鮪世市場 (鴻威大廈) (已結業)

今晚一行6人訂咗位，被通知店舖最多只有四人枱，安排咗前後兩張俾我哋坐～坐低咗之後有個毫無笑容嘅女店員行過嚟叫我哋分開兩張枱各自落單，佢哋係用手機落單嘅，但因為佢地App設定問題，兩次都顯示佢哋食物售罄，落唔到單，職員行埋嚟一句唔好意思都冇，仲用命令口吻我哋之後落單要分枱落，但佢個App將我哋兩張枱嘅單連埋咗一齊，我哋都好有禮貌同佢講唔該，但係佢都係黑口黑面😂上菜嗰陣師傅好好咁將我哋啲壽司分咗兩碟For兩張枱，佢明明見到我哋其中一張枱放咗一啲私人嘢喺度，佢仲要死都將啲嘢食放喺同一張枱，甚至聽到我哋話將嗰啲拎去隔籬枱佢都扮聽唔到轉身走咗 😂直至食到一半廚房有一個比較好禮貌有笑容嘅女店員出嚟之後，個黑口黑面女店員先叫做識行過嚟主動收碟同加水 （ 之前同事未出嚟嗰陣間舖得我哋一台客都冇招呼過我哋） 唔知佢係扮嘢定係太攰啦 入嚟嗰陣已經冇打招呼 仲要連埋單到走嗰陣多謝拜拜都唔識講 後尾睇OpenRice先知之前都有人評論過呢間嘢個店員態度差 要收加一仲咁既態度 無下次了👎🏻👎🏻…查看更多

樓面服務態度差到一個點，冇禮貌，飛QR code紙嗰塊板落枱面，斟茶同落嘢食喺枱面都係大大力，好似喺度發脾氣咁，喺你後邊伸隻手過嚟收嘢一句說話都唔出聲，埋單嗰陣時都唔稀罕你一句多謝，但俾返張信用卡你嘅時候態度簡直不可一世，嘢食幾好食都冇用，嗰一位同事完全破壞晒氣氛🤷🏻‍♀️簡直係貼錢買難受…查看更多

ψ【旺角地下舖 大大啖海膽丼套餐】ψ🏠 鮪世市場 (鴻威大廈)📮 旺角花園街3-5號鴻威大廈地下10-11號舖🕛12:00-22:00🛎️蔥吞拿魚腩三文魚籽海膽丼(隨餐附上味增湯、茶碗蒸及沙律) $268.厚厚既吞拿魚腩蓉鋪滿整個丼飯面，加上大大粒三文魚籽，同埋中間嗰幾啖海膽，二百幾蚊非常足料🤩。海膽好新鮮，有好淡海水味，但唔會腥，入口軟滑即溶好鮮甜🤤。因為當日我地人多，一次過落太多野食🤭跟餐既味增湯、茶碗蒸、沙律上唔切就無影到，全部都正正常常👌🏻。味增湯同茶碗蒸夠熱👍🏻，茶碗蒸剛剛好，好滑，唔會蒸到太老。-〈此食評的菜式中文名稱參照餐廳餐牌〉〈菜式內容和價錢以餐廳當日供應為準〉…查看更多

舊時全部嘢都好有水準好好食，自從日本講排放咩咩之後，水準完全下降今日再食，壽司飯好似就咁白飯放魚生上去，啲飯就黎粒粒分明，上面啲魚生一言難盡，炙燒有陣燒燶的味道。仲要燒到啲飯黑咗。同埋個牡丹蝦壽司，蝦身冰凍食到未溶晒冰咁，蝦膏燒到燶，食落去係燶味，冰凍的蝦，白飯差到爆，舊時係食落去有燒過蝦膏的香味之後係蝦的鮮味，最後係三樣混合埋的鮮甜香味。最慘係生蠔，第一次食到咁難食，未食過一隻生蠔係好似食咗一大推鹽落口咁，完完全全冇生蠔的鮮甜同Creamy，食完兩隻我要馬上埋單走人去7仔買支900ml 烏龍茶狂飲先得，飲完都仲有陣鹹味係口到。不會再黎了～～～～…查看更多

