影片
营业时间
今日营业
11:30 - 21:00
星期一至日
11:30 - 21:00
以上资料只供参考，请与餐厅确认详情
见到价钱平出面一半同咁多好评，就即刻买嚟试吓拣左几件平时食开嘅，卖样都好唔错食落啲刺身新鲜甜美，但旧饭都几大旧同有啲实，食咗几旧已经有啲饱以价钱同质素嚟讲系抵食嘅，改善下旧饭会更好
继续阅读
今天是母亲节，母亲大人说想吃寿司，便想OpenRice找下屋企附近有什么寿司的舖，竟然比我揾到鱼台寿司小店😁小店没有过多的装修，堂食亦只有几个位，所以最后决定外卖回家吃！估计因为今日是母亲节，所以很多人光顾，而且所有寿司都是即叫即整，等了半个钟有多才有得攞外卖😶不过吃了第一口真的觉得是等得值得的呢！佢哋嘅只烧寿司真系好香好好食，尤其系只烧三文鱼寿司同只烧左口鱼寿司，𠮶阵油脂的鱼香，一入口，真系会好食到唔唔唔声，拍得住元气🤤另外，仲要推介嘅系八爪鱼前菜，啲八爪鱼真系一只只原只劲大只，好足料！不过如果外卖嘅话就唔建议带军舰寿司，因为返到屋企块紫菜已经林晒☹️整体来讲呢间寿司舖嘅性价比高，食材都好新鲜，拍得住元气！支持小店
继续阅读
平时都觉得马鞍山冇乜好食嘅日本野，至于寿司嘅话，都有朋友介绍呢一间叫鱼台嘅爱带寿司专门店，所以今次专登过来耀安这里买一些寿司回家吃。呢间舖头平时都好多人叫外卖寿司，所以等候时间到要至少10至15分钟，视乎当日多唔多外卖单。因为今日系母亲节，所以都比较多单，所以今次等候时间系半个钟。首先系飞鱼子军舰同蟹子寿司，芥辣八爪鱼军舰，炸蚝寿司，芝麻八爪鱼。飞鱼子同蟹子嘅份量都好多咋号都好新鲜下，最值得欣赏嘅系个芝麻八爪鱼，真系好大只个头好大只脚都好大个汁都好好食。我仲叫咗烧油甘鱼，烧皇帝蟹棒，芝士飞鱼子军舰同埋蟹子沙律军舰，个皇帝蟹柳系几好食，烧甘鱼都好好食😋，其他呢就麻麻啦。叫咗好多三文鱼寿司同埋鲜带子寿司，两款都好新鲜好好味。仲有就系北寄贝寿司，鳗鱼寿司，蟹柳寿司，同埋蛋寿司。个北寄贝寿司弹牙，个鳗鱼寿司就略嫌冇咗啲鳗鱼汁，有啲失色，蟹柳寿司同蛋寿司都OK。仲有火炙三文鱼寿司都好好食所以叫咗好多。
继续阅读
以前系附近返学，都会去呢间食寿司，贪佢平得黎又高质，扺过食争鲜，质素可以同元气媲美。而且店员服务态度好好又卫生。有时坐系吧枱位置，店员都会同顾客倾下计，离开嘅时候又会同你讲拜拜，充满人情味，今时今日仲点揾到呢啲咁好服务嘅小店。佢地嘅寿司选择唔系好多，但每件出品都系即整，诚意十足。军舰寿司块紫菜唔会淋啤啤，佢地嘅炙烧三文鱼寿司送到入口都仲有火烧嘅余温，配合细腻的油脂香，入口即融的滑溜感，真系味蕾嘅至高享受。偶然会同朋友share一份三文鱼刺身，先至$7x，但大大份真系可以食到大满足，每块嘅油脂分布都好均匀，够晒肥美。小店仲有啲小食都系好值得推介，炸物全部都系即叫即整，拎上手仲系热辣辣㗎，冬天食𠮶阵就感觉好幸福。我自己最钟意食沙律，青瓜、沙律、蟹籽捞埋一齐，酸酸甜甜又几清爽，夏天食就最match。未系openrice写过食评，但呢间小店真系唔写都觉得对唔住自己嘅良心。呢排疫情严重，成个行业都生意惨淡，希望佢地可以顶得住啦！
继续阅读
收工肚饿返屋企揾野食，见到日本餐厅无咩人排队就入咗去食。今日就点咗个炙烧三文鱼鳗鱼饭食，呢度啲野系即叫即整所以整出黎都系热嘅好好味。寿司饭软硬适中，三文鱼上面加咗小小芝士烧真系无得顶！呢个咁足料嘅饭都系$45蚊，十分推荐俾大家！
继续阅读