魚米 (已結業)

最近聖誕害本人花了不少錢，所以某日晚上我和朋友都想食得便宜點。剛巧想起另一朋友之前介紹過魚米的果醋豬軟骨韭菜餃米線，於是我和朋友就去試試看。$42，挺大碗的，還有我喜愛的腐竹。主角果醋豬軟骨有三大件，夠軟而且入味。韭菜餃也很大只，皮薄而餡就有彈牙的蝦肉！可惜的是，這米線的靈魂：魚湯底沒什麼味道，平常外出吃湯麵不下辣油的我也忍不住要加點辣油來調味...👉🏻👈🏻另外，這兒的侍應生禮貌欠奉，服務態度有待提升！

一心同友人想魚米食湯飯米線，在枱面發現有新菜式，二人燉湯小菜套餐，想試試它們的湯，選了海底椰響螺燉老雞、蒸豉汁黃立䱽、土魷馬蹄蒸肉餅配兩個白飯。燉湯比我想像中足料，一人一湯，我就中意邊飲湯邊食湯料，響螺肉燉完後仍很“淋“，燉湯不錯，唯多了少少油在湯面。蒸䱽魚，豉汁很入面，肉質剛剛熟，很嫩滑。。醬汁調味得不錯，令人胃口大開。最估不到是蒸肉餅，很滑，每一口都可以嘗到魷魚，魷魚不是切得好細粒，每一口都會有不同的口感，有馬蹄的爽口，豬肉的嫩滑以及鱿魚煙韌。可惜肉餅份量較少。總括來說，這餐不錯，估不到出了燉湯的新菜式，令上班族可以有少少湯水的選擇。

魚米在新都城開業一段時間主打原條魚米線據親戚所說，此店食物質素一般趁著未光顧過，便來試試看我點了鮮魚湯五福臨門米線老公點了海鮮米線鮮魚湯五福臨門米線，材料有魚蛋﹑魚片﹑貢丸﹑泰式魚餅&蟹籽丸配料有酸菜絲﹑芽菜&腐皮用料十分足，丸類的質素都ok可是米線煮得偏稔一些最大問題是所謂的鮮魚湯，半點魚味也沒有更甚的是，湯底只帶胡椒類的味道，愈吃愈渴海鮮米線，有魷魚和帆立貝等材料這款米線的湯沒五福臨門米線那麼重胡椒味但同樣喝不出魚湯的鮮味呢～～我大概不會再次光顧呢！

兩人一起去，我叫了豬軟骨削烏冬，家人叫了海鮮米線，再叫了杯凍菊蜜，及一碟豬潤。除了豬潤外，其他都不錯，但豬潤老了點，叫待應拿回廚房再做，結果五分鐘不久就拿回來，更加老，可能是廚房放一回兒後就拿出來。很不開心，最初是因爲它的豬潤煮得不錯才再去的，現在是第二次豬潤不行。

屋企人已愛上黎魚米，幾乎晚晚都黎食晚飯,已經成為我地家既飯堂果醋豬軟骨菜飯$48;豬軟骨有2塊大大件，之後都係肉碎，係分開上既，醬汁唔會淋到成個菜飯都係👍🏻菜飯都算大碗鮮蝦韭菜餃米線$36;有4粒大大隻，如果有得散買真係想叫一打12隻全家一齊食每碗米線都有芽菜、韭菜、炸菜、腐皮再試下原條左口魚配米線/飯$69超大條，魚米碗米線已經大碗，條魚同隻碟一樣大，原條煎香上，連骨都炸到脆卜卜，只有中間條大骨其餘啖啖肉

第一次黎魚米食晚餐,2個人1個叫飯1個叫麵試下, 果醋豬軟骨韭菜餃米線 $41;好大碗,本身米線配料有芽菜,腐皮,韭菜,炸菜果醋豬軟骨完全無奇怪既酸味,咬落去好有口感,不過得2粒係完整,其餘肉碎; 韭菜餃係有蝦既,好大隻好白韭菜味,有2隻如果有得淨叫一定加多一碗另上,不過佢得炸鮮蝦韭菜餃;鹵肉碎豬扒飯$47;認真失望,好細碗男仔食一定唔夠飽!!鹵肉碎又少又唔夠味,但豬扒炸得好香脆入味,豬扒都可以再食;另外想飲野熱飲加$7,凍飲加$9都算貴；見到佢有早餐，已經約定屋企人黎食了

尋晚食完見到依到有早餐，已經約定黎食全抬6個人，3個叫M12 粟米火腿通粉 配 牛乳炒蛋牛油多士$29，另外3個叫M14 頂級餐肉煎蛋公仔麵$29 （每份餐都送飲品）粟米火腿通粉 ；超超大碗平時其他餐廳多數都係用飯碗/湯碗，佢係用番平時放米線既大碗，火腿多粟米10粒左右通粉偏硬，鐘意有口感既會覺得正，湯味精唔重唔太咸牛乳炒蛋牛油多士；炒蛋勁油流到成碟都係同埋偏小，1啖就無左；多士超好味烘底唔燶外脆麵包鬆軟，牛油另上，實在太太貼心！唔會一堆牛油係包上面餐肉煎蛋公仔麵；餐肉都算厚切，有2塊微微煎燶，蛋係全熟，公仔麵都係偏硬身冬瓜茶；好甜太甜，要另外加杯滾水先岩味咖啡；完全無咖啡香，飲品方面都幾差，但野食大份好味