平日夜晚8點幾入座 好多套餐都售罄 咁食佢個鮪世刺身盛 兩個人一人一個 個刺身盛包埋沙律 蒸蛋 味噌湯 咁一個set 到上菜店員通知沙律售罄 應該兩個沙律 黎到得一個 咁我問店員有冇其他野代替 佢話無 賣晒就無咁如果刺身賣晒係咪少咁件 錢就識計我 換下野當補償就唔識食物質素再好都食到成肚氣差評…查看更多

21:00入舖頭，無職員喺舖面，有兩位廚師喺bar枱整緊嘢食，見到我哋嘅，之後我哋兩個搵位坐。坐咗五分鐘，都係無樓面職員俾餐牌丶餐具丶水。廚師無幫手通知樓面。OK……查看更多

發現了一家很好吃 價錢又不貴的壽司店✨鮪世市場✨位於旺角波鞋街有吧枱和普通座位 店舖小小的一家 最好預先訂座.🍣鮪世刺身盛 套餐有湯、沙律、蒸蛋✨刺身有中拖羅、特大赤海蝦、帆立貝、三文魚、油甘魚、池魚 每款兩片刺身全部厚切🤩🤩🤩 一片等於平常的兩三塊片很新鮮 很肥美 厚切口感很好 👍🏻.🍣壽司🍣 單點了十款✨芥辣ハ爪魚軍艦 ✨芥辣三文魚軍艦 ✨三文魚籽軍艦 ✨香蔥本鮪魚腩軍艦✨自家制燒玉子 ✨北寄貝✨馬刀貝 ✨墨魚✨赤貝 ✨日本象拔蚌 都是很新鮮的 而且價錢不貴 非常好.最後點了🐮和風牛肉定食 定食配有湯、沙律和蒸蛋還有✨特大赤海蝦刺身✨兩隻性價比非常高牛肉肉味香濃 肉質軟腍 跟白飯一起吃很好吃.吃了這麼多 你猜價錢多少 💰 .....加一服務費之後只是港幣700 😯不錯不錯 …查看更多

鮪世市場花園街3-5號鴻威大廈地下10-11號舖旺角真係好多好嘢食，今日就同朋友放工去食最鍾意嘅日本嘢。今次揀咗喺旺角呢間壽司店，埋位用QR code 落單， 夠晒方便。鮪世壽司盛 : 8件一碟，有大拖羅、油甘魚、金目鯛、帆立貝、磯煮鮑魚和海膽等，皆有豐富油脂且新鮮甜美。每一件壽司都具有高品質，色澤鮮豔，肉質厚實嫩滑。特別要提的是大拖羅，脂肪分佈得像雪花般均勻，入口即溶，每一口都能品嚐到魚油的香濃，肥美得令人驚艷。他們的原條鰻魚飯也非常驚喜。兩塊大大的蒲燒鰻魚，質感彈牙，與醬汁的搭配簡直美味極了。此外，我還嘗試了他們的本鮪赤身飯。這種本鮪赤身肉質結實，非常鮮美。搭配蔥花吞拿魚蓉和日本玉子，口感豐富。除了主餐外，他們還贈送了日式蔬菜沙拉、蒸蛋和味增湯，真是物超所值。…查看更多

