鮮選壽司

营业中

休息中

精選壽司開咗業一段時間終於有機會試啦初頭上網睇過話要排隊排長龍。所以大概11點45就到咗啦，點知攞完飛唔使5分鐘就入到去，唔使排隊。兩個人都可以坐到卡位。衛生好好，張枱又闊坐得又舒服。不過點餐嘅iPad嘅畫質有啲差，嗌完嘢食好快就送咗過嚟。店員嘅送蛋糕送雪糕過嚟嘅態度都好好。但係叫埋單嘅時候，其中一位店員嘅態度麻麻哋。不過整體來講用餐好舒服同好愉快。最後溫馨提示！食完佢嘅壽司之後一兩個鐘係會口渴到不得了

建議：記得要拎完飛先去行街😌 等堂食大概等左1️⃣個半鐘🐟環境：等候區放左啲櫈方便大家等既時候都有位坐。不過如果坐得太入，叫號機就比較細聲，記得要自己留意番Number。整體堂食位置算坐得幾舒服，不過枱面同上枱既壽司碟就有啲油膩🤔🍣味道：整體壽司大部份都新鮮，如果做同類型對比就會Feel到有分別：▫️不論熱食 (例如：麵豉湯、三文魚頭、吞拿魚頭 同蒸蛋)、甜品 (例如：千層蛋糕 同牛乳雪糕) 同壽司類型都唔算多。入座時可能已經係尾Round 所以堂食唔係全部款都有齊。不過就係櫥窗見到師傅密密切，店員密密Pack緊外賣。聽出面等外賣既人講，都要等差不多1️⃣個鐘。▪️飯既質感係唔錯，不過唔知係咪實在太多單，有啲壽司就飯熱刺身凍，有啲就刺身室溫，飯凍🙈 另外，飯既粘性好強😂 好似係如果想夾起炸蝦壽司上面既蝦，成舊飯係會癡實。▫️作為#蝦控，除左甜蝦其他都試哂。見到餐牌有天使蝦係有啲期待，張相又埋蝦頭仲幾靚仔🦐 雖然一件要HK$27，不過當滿足下#試伏 心態🤣 可惜期望太高，係有少少失望🦐 除左上枱時，蝦頭欠奉之外，蝦肉顏色唔係好新鮮，食落無蝦既鮮甜味，好彩肉質都正正常常。如果以價錢黎講，揀番食兩蝶赤海蝦

成日都想去壽司郎次次都排兩三個鐘今次試一試鮮選壽司好OK喎 拍得住壽司郎選擇好似冇壽司郎咁多但質素唔錯喎鰤魚係季節限定 好味吞拿魚拼盤可以一次過試晒赤身中拖羅同大拖羅鰭邊係我最愛之一螺片非常爽鰭邊都係唔炙燒比較好味可能我唔鍾意啲醬汁嘅味炙蝦都係有好多汁蟹味噌好味 紫菜夠脆間八都係季節限定 幾特別座位安排都唔錯我一個人去 安排咗原本可坐兩人嘅位但係我旁邊嘅位留空喺疫情下令人放心

本身想去壽司朗食佢個生蟹🦀壽司點知肥仔男友話帶我去食新野🤔中午食飯時間，以為有排等點知只係等兩張枱就入得👍🏻壽司類別都算多，不過十二點幾就話賣哂既款式，應該係返唔切貨？連我一心想食既生蟹腳都無得食😭😭 ok，有藉口下次再黎🤭小食同甜品款式都比較少，洒精飲品得啤酒🍻同whiskey揀😶• 吞拿魚拼盤$27一碟可以試哂赤身、中拖羅同大拖羅以為赤身係最差個款，點知肥仔男友話比想像中好，都幾好食。反而中拖羅油份係重啲，但仲多筋囉😱 大拖羅當然係最正啦😬•甜蝦沙律我本身expect甜蝦就係刺身黎既，點知一見到實物。。。喂，熟蝦黎既？ 之後肥仔男友話人地明明同張相就一模一樣😏 fine…甘隻蝦係幾大隻，又幾爽甜既😅•燒三文魚腩 $27肥仔男友重點推介，佢話好抵食😋不過有個小意外，當我地想拎碟野個陣，架車突然飛走，然後成碟野飛左落隔離枱😨 好彩無整到人炸，因為隻碟都幾重，真係嚇親Overall質素都算唔錯，價錢又抵，重點係唔駛點等位!!!!

