鮨点

营业中

休息中

我一家5個人去拎飛，到有位嘅時候我工人去左廁所，個店員話要全部人到齊先可以入，我叫佢等我兩分鐘等工人返到就得，佢跟住就叫我後面兩張飛嘅人入。我工人兩分鐘內返到，佢叫我再等到有枱為止，最終我話要佢經理或寫字樓電話，個店員寫左佢店鋪電話比我。最後我無食走咗！想受氣可以一試！

唔係話好好食，但起碼價錢同質素成正比如果用壽X郎去比，係無咁多品種，但要排一兩個鐘，真係唔係人人接受到，時間就係金錢嗎，可能要放假日子先食到😌可能係新開，lunch time 時間，唔算多人排隊，而且有得用GULU 攞飛，方便d 趕住要番工既人👍不過夠員工做野，倒瀉水，都要叫一輪先搵到員工幫手處理，有待改善🙃同埋，竟然枱上無紙巾提供，係乾濕都無，哩樣唔太得，有咩污漕左又無帶自家紙巾既都無得即時清潔，要改善

好得意呀原來唔止donki鮮選壽司有車仔送餐呢間沙田店仔都有我會話下午茶真心抵食雖然有加一服務費但加左一依然抵食因為平均價都係十幾蚊一樣嘢咋最最最推薦係個16蚊嘅蜆湯超香超甜啲蜆肉勁多而且魚肉嘅味仲好濃100分級嘅足料海膽都夠新鮮而且24蚊件真係好平啲三文魚壽司就麻麻雖然啲紫菜非常脆好有紫菜香但魚肉就普通無咩油脂但咁嘅價錢有3件已經超曬班絕對會返轉頭因為今次有啲飽未食到燒牛舌下次會帶多個人食多啲嘢啦

經歷了一次不甚愉快的週六晚餐，首先是我可能沒有留意，原來這店只可以用餐60分鐘，由入座開始計，此店不是限時放題那形式的，而且我入座時亦沒有人告訴我這一點，結果在我想繼續落單時先有人行埋講仲有10分鐘要埋單，我都唔知仲落唔落單好？我如果早知係限時間我唔會去因為帶著小朋友比較慢。。。服務態度比較差，希望可改善一下，尤其係新開嘅想留客要同班姨姨溝通下了食物係 正常ok嘅，但如果限時60方鐘我諗行多幾分鐘返元x食算了，起碼態度好好多

唔知點解佢哋出面冇得睇menu，不過有職員好好俾部ipad 我哋睇原本有6舊嘅，太細舊啦，相比壽司郎，呢間個小卷又貴又細又唔好食，唔推薦睇相都見到三文魚望落唔新鮮，有黑點，好薄，又貴又細舊，唔推薦正常水準好大舊，但係唔知係咪加咗啲咩，唔係幾似蝦最唔滿意係食到一半，有職員同我哋講仲有冇野要嗌，時間差唔多啦~ 睇一睇安心出行app，先31分鐘…？唔會再食呢間啦，野食太貴，份量少，唔好食，衛生一般，張枱未抹乾淨，張櫈有污糟野架火車係幾得意嘅，好快就送到嚟。

鮨點有d似升級版的爭鮮迴轉🤣🙊可以用平版自助點餐, 但有d搞笑既係 如果兩個人分別用自己位子既機點餐, 點餐內容係唔會同步的, 換言之係要撳2次埋單😂😂 另外係用運輸帶送餐的😆感覺衛生-🍴海膽吞拿魚散壽司 $28海膽同吞拿魚幾新鮮, 以呢個價錢來說, 份量都算多, 個架好方便人一拎就放入口😆👍🏻🍴芝士蟹籽軍艦 $16好耐無食個呢款軍艦🤤芝士味幾濃 但紫菜有d偏淋...🍴豆皮壽司 $12同平時食既豆皮壽司唔同, 唔夠飽滿同比較乾身 唔太中意🥲🍴吞拿魚蓉卷 （唔記得咗價錢🥲）中規中矩 幾香蔥味 吞拿魚蓉量一般 無咩特別