位於旺角花園街的「鮪世市場」，係旺角人氣日本料理餐廳，店內裝潢木系簡潔 ，位置唔算太多，但坐得好舒服。餐廳主打各款厚切刺身、壽司等，全部產地直送，款款都新鮮即製，性價比超高。鮪世壽司盛 $298🔹️麵豉湯・蒸蛋・沙律壽司盛拼盤由廚師發辦，精選7款時令魚生壽司以及軍艦1件，當中包括海膽、鮑魚、帆立貝、大拖羅、金目鯛、深海池魚等等，每件都肥美又新鮮，非常抵食。跟餐奉送麵豉湯、蒸蛋同沙律，蒸蛋口感滑溜，味道夠晒濃郁；和風沙律菜清新鮮嫩。日式和風牛肉配稻庭手打湯烏冬 $98和風牛肉味道濃郁並帶獨特的清甜，加上牛肉肥瘦適中，飽吸洋葱汁後潤而不膩，香濃可口；稻庭手打烏冬口感彈牙，夾埋一齊食非常惹味。香蔥本鮪魚腩軍艦 $48份量真係超多，碎吞拿魚腩蓉幼細香滑，口感軟綿綿之餘，腩位脂香突出，配埋香蔥非常好食，每口飯都包圍住厚厚既吞拿魚蓉。火灸左口魚裙邊 $36左口魚裙口感既肥美又爽口；炙燒後甘甜魚油滲出， 食落更覺濃郁甘香，入口即溶。 海鹽輕燒中本鮪魚腩 $39高溫輕燒中本鮪魚腩，讓油脂豐腴嘅中本鮪魚腩魚油滲入醋飯之中，脂香中帶甜美，無筋而油腴的細膩口感，增添風味及層次。中本鮪魚腩 $38為魚腩中後部位，顏色粉紅，油脂分佈均勻同埋適中及無筋，魚香持而恰到好處的魚油脂，肉質甘甜鮮美，入口即融。油甘魚 $18油甘魚魚肉呈淡紅色，肉身油分高，食落淡淡甘甜，每口都充斥魚油香氣，具獨特清爽口感。北海道海鹽炸甜蝦 $58炸甜蝦都係新鮮炸起，端出來時熱辣辣，火喉剛剛好，油香四溢，不會過膩，酥脆又惹味🦐…查看更多

喺朗豪坊做完運動，跟朋友來到鮪世市場，因為他的刺身都非常新鮮美味，其他菜式亦具水準，所以每次嚟完都會繼續再嚟，好好支持😄👍🏻日本海膽刺身呢個日本海膽刺身真係好特別，味道鮮美到爆燈！必食之選。鮪世刺身盛 鮪世刺身盛仲有六款刺身，三文魚、油甘魚、特大赤海蝦、日本帆立貝，每款都好精緻，仲有送燉蛋、麵豉湯同埋沙津，真係超級物超所值！日式和風牛肉配稻庭手打湯烏冬日式和風牛肉配稻庭手打湯烏冬，啲牛肉鮮嫩多汁，湯底醇厚，加埋手打烏冬，真係絕配！限定日本生蠔黃金武士蠔最後限定嘅日本生蠔黃金武士蠔，口感鮮甜，仲有獨特嘅風味呢！總括嚟講，絕對係年輕一代必試嘅日本美食！鮪世市場 (鴻威大廈) (旺角)地址：旺角花園街3-5號鴻威大廈地下10-11號舖…查看更多

鮪世市場 (鴻威大廈) (旺角)旺角花園街3-5號鴻威大廈地下10-11號舖我今次去咗間日本餐廳，真係開心到爆炸！佢嘅日本海膽刺身真係一級棒，新鮮到冇話講！一入口，鮮味爆發，真係令人回味無窮！仲有佢嘅鮪世刺身盛，每款刺身各兩片，包括三文魚、油甘魚、特大赤海蝦、日本帆立貝、同中本鮪魚腩。每一款都係絕配，鮮美得嚟仲要擺盤勁靚，仲有得隨餐送燉蛋、麵豉湯同沙津，真係物超所值！鍾意牛肉嘅你一定唔可以放過，一定要試下佢嘅日式和風牛肉配稻庭手打湯烏冬。啲牛肉嫩滑多汁，同湯烏冬嘅組合簡直係絕配！限定嘅日本生蠔黃金武士蠔真係新鮮又鮮甜，每一口都令人驚艷！…查看更多