海之戀商場Donki 開左一間餐廳，鮮選壽司！🍣開張初期仲搵咗好多Youtuber試食介紹！睇落非常吸引，不過開張以來一直都好多人。有一日平日放假，見到唔算多人排隊，就攞左張飛，諗住入去試吓！一入到去坐低，就已經開始失望😓雖然枱面嘅setting擺好晒，但係張枱係抹唔乾淨，我嘅右手邊係有粒飯同少少豉油漬，但我無影低，廢事影響食慾。鮮選壽司，都係採用自助下單，不過下單介面唔太好用。四款碟價錢分別係咁👆🏻我只係隨意影咗兩款壽司，因為整體來講，我覺得味道一般，唔算特別新鮮，而且衛生情況一般，我覺得唔太值得。可能壽X郎仲好，依家元X 都好過佢好多最後食咗18碟 $474 。咁樣嘅價錢，咁樣嘅質素，我唔會想再嚟😌價錢平貴都冇乜所謂，最緊要係質素對得住價錢，但鮮選壽司嘅食物質素，環境衛生整潔，絕對同價錢不相符

入到去，給我的感覺同壽司郎的格局差不多，都是平版落單，沒有了大聲多謝的日文，多了一條路軌，一條是迴轉帶，一條是火車送食物帶。這裡款式不算多，而且我最喜歡的多款炙燒三文魚都寫住賣晒鰹魚，限定的藍鰭吞拿魚拼盤cp值高，一次有齊3款，有拖羅，都是$37炙燒三文魚，我最喜歡吃的，入口即容，口腔內充滿油香

-{荃灣donki壽司🍣}第一次食donki全球首間迴轉壽司就乜都試下😜平日嘅1130到 十分鐘入得😂🤤藍鰭吞拿魚拼盤🤤 ($37)超級肥美！應該要由赤身食過去大拖羅 油脂感爆登🥳依個價錢好值得推介🥰但嚿飯好硬實 咬到口都攰 同埋好滯🥲之後嘅評分係唔包括飯 因為每嚿都唔掂🥴👖褲評: 7.8/10🤤帆立貝壽司🤤 ($17)鮮味重 食到有啲滑溜嘅感覺 塊刺身都厚身😜👖褲評: 7.8/10🤤北海道軟雪糕🤤 ($17)牛奶味非常出👻口感綿滑 再加抹茶味係錦上添花🥰🤩👖褲評: 8.3/10🤤原條海鰻🤤 ($27)一整條都係冇味的 而且蓋住好重嘅醬油味🥺唔推👖褲評: 4/10🤤吞拿魚他他🤤 ($17)比鄰家嘅遜色😭食唔出吞拿魚蓉嘅鮮味🥲👖褲評: 5.5/10🤤蝦三味🤤 ($17)都係食落唔夠鮮👀同個魚嘅份量偏少👖褲評: 6.5/10🤤厚切三文魚🤤 ($17)好薄😂😂😂睇樣好似爭鮮。。。👀好瘦 再加嚿飯係世界級🥲👖褲評: 3/10總括嚟講頭三項係比鄰家出色！嚿飯係嚿飯度差太遠☹️Menu的確有唔少種類食物係sold out包括油甘魚腩價錢亦貴啲 另外迴轉帶有樣野食係menu冇 問店

以前得盒set，宜家可以逐件叫，仲要幾抵食，赤身都係$12@2，味道仲要唔差，呢個水準點搵！帶子鮮甜，蟹膏🦀濃郁，厚切吞拿魚腩入口即化，赤海蝦有蝦味🦐，鯖魚就普通腥左啲，飯亦用赤醋，黏度剛好，佢啲食材好新鮮，呢個價位真係好抵食。

近年嚟食壽司通常都會去壽司郎🍣食得多有時都覺得悶悶地所以知道donki開壽司店真係好期待🤩得嗰一間原本以為冇一年半載都唔會排到但事實竟然完全相反!5點幾去到都完全唔駛等位直入😳不過食完之後大概都知原因😂呢道壽司分$12/$17/$27/$37 4個價當中最吸引一定係$37嘅藍鰭吞拿魚拼盤一碟有齊3款吞拿魚算抵食😋另外就係有大量款式嘅三文魚😂魚嘅質素同donki入面買到嘅一樣,普普通通咁😂但個壽司飯真心係敗北之處啲飯壓得好實好實,食落又勁黏口🥲堂食仲要加一不如我過返donki買好過😂唔駛等位都可以一試嘅😂

之前聽人講到好差咁所以都冇特別好想試，咁啱附近做嘢見冇咩人排就試一次啦！相對另一間連鎖店，選擇實在係比較少嘅！壽司質素就正常啦，茶碗蒸就麻麻地！整體嚟講如果唔使排隊都可以再食嘅

香港人呢兩年都返唔到鄉下(日本)，只好不時去Donki shopping 來麻醉一下自己，當然少不了我，舊年荃灣Donki開咗全球首間迴轉壽司店「鮮選壽司」，當然大受歡迎， 剛剛開張頭幾星期，試過下午三時經過順便去取票，但是人山人海連取票機都暫停，冇辦法只好等遲啲先試。今日星期日中午12點同老公出去海之戀搵食，食完lunch順便去Donki買嘢， 諗住去Donki 「鮮選壽司」試試運氣，如果太多人排隊就會轉場，到達時大約12:30左右，取了二人座位票只需要等約10個號碼，等了10多分鐘就已經可以入座，太高興了。 可能近期疫情第五波，晚上6:00pm 又開始禁堂食，所以街上都少了很多人之故。進入餐廳看見共有兩條迴轉壽司帶，一條迴轉壽司帶提供卡位每張枱可容納四位客人，而另一條迴轉壽司帶則是給一位/兩位客人使用，中間有間板分隔，而且座位非常闊落， 有一定私隱度，枱面已準備有一瓶綠茶粉，自助熱水水喉，2 款原支魚生豉油，筷子及杯，Wasabi 則放在迴轉壽司帶上自取。我們坐下已急不及待在迴轉壽司帶取了一些Wasabi及幾碟心水壽司，這裏提供的Wasabi 聽說是用新鮮山葵生磨的，質感比普通的W

