鰹烏冬 (寶華閣)

营业中

休息中

試完一次，一定不會再食。廚師煮面時掛住同伙計傾計，完全無用心去煮。烏冬同自己在家煮的沒有分別。可以不用再食。完全沒有配菜的清湯烏冬仲要收四十幾蚊太不值了。龜丸制面好很多。

去開長沙灣所以搵定哩間試下，坐低後見到佢有自家製嘅烏冬機，夠晒誠意，我們叫了冷大麥烏冬， 鰹魚鍋燒烏冬， 流心蛋， 關東煮， 天婦羅。冷大麥烏冬，烏冬非常彈牙爽口，果然係自家製嘅威力。鰹魚鍋燒烏冬， 牛肉是肥牛，一隻雞蛋少少配菜等等，非常普通，冇特別。流心蛋， 賣相非常靚，但過於流，蛋黃好似水一樣，如果可以杰番啲就perfect池，蛋味香濃值得一讚。關東煮， 蘿蔔夠大舊好甜好多汁，棷菜卷亦非常香甜有驚喜，好食。天婦羅，有點失望因為用了萬年酒好重油益味，不值得推介。整體嚟講自家製烏冬有誠意，值得推介一試 ^ ^ 😋😀👍

家住附近,"幾乎"食過曬D餐廳。從呢間餐廳開始裝修就留意到應該係日本餐?到開始試業就即刻拉老公去試,好可惜平時放假慣左下晝先食飯。第一次中午路過見無客人以為落場中,晚上大概9點再去,烏冬已經賣曬。第二次晚上7點多去,已經見到有4個人等緊位。因為鋪頭比較細,剛巧落大雨好彩佢地等位既地方有帳篷,都幾細心,咁大熱天唔怕曬,落雨又唔怕濕啦！?樓面姐姐派定Order紙俾我地可以諗定食咩。大概20分鐘到就有位了。鋪頭裝修似小小的拉麵店。樓面姐姐一早告知海苔烏冬賣曬,有點失望,唯有下次再試。最後點左大麥冷烏冬,鰹魚湯鍋燒烏冬,2款小食:骨付雞及關東煮大麥冷烏冬超彈牙,鰹魚湯鍋燒烏冬,湯底有點似打邊爐果d火鍋湯,都唔錯!可惜沒有炸蝦。骨付雞見到係整定左微波爐加熱的,不過啖啖肉算係咁啦！關東煮係我最愛,仲要係最後一兩份。食緊烏冬時聽到師傅答其他食客烏冬麵團發酵原來幾長時間,所以經常好快賣曬。嗯…要數唯一問題係見餐廳吧枱位置竟然漏水,新店黎講好似有點失敗喎?同埋我地坐既位頭頂就係冷氣直吹。不過下次還會光顧,因為我聽到其他客人話天婦羅炸蝦好好食,希望下次食到海苔烏冬啦？

本之前一早睇曬報道話遠赴日本學藝多次本身好大期望希望真係有間好好質素嘅烏冬店但一食，骨付雞同鯖魚竟然係預先煮好晒 再放微波爐叮質素好嘅茶餐廳都比不上仲話日本學師 食物新鮮出爐都做唔到咁會有幾好食呢？

朋友推介觀塘 - 鰹烏冬 Katsuo Udon 讚歧烏龍製麵所。7月尾喺長沙湾開分店，我咁啱要去附近，所以順便試下。不過原來仲係試業中，所以menu 内有好多食物都無，而且就算有，數量吾多。現場有一張L形吧枱，大约可以坐十二人到，所以如果lunch time時間去，大家預留時間。今次試左鰹魚半湯烏冬配天婦羅，另加流心蛋。真係好好美，啲烏冬好彈牙，天婦羅炸漿夠薄……有机會會試埋其他款式。

7月底行經長沙灣元洲街, 已經見到烏冬開始試業.今日午市終於有機會可以試食, 店面沒有太多坐座位, 大約只有1x-20 個位.因為早放午飯的關係 (12:20分),我地只係等了10分鐘就有位了.講明打烏冬店,緊係來食烏冬, 因為天氣比較熱 同未食過綠色既烏冬,所以揀左海苔冷烏冬加半熟玉子. 烏冬彈牙夠凍, 味道夠清新, 醬油唔會太咸, 可以一試~~~另外店內備有暖水可以免費飲用,若果有凍就最好