鯨丼 (已結業)

丼最緊要是珍珠米，粒粒分明！我是第一次吃到如BB食用的糊狀爛飯。 失望至極！新張的時候有吃過係幾次， 當時的食物是有水準的。不知何解，今天聖誕過後的第一餐午餐，令我感到後悔不已！ 實在吃不下，吃剩了半碗實在浪費。

呢間鯨丼最近係天后插旗，最中意試新餐廳既我，今日就去左試試佢💕 餐廳環境乾淨企理，燈光柔和舒服，但坐位偏窄！.呢度係用QR Code落單，減少錯既機會！雖然最後都係店員幫我地落order🤣 叫呢度既午市餐牌，送迷你可樂！無錯係「迷你」🤫😌 .📌滑蛋雞扒丼$50 落單之後，個飯好快就上枱有得食對附近翻工既人黎講，速度就係皇道✨不過都要睇下食物質素既😌😤賣相唔錯，個飯底係用左日本珍珠米，食落軟熟，軟硬適中！滑蛋食落唔夠滑唔夠蛋香🥚，雞扒🐓醃得好入味，火候🔥控制得好好，唔會太乾身，仲保留到雞扒既肉汁，配上燒汁，讚👍🏾.📌咖喱吉列豬扒飯$55朋友叫左咖喱吉列豬扒飯，我試左一舊吉列豬扒，乾身左D, 但係都唔錯！合格！.總括嚟講，呢間新開既日式丼飯性價比高，女仔食一個飯，份量非常足夠！但男仔就可能爭少少🤔 可以一試，會回頭👍🏾

食過兩至三次😌 味道正常唔錯👍🏻價錢唔係好貴 份量可以多少少😙係app外賣自取 有9️⃣折😆 係幾快就有得攞嘅🤗不過揀咗唔使俾餐具🍴都係會照俾餐具😅😅

好食是好食的，牛肉汁夠味，雖然外賣唔太熱但芝士都叫溶得曬。But！啲飯會唔會太少了？！個外賣盒都已經唔大，同同事攞嗰時都已經你眼望我眼，59蚊芝士溫泉蛋牛肉飯可能係會貴少少，細少少。然後！返到公司一開，成個飯得個盒既一半！係一半！計埋啲牛肉！你想唔想像到當你好肚餓既時候，滿心歡喜等一個飯，然後佢仲細過一個下午茶餐！OMG真係慘到。好處係，你可以5分鐘內食完呢個飯仲唔會飯氣攻心添。好彩有個同事食烏冬，個分量都算合理，味道ok，咁係咪每次食飯要叫多飯？！食烏冬就唔駛？！性價比不高，建議大家可以pass。

近排主要食外賣所以都多人食位於天后嘅日本餐廳唔算多咁啱開咗間賣丼飯嘅 就試試佢選擇甚多 雞牛豬丼都有 咖哩 薑汁 照燒汁 樣樣齊 烏冬都有揀咗個溫泉蛋牛肉丼 ($52) 包飲品:迷你可樂外賣(+$1)雖然碗睇落細 但份量剛好賣相唔錯 一打開已經香味四溢🥚溫泉蛋好大粒 而且爆槳 偏水 不過算有蛋味🐂牛肉份量都適中 而且配上洋蔥同牛肉汁 味道好足 半肥瘦👎🏻只不過問題出起啲飯到...🍚啲飯太濕同軟身 再加上啲蛋槳撈埋就更濕搞到似爛飯 完全冇質感 有啲失望如果硬返啲就好好食 係日本米就更佳👍🏻勝在職員有禮貌 外賣快到 價錢一般

與呀姐係天后周圍塭食，行行下見到間新開的日式丼店，價錢合理，就試下啦。用QR code 落單，幾方便，減少落錯單用左5 分鐘睇menu , 都好多款式選擇。最後點選了: 1) 滑蛋🐔 扒丼: 份量都算大份，雞扒入味。2) 吉列🐷扒🐷骨湯烏冬: 炸得鬆化，豬扒都算厚切，好吃，烏冬煙un 3) 野菜大阪高燒 : 好多菜，推介好食 👍4）小食加配: 雞翼2隻($19)+豬手2件($19)雞翼偏貴，一般 ; 豬手用味噌汁煮有點怪，不過都淋 。環境乾淨，不過座位偏窄。

lunch行過見到好多人等外賣, 見係新開張所以入去試下. 我叫咗個吉列豬扒烏冬, 湯底幾好味, 吉列豬扒喜出望外, 冇諗過呢個價錢都食到咁好質素嘅吉列豬扒. 同事叫咗個香蔥溫泉蛋牛肉飯, 佢覺得個牛肉汁都好好味, 但係如果可以多啲蔥就perfect. 呢個價錢食到咁嘅質素, 以後多個lunch飯堂了.

諗住新開張試試，點知好普通，有啲失望。地舖價錢，舊式food court質素。唔難食但無特別。希望老闆見到會畀心機煮得好食啲啦。我同老婆都話唔會有下次。店員我諗重要時間熟習。。前後兩位見到我食完已經走埋嚟想收走我啲碗碟。嫌啲客坐多陣都唔得。要不得。。。講真天后啲嘢食已經麻麻，煮好食啲，已經可以好多客。

嗰日我行過天后水星街見到依間鯨丼裝修中. 今日終於有機會去試. 性價比高，份量適中. 下午1:30去到當然坐滿人. 午餐可以追加. 非常抵食. 好可惜生意太好想試嗰個吉列豬扒而賣曬. 坐我隔離嗰位哥哥唉咗個咖喱雞扒蛋包飯個樣就好正下次都會試. 香港近日開咗好多間牛肉飯嘅餐廳我本人試過曬.我本人認為依間啲牛肉質素比較好. 份量都唔算少同埋呢度係最適中嘅. 過兩日試試過晚飯先！最後我本人認為早一點嚟好啲因為都幾多人. 特別推介手工啤酒$29