一直都只係聽好多人話去食donki嘅迴轉壽司，終於趁比較少人去食翻次！去邊間日式餐廳，都要試吓茶碗蒸，茶碗蒸幾滑身，唔會overcooked，不過係入面料比較少，如果可以多啲就好。帶子壽司幾鮮甜，而且幾大粒。蝦三食，蝦都新鮮，而且爽口，明蝦鮮甜。八爪魚就一般，比我想象中難咬開。炙燒帶子，燒過，上面有啲汁更突顯到帶子嘅鮮。芝士炙燒蝦，比較一般，味道唔算好特別。和牛壽司，好香，好有油脂嘅香味，牛味都濃郁！正啊！三文魚都好新鮮！最好食一定係呢個三文魚腩！煎到個皮好脆，魚嘅油脂味好鮮！仲要一啲都唔腥！好香好好食！大推！最後叫埋呢個雪糕，軟滑，而且奶味濃。總括黎講，除咗啲炙燒嘅等得較耐，其他都唔錯，而且價錢唔算太貴，仲有得儲donki積分，抵！

🧐上網見Donki入面呢間鮮選壽司評語好壞參半, 🏃又要排好耐隊, 所以今次就搵左個平日黎荃灣試試佢. ⏲我地晏晝2點到, 等左7個字入得, 而用餐限時係90分鐘⌚️📱一坐低可以用iPad或者QR code落單, 每次最多點8碟, 😮佢上壽司既速度都幾快下! 🤚而Wasabi就自己嚮迴轉帶拎, 攞上手大大包, 擠出黎仲有山葵絲, 認真好正!😌🍣重點有幾款壽司印象比較深刻, 第一個就係藍鰭吞拿魚拼盤($37), 🤩賣相幾靚仔, 大拖羅入口即溶, 唔錯唔錯!👅🤙🏻之後就係油甘魚壽司($17), 肉夠厚身, 油份都好足, 🔥所以忍唔住叫埋同樣$17既炙燒油甘魚, 兩款都推介!☄️🐟最後就係燒三文魚系列既壽司($12), 🗂上檯時已經幾吸引, 食落好香, 無論係配燒汁或者明太子都超惹味!🥄💸整體黎講, 以呢個價錢, 壽司質素係唔錯既, 🙅🏻‍♀️但係佢地店員好多時講野都好晦氣, 語氣欠佳, 所以服務態度絕對有待改善!🤦🏻‍♀️😋總體 (味道, 性價比, 環境, 服務態度) : 8/10——————————————————————————————🧐There are different opinion

終於等到佢叫做少人左啲啲🤪晚飯時間等左半個鐘左右入到去感覺就好似壽司郎咁有迴轉帶又有平板比大家叫野食呢度選擇唔算好多 呢一點有少少失望😢不過食物質素都ok 價錢都實惠👍🏻試左幾款壽司：藍鯨吞拿魚拼盤、三文魚、鯖魚、海膽、赤貝、海螺等等（無影晒）🍣🍣🍣食材都幾新鮮 我覺得食魚生最緊要就係呢樣藍鯨吞拿魚我覺得最抵食😋$37有三件仲想點😂仲要其中兩件都油脂豐富🤤海膽都係甜嘅 唔錯唔錯雖然呢間普遍評價都一般般我無帶住好高期望入去所以都幾唔錯 會再食啊希望佢遲啲會再多啲選擇啦！

話說donki壽司都開咗一段時間，今日去咗試下佢around19:15拎隨籌A428(當時叫到arouynd A325)，一百張台左右拎咗籌梗係去donki行下，行左半個鐘九個字番去睇下，大把人出(心諗應該好快)，於是座咗響度等，其實keep住有人出，但係唔點樣叫，我望入去大把吉台，根本可以座哂企響度等位既人20:00突然間放張紙出黎「是日籌已派完」，跟著around20:20突然又宣報「未有籌既客人可以上前拎，跟住D客人一窩峰甘走出黎，場面一度混亂到我食完出黎around21:10，有個客行入Cashier係咪有空位嘅可以座，個店員話「今日已經last order咗」，但係佢明明寫住last order 22:15，之後個客去番Reception又拎到籌，究竟係咩玩法------------------------------講真，多人截龍大家都理解，由其是依家營業時間都提早咗，但係用呢招去形造多人嘅氣氛，我就好唔理解，只係覺得一個字「亂」佢形式同壽X朗差唔多，都係有旋轉同iPad order睇佢張menu都幾多嘢食，有一張雙面嘅A3紙，立眼望應該多野食過壽X朗，不過無主食例如:烏冬