最近屋企人腸胃炎，少了出去食飯，病好後第一餐就決定食清淡少少，來到這間bookmark左好耐既旺角日本料理食晚餐。——————————🔹油甘魚配沙律黑松露汁 $178（8pcs）油甘魚刺身吃得多，但油甘魚沙律你又食過未？這款一定啱你口味🐟黑松露的香氣提升油甘魚的鮮美，酸甜的和風汁有助中和魚油的膩，配上中間的洋蔥一口吃下，整體清爽鮮甜。🔸鮪世海鮮丼 $298一上桌真係「哇」的一聲，超級豐富！海鮮至少有12款以上，包括三文魚籽、蔥吞拿魚腩、特大赤海蝦、帆立貝、大拖羅、中拖羅、赤身等。最愛係磯煮鮑魚，肉質鮮嫩，入口清甜鮮美；海膽有三大塊，入口即溶，非常香甜；左口魚輕輕炙燒過，甘香肥美。🔹淺漬本鮪赤身丼 $188一碗共6塊赤身，以自家調製的醬油淺漬，入口醬香柔和帶點醋酸味，肉質結實，魚味豐富。另附自家製玉子、蔥吞拿魚腩及三文魚籽，雖不及海鮮丼的款式多，但已相當飽肚。丼飯餐均附味噌湯、茶碗蒸及沙律，味噌湯香濃足料，湯底有大量昆布；茶碗蒸滑溜帶海鮮的鮮美，加上清香的沙律，超級飽肚。…查看更多

食日本野/壽司除咗去連鎖店之外仲有好多唔同選擇 今次嚟到呢間日料店店舖有日本特色之外 野食質素非常唔錯✨特別係刺身 夠新鮮甜美👍🏻而且價錢絕對合理 性價比幾高🩷‼️🐟秋刀魚刺身原條 $198以新鮮嘅秋刀魚製成刺身 擺盤勁花心思切得好有層次 仲有幾塊葉仔襯托最緊要係原條上 wow wow wo🫢🫢🫢刺身保持住魚肉嘅鮮美+彈性秋刀魚肉質鮮嫩 搭配醬料或者沾醬帶來豐富風味層次🤤🤤🦪日本生蠔-令和之怪物 $136蠔嘅尺寸都幾大 體積猶如手掌大小口感嫩滑 喺日本有「海中牛奶」美譽蠔肉味道鮮甜濃郁👍🏻👍🏻而且鮮嫩多汁 令人驚艷‼️creamy嘅濃郁口感 生蠔愛好者必嚐之選🥰鮪世刺身盛（湯+沙律+蒸蛋） $298有六款刺身 每款各兩片🐟有三文魚/油甘魚/赤海蝦/帆立貝/深海池魚/大本鮪魚腩刺身肥美鮮甜 赤海蝦幾大隻 仲有甘香蝦膏油甘魚食落甘甜 啖啖都有魚油香氣😙😍由於魚腩位運動量少 最容易積聚脂肪拖羅肥美充滿油份 入口即融‼️‼️湯/沙律提供清爽口感而蒸蛋則添加柔軟質感這 組合非常豐富😊🔥火炙左口魚裙邊 $18口感豐富有嚼勁 咬落既爽又甜😉甘甜魚油緩緩滲出 層次豐富🐓日式炸雞軟骨 $48必食小食之一 軟骨骨軟肉嫩 香脆惹味表面係金黃色 望落好吸引食落去粒粒都有香酥口感😍🤤🐟海鹽輕燒中本鮪魚腩 $78層輕輕燒過 有少少脆口 魚肉豐厚爽甜顏色粉紅 肥美鮮嫩 有陣陣魚油甘香輕燒後撒上海鹽 保持鮪魚腩鮮嫩口感😌🧀芝士飛魚子軍艦 $13味道比較清淡 帶有微微煙燻味 吃起來粒粒分明 飛魚子鹹香加埋芝士夠晒濃郁🥰🩷…查看更多

