鮪世市場 (鴻威大廈) (已結業)

食過坑口店嘅都知哩間野咩料啦👍🏻👍🏻👍🏻知佢旺角店開左都係第一次黎，我地一行8人，4個卡位，4個bar檯，座位闊落舒服嘅。由於新店，未有正式menu，無圖片睇😅有張紙仔自己tick食物，不過食開嘅都知自己想食乜野😊唔想諗咁多嘅可以叫「阿媽家姐」😉鮪魚腩入口即溶，值得一讚牡丹蝦係我至愛，無得輸鵝肝香滑，刺身新鮮手卷食到底都有料，超滿足😋小朋友覺得好驚喜🤩仲話個個星期都要黎食職員有主動加茶，不過我覺得成壺茶俾我自己針就更好。同場加映：有芝士蛋糕送，小朋友一人一客，個個都話正

下午路過想話口痕食幾件壽司，本身諗住食隔離既立食，不過見呢間新開試下新野啦，見佢門口寫只收現金所以特登行遠少少去七仔撳咗機再返轉頭試吓，因為只係食幾件所以冇特別影相，但估唔到會發生意外🙃我只係食咗三件壽司加一個海膽手卷，1.）劍魚腩壽司$12一入口就成條筋咬唔開，因為我中意魚生分開2啖食，拉扯咗一陣分唔開之餘仲有d雪水🙂2.）火炙左口魚邊$12同樣都係有筋，不過咬得開3.）三文魚腩壽司完全食唔到有任何腩,只係一個好普通不過切得好d嘅爭鮮三文魚壽司，但收$18一件至於海膽壽司，食既時侯我個人認為對得住餐牌$28嘅價錢，細細地不過不失。本身食完都諗住唔會有下次，拿拿聲走人算，但點知埋單嘅時候我發現個海膽手卷竟然收咗$38，然後問返個經理話係因為餐牌打錯咗，但當時都係佢幫我落單（其實鋪頭太細得佢一位服務員），而落單嘅時候佢冇同我講過價錢有錯既問題。咁我陳述，你哋嘅餐牌寫到明係28點可以收我38，佢都只係話唔好意思係餐牌打錯，而唔俾返$10我，呢個時候另一台客人呼叫，佢即刻走去另一台，就冇再理我。本住我唔會再去嘅諗法，我亦冇喺餐廳為咗$10同佢大吵大鬧，不過咁樣嘅食物質素加上服務態度就不能只有