到鱼尚。其实我不大会欣赏日本菜，甚么厨师拍板、居酒屋、烧肉…，只会吃某些寿司。我指的是元气，还有这家鱼尚。每次到鱼尚，都忍不住买这买那，恨不得都抱著回家。今天买了1)一盒帆立贝寿司盛（$36/6件）-食落口感可以，帆立贝颇新鲜且个大，可惜饭较松散。2)两盒厚切三文鱼腩盛（$32/6件）-哇塞！鱼腩甘甜鲜美，鱼香满满。吃著吃著，竟然有小确幸的感觉…好感动!3)一枚溏心蛋饭团（$14）-网上口碑不错，买来试试。溏心蛋ok，饭团却伏了，没有酱油的好味道。鱼尚附送的酱油不错，但芥末则稍稍不够辣、不够呛…前几个月香港仔鱼尚装修，我道是结业，真是down到哭…
继续阅读
咁啱今日放假，身痕走咗去做GYM，做完GYM好肚饿，想补充下蛋白质(同脂肪)，第一时间就谂到想食三文鱼寿司。香港仔呢间鱼尚都开咗几年，好多人觉得连锁外卖寿司店整嘅寿司会唔干净，但好彩我食咗呢间几年都冇肚痛过。平时中午或者夜晚食饭时间，都会见呢间舖入面堆满哂人买寿司，证明呢间野系平，不过都唔会差得去边。而且一直都觉得鱼尚推广得好好，每过一排就会有新产品推出，或者有其他优惠活动，可能就系咁吸引咗好多「当潮流爱''新''鲜」嘅人。今日中午入到舖，发现有好多人，好多都系中学生，大概系因为而家开学冇耐，仲系早放学挂。寿司有好多选择，仲有好多千奇百趣嘅新寿司，我见过有个午餐肉煎蛋饭团，不过都系唔想试伏。本身打算买杂锦三文鱼寿司盛(10件/$32)，但计计下，你会发现自己单买10件都系$30，所以鱼尚做得最白痴嘅野就系买一盒盒嘅寿司会贵过散买几蚊，其实唔止呢样，其他种类嘅寿司都系咁fake，次次见到我家两老咁买真系会好火，心谂：点解又要中伏。所以最终我拣散买，我食呢D寿司店一定唔食蟹柳寿司，因为蟹柳+饭，自己屋企都整到啦，而最后就精选咗以下看似不太伏的寿司。三文鱼、三文鱼沙津、八爪鱼、鳗鱼、飞鱼子、芝士飞鱼子、味附螺肉、唔记得乜沙津寿司 & 三文鱼沙津手卷系咪影到旧三文鱼好厚呢！其实佢唔算薄，冇腥冇臭，但唔够油脂，香味都差少少，点咗豉油之后又几好食。今日条鳗鱼比较hea，睇颜色就知，好似好干咁，麻麻地！切左粒嘅三文鱼，感觉好食D，沙津酱比较油腻，带少少咸味，似芝士+三文鱼多D！飞鱼子比较大粒，食落粒粒分明，唔错，份量都好够，系我开包装时唔小心整跌好多飞鱼子。料就够多，系甜咗D。几好食，睇落将几种寿司嘅料捞埋一齐。讲真，卖相真系差，芝士够多，食落系两种唔同咸味一齐咁啰。偏甜，千万不要幻想自己食紧甜酱寿司。饭多料少，早知叫多3旧寿司仲好，胜在食完系够饱。食鱼尚就系咁，食之前会幻想一切都好美好，食完就觉得OK啦，咁嘅价钱的确比同类寿司店较好，所以下次都系会继续食同中伏。
继续阅读
👁🗨 卡邦尼溏心蛋饭团💲14一讲卡邦尼就会谂起卡邦尼意粉，点会谂倒卡邦尼可以用离整饭团😳虽然就咁听都觉得成件事好似好恐怖咁😂但系我就系偏偏有呢个冲动想去试下呢个组合，想知究竟会系咩味🙃因为系卡邦尼既缘故，所以呢个饭团系要热食既，只要叮25秒，就食得架啦👻叮完闻一闻，个味其实有点儿难顶😳😂感觉有少少酸酸地既味咁，大概系因为有芝士吧🤔不过好在放入口吾会觉得有酸味，而系食倒微微芝士同烟肉既味道，吾算奇怪但又未至于觉得呢个配搭系夹🙈至于卡邦尼味.....个人就吾系好食得出佢有卡邦尼味啦😳溏心蛋就保持一向既质素，香而滑😍整体离讲，不过不失，认为试一次就够啦😂都系食番卡邦尼意粉比较好🙈🔛 整体评分（6.5/10）
继续阅读
见到唔少人介绍呢个饭团，放学后就买左个黎食下喇～溏心蛋饭团 $12卖相几靓饭团比我预期中好，饭粒用左鳗鱼汁调味，食起上黎唔会太dry！饭粒软硬适中，但我觉得溏心蛋外貌唔太靓都唔吸引，见过其他人Ｄ相，只蛋系劲靓之余仲好溏心，我呢只溏心蛋差唔多冇溏心既效果，可能放耐左挂～～但溏心蛋味道依然吸引，同饭团好夹，溏心蛋下仲有小小既沙律酱，食落更好食我太肚饿关系，几分钟就食完呢个饭团～～如果经过都可以试下呢个饭团，觉得比起佢三角型个款饭团更好食呢～～
继续阅读
话说今日去买鱼尚回家食，点知一返到屋企打开睇，哗！！！竟然冇比豉油同芥末我，有冇搞错呀！甘都可以做漏，当时又就只得3个客人选购，非繁忙，甘都可以做到甘，实在太令我失望
继续阅读