新開鋪一段時間，地方仍然整整齊齊。雖然主打系魚🐠米缐及湯飯，不過條魚就有點腥。可能好多人都一齊食，間鋪都有少少腥嘅味道。食得腥就冇問題😏叫左個四寶之類嘅米缐，米缐幾爽口，芝士丸丶貢丸都幾爽口。其中叫咗刀削麵，加錢之餘，原來份量比米缐小很多，食落唔錯，不過恨小。

午餐想食啲清清地嘅嘢，又諗唔到食乜，最近新開左呢間魚米，雖然我知有好多分店，但從來都冇食過，所以今日lunch就食佢。佢比隔離果間T仔少人，一入去就有位坐了。我知去到魚米應該要食魚，但唔係好想lun骨，最後揀咗韭菜餃米線。叫咗少米線，但都仲好大碗，女仔記得叫少米。雖然一樣係米線，但t仔嘅米線好食啲。湯有啲鹹，但食到魚味。韭菜餃有四隻，略嫌少咗啲，但味道幾好食，搞皮係雲吞皮，即係厚極有限，菜同肉係50 50比例。起碼呢款菜肉餃T仔無得食。下次經過如果都係少人會再食。

這家米缐店是我家姐姐推介的，一整條魚的米缐大大碗湯底清甜有魚味，原條黃花魚味道可口，米缐口感不錯，最適合大熱天氣不想吃飯的時候吃咯。價格適中。但飲品的質素大有改進的空間。我個人最喜歡條黃花魚，肉質鮮嫩夠新鮮，魚湯厎清甜好味，米缐口感很好剛剛好。另外點了牛腩菜飯，牛腩味道十足肉質細緻，菜飯也做得不錯。媽媽選了魚蛋米缐，她先喝一口湯後已經讚啦，湯底味道不錯了！魚旦新鮮夠彈牙，配上芽菜很好味。不過杯涼粉紅豆冰就一點都不敢恭維，紅豆同涼粉完全冇味，只放了小小花奶，整杯飲品完全冇味。

一沒有想像中好。。。個麻辣太辣啦………都食唔到😅😅😅可能我唔係好食得辣😑😑😑個係個姐姐………服務態度好好呀…………真係值得一贊🙋🙋下次試下個清魚湯先……

今日想食清淡一啲，又唔想食譚仔，所以就黎到新開張既魚米。餐廳以原條魚既米線作主打，感覺健康，又原汁原味。「原條黃花魚米線」（$5x）超巨型米線配原條魚，感覺十分足料，又好貼心咁比多個碟放骨食落湯濃，米線略軟身，味道不錯「豬軟骨酸辣米線」($3x)同魚湯米線相比，這款米線香濃幾倍，適合女士補充下骨膠原，豬軟骨香軟入味，酸上酸辣湯，十分開胃整體黎講魚米十分抵食，如果食厭左譚仔，又想食健康啲，魚米係唔錯既選擇架💁🏻

唔知幾時開始食米線變左做唔想用腦的選擇行過見到依間米線幾特別有原條魚做餸，就入去試下原條黃花魚做餸配米線，真係第一次先講下條黃花魚🐟肉質唔會太散，算新鮮既米線就唔太岩我口味口感偏淋，唔夠爽口湯底可能係清湯啦清到有陣米線味豬軟骨幾好食，好入味鍾意食酸辣的朋友都要試下依個酸辣湯，唔錯的其實仲有好多款魚，比目魚，牙帶，左口 🐟🐠🐟 想食魚，又想食米食，可以去試下溫馨提示係，如果鍾意食口感比較硬的米線記住試下要求煮得硬少少！

之前都見過成條魚既米線！估唔到開到屋企附近🤔試下係咪真係咁堅😂圖一：黃花魚米線 hkd59😀佢真係成條魚上😍唔係得相架，啲魚煎過黎食落好香口，唔腥👍🏿魚骨都有，食個時要小心啲呀。不過一條魚加米線就差不多60蚊係咪算小貴？😞好在味道都唔差，啲湯超級清！（淡味左啲啲）但當食得健康啲都ok圖二：腐皮魚角米線 hkd32 😀佢啲腐皮好好食😍好大塊好足料，配米線食👍🏿👍🏿價錢終於合理番小小😊

湯底完全冇麻辣味，同水冇分別，連咸味也設沒有，完全冇味，另外試了酸辣米線，同樣湯底勁差，腩肉勁肥，反而魚湯米線比較好，起碼有味道，裝修更用全玻璃，如果坐近住宅大堂入口，感覺像比人觀賞一樣