今日同同事放飯 去試咗呢間新嘢聽人講係爭鮮啲分店 但係實際就冇考究到 都幾多人排隊 我哋都等咗20分鐘先到我哋入到去落單係用平板 然後會有火車路軌拎過嚟上菜速度都幾快 價錢方面一般般不過如果食lunch都要+1就真係差咗少少不過食物方面都幾唔錯我哋叫咗兩個午市套餐 原來都幾大份 我仲諗住唔夠食叫咗啲小食 最後都食唔晒要打包拎走😂佢哋嘅炸蝦卷同吉列蠔卷都幾新鮮 每一舊都好似拳頭咁大 都幾抵食 全部都即叫即炸嘅熱辣辣個人覺得最有驚喜係佢哋嘅麵豉湯 中間有三文魚肉同豆腐 飲落都幾鮮甜呢度唔錯！可以再過去食！

經過沙田見到呢間勁似爭鮮格局嘅壽司舖，但見到盒吞拿魚幾吸引就打算試下。冇抱期望反而有驚喜喎，中拖油脂味好香同冇筋，比想像中好食。不過小卷就差咗啲(･･;)吞拿魚蓉勁少 少到食唔出咁制 三文魚就正正常常啦

沙田既餐廳都食到悶悶地，見到呢間新野就試一試。食物一般，服務一般，但CP值不高。1. 60分鐘（想學壽司郎）2. 定價大部份都高過元氣/板長4. 2人安排張枱太細，叫完第一輪已經無位放野食，要一路叫姐姐來收野3. 未到60分鐘已來問2次齊食物未，因為宜家用安心出行所以一睇就知五十幾分啫，唔使咁趕呀！推介-茶碗蛋，油甘魚，紅蝦午餐2人落樓連加一就接近$300，呢知價位用餐60分鐘，係沙田真係可以有更多更好選擇！

叫左比目魚定食+中吞刺身夾完塊魚，個店員問都無問過就即刻人收走左隻碟⋯⋯我仲想食埋碟上面既菜同他他醬以家枱上得返半碗飯⋯⋯好慘對住碗白飯仲要打夠80字先俾post文。

本身見到有新開嘅壽司舖，又喺度派晒傳單，見佢啲款式都幾特別，就入咗去食一入去眼見佢吧枱幾迫，就問店員要等卡位要等幾耐，店員諗都冇諗就話要等半個鐘以上，因為當日時間趕迫又肚餓，所以就選擇坐吧枱算啦。之後就發生咗第一件令人不滿嘅事，就係坐低兩三分鐘之後，佢又帶咗另一台客人去坐卡位，再過多兩三分鐘又入另一台卡位客。店員對自己講嘅說話完全不負責任🙄咁坐低就算啦，都要點嘢食，叫咗幾碟刺身、壽司、丼飯等等，老實講味道算唔錯。但之後就係第二件令人不滿嘅事，其中一碟係我食完個丼飯同埋其他野都未到，問店員佢就話即刻會上到，點知到我埋單都未上到🙄老實講，新鋪開張都可以服務做到咁差，店員講嘅嘢完全不負責任，你可以預計佢之後嘅服務態度會係點🤷🏻‍♂️如果你唔趕時間，又係受虐狂鍾意受氣，就隨便幫襯啦

經過見到想食壽司所以一試😌門面望落似爭鮮嘅堂食，等左10分鐘（星期日晚8點）就有位。入到去見每個位都有點餐平板電腦，即刻覺得似係壽司郎。因為掛住食所以無影相😂有前菜壽司手卷炸物丼飯烏冬甜品刺身我就食咗…軟殼蟹丼：軟殼蟹原隻放於飯上，很好味！但食一半已經有點油膩。蟹下面有三文魚子、蟹膏同埋蟹柳絲，撈埋一齊好好味😋意外地發現加子薑食令蟹味更出所有壽司嘅味道都係中上😌生嘅嘢都係新鮮，紫菜是脆的👍🏽👍🏽👍🏽甜品食咗焦糖芝士蛋糕🧐中等，無咩特別，焦糖係無燒焦嘅整體嚟講好滿意👍🏽同壽司郎有得揮如想食壽司郎但又唔想排咁耐，建議嚟食呢一間好過服務都不錯👍🏽環境舒服👍🏽