魚米家魚湯米線 (已結業)

外賣下午茶爆醬丸米線雞中翼二隻凍檸茶一杯二十五元正份量同之前 2008-01-09 siusiusun 的食評一樣, 份量真係好少, 我今次仲少過 siusiusun 提供的相片, 話晒都收$25, 唔好咁過份啦! 爆醬丸三粒配米線:::是好味的, 但米線份量真的過份少 蜜汁雞中翼二隻:::是反炸的, 炸完加少少蜜汁係雞翼上面, 反炸後即時食還可以, 又熱又脆 , 凍少少就已經又硬又乾

同我個FD 兩個人去食lunch, 叫咗set !!一個係菠蘿古魯肉飯, 一個係茄子炒伊麵!!古魯肉飯酸到亞媽都唔認得!!茄子炒伊麵好咸!!再加我哋坐個個位有種梅梅濕濕感覺, 仲有隻fly係度飛來飛去!!好難頂!!未試過佢D米線, 可能米線會好D!!

昨晚落雨濕漉漉咁，打消了食壽司的念頭，結果又再來幫趁魚米家呢！二人今次叫了大蝦魚湯米線$45+魚翅海味米線$58大蝦魚湯米線的水準與我上次第一次幫趁時差不多，不過提醒一句就係因為大蝦係沾漿落鑊爆過，所以趁早食為佳，掛住食米線的話就會愈浸愈稔。講返我那個魚翅海味米線，當初我揀這個時係基於menu沒有我心目中想要的海鮮配料，我才不會貪心奢望它會有魚翅啦！hahaha~由落單開始我已視作粉絲架咋！咁個魚翅海味米線都尚算足料，又冬菇、雞肉碎、鮑魚條和有一小撮魚翅咁啦！(圖片箭咀那一細執)當我第一次夾起鮑魚條咀嚼時，我就忍唔住怪叫：下！？會有鮑魚條！？罐頭都好丫~係咪我食錯！？跟住我就準備夾起俾同我一齊食那位試下…佢未食時仲推左我個頭一下話：哼~鮑魚，食懞左妳囉！有冇食真架妳！？到佢食左後又自圓其說話：咦~又真係真架喎！<- 我不屑！至於當中的魚翅，咁我一世人又真係食過幾次真的魚翅…因為屋企人真係試過成支鰭原整咁買返黎燴，過程中又浸又啤水超級煩，咁記憶中的魚翅就唔係完全像粉絲咁滑身，係有少許粗糙的click口感…hahah~回想起又成攤口水喇！咁今次平民價都有數條既，其餘都係煙煙韌韌像粉

昨日天氣熱熱麵最合我心意，本想打算去赤丸食返我個老本行冷烏冬，點知…赤丸個舖位竟然內部裝修圍晒板。oh！會唔會係我早前曾推測過冇咩人鍾意食咁清淡既野而摺埋喇！？等我得閒順路路經嗰邊睇下咩動靜先…嘻咁就轉場去食魚米家啦！聲明先，入門口前冇睇過OR食評做定功課…因為當初從來沒諗過要幫趁囉！XD咁結果我們兩人叫了瑤柱雜菌魚湯米線$45+大蝦雜菌魚湯米線$45同行那位的瑤柱魚湯米上枱先，我又黐食了數口…食了第一啖米線，後食一隻菇菌，再入啖湯底就心諗：咦！？都唔錯噃！唔g我個大蝦魚湯米又會點呢？直到我點的大蝦魚湯米上枱到我再試真時，真係有點喜出望外~thumb up！原因一：我們兩位的米線不但又滑又爽又彈牙，真係滾得剛剛好。原因二：配料無欺場令我唔gur！同行那碗的雜菌很鮮甜，因為雜菌唔靚唔掠乾水係會有陣酸up味食唔出鮮甜兼唔爽；而我碗的大蝦共有三隻，全部一開二共六大隻兼落鑊爆香後才落米線，從佢先爆香隻蝦沒有求其咁白灼俾我已覺得佢製作認真沒馬虎囉！二人同係雜菌我碗的料多得令同行那位妒忌，蝦又大又多，金菇完整四大束，同時仲加映秀珍菇、草菇，咁本身整個米線都唔算太油，比起雲南米線嗰d少好多油，我加埋

前幾日去呢間魚米家食早餐, 叫了豬扒米線和一杯凍朱古力, 後來個待應落錯單, 比左杯熱朱古力我, 我就叫個待應換返比我, 個待應唔信我講,要check 單, 又話張單寫住熱朱古力, 但我明明叫凍朱古力, 係個待應落錯單, 之後個待應換返杯凍朱古力比我。但係我一飲, 覺得同之前係呢間飲既凍朱古力有好大分別, 我覺得佢係將比錯我杯既熱朱古力加水再加冰, 杯野真係好淡, 又無朱古力, 真係好過份!!

服務差到不得了有1次我地1行8人佢\就叫我地入去等陣先點知我聽到1條友話:食飯之嘛!!咁麻煩做野似玩多d囉