呢間喺旺角嘅鮪世市場開正喺大街，一直都想搵機會試吓，鋪面雖然唔係好大，但都好企理乾淨，我哋先叫咗一客「油甘魚配沙律黑松露汁」（$178）呢款嘅配搭都幾特別，油甘魚本身揀咗較為爽口實淨嘅部分，魚油充足，加上柚子醋同生洋蔥嘅調味，令個鮮味更加突出，而黑松露汁就為呢款菜式帶來有啲西式嘅風味，作為前菜都幾開胃好食。之後就叫咗一個套餐——「鮪世壽司盛」（配沙律、茶碗蒸、麵豉湯）（$298）呢度有七款精選刺身壽司加一款卷物👍全部都係用時令食材，刺身厚切，好新鮮！✨醬煮鮑魚魚身有咬口，醬唔會調得太濃，食落有淡淡魚香。✨油甘魚腩個人好喜歡呢款，油脂味十足；而且魚身入口即溶，好鬆化，係我最鍾意嘅口感。✨深海池魚相比油甘魚腩會硬身少少，但相對地甜度、鮮度都會較高，整體風味較為平衡。✨金線鯛鯛魚魚身有少少炙燒，帶出到焦香味；同時厚切嘅鯛魚果種特有嘅甜味都會加倍，食落好香。✨秋刀魚秋刀魚有特有嘅香氣，加上少少薑辟腥，今日呢塊都交到貨。✨帆立貝帆立貝好大粒！呢款帆立貝較為挺身、爽口。✨大拖羅好鍾意呢塊拖羅，油脂味十足！吞拿魚同米飯、醬油配合永遠係最正，鮮香味留係口腔久久不散，aftertaste好足。✨海膽軍艦呢個價位呢個質素嘅海膽真係完全收貨，份量足夠，一入口都好澎湃，而且海膽係極新鮮，鮮甜可口。 跟餐仲有沙律、麵豉湯同茶碗蒸，一上枱熱辣辣，又暖胃又飽肚。跟住嗌咗一客「芒芒芝蟹卷」（$58），呢款卷物有三塊，係蛋黃醬，芒果，炸軟蟹蟹冋芝士嘅配搭，一入口口感、層次都超級豐富！食到好濃嘅芝士香味，同時亦有鹹鹹嘅蟹香味滲出嚟，而到最後則會食到芒果淡淡嘅芳香，成個配搭好平衡，份量又好足。又嗌咗個「北海道海鹽炸甜蝦」小食（$58）呢款小食好啱餸酒餸茶，甜蝦好香脆，配蛋黃醬好夾，令人食唔停口最後叫咗一客「黑豚生薑燒配稻庭手打烏冬」（$88）最近天氣凍咗，都想叫返啲熱食，呢款烏冬份量唔算好多，就正好啱曬做我哋嘅壓軸菜式，黑豚都大大塊，唔會碎，燒得都幾好入口容易，而且份量都唔少，而個汁本身偏甜，好適合撈落個幼滑嘅烏冬入面一併食用，呢餐真係好抵食，推薦大家都嚟試吓。…查看更多

🤣高質刺身店🤣-朋友推介我哋話呢一間嘅刺身性價比好高 🤤 雖然唔會話特別平 不過每一片都好肥美 而且好新鮮 今日經開旺角 嚟咗試吓 🥰 我哋叫咗剌身盛 果然唔錯🤣-😍鮪世刺身盛 赤海蝦爽甜，蝦膏多得黎味道甘甜。大拖羅好大件，油脂分布精緻，入口即溶。池魚甘香細膩。油甘魚肉厚鮮嫩。帆立貝大粒飽滿，鮮味濃郁。三文魚味道濃郁。-☺️蔥吞拿魚腩手卷😋蟹籽手卷 手卷既蟹籽同吞拿魚腩分量充足，蟹籽粒粒分明口感清脆，吞拿魚腩蓉魚香豐富好咁細滑。-😝芝士飛魚子軍艦 芝士濃郁，飛魚子爽脆-🥰火炙左口魚裙邊 🤓馬刀貝 😎輕燒劍魚腩 🤩火炙三文魚 🥳特大赤海蝦 火炙左口魚裙邊油份豐富，魚油香充斥係口入面。劍魚腩肉質柔軟，甜得黎唔油膩。三文魚味道濃郁。馬刀貝超級爽口彈牙。赤海蝦真係好大隻，味道鮮甜。-😍日本活帆立貝刺身 😊赤貝刺身 🤣日本象拔蚌刺身 😋立魚薄切(4切）帆立貝大大粒好飽滿，鮮味濃郁。赤貝刺身爽口又厚身。象拔蚌口感柔軟，淡淡清甜。立魚魚香豐富。-😙北海道海鹽炸甜蝦 炸得好香好鬆脆，蝦味鮮甜-📍鮪世巿場旺角花園街3-5號鴻威大厦地下10-11號舖-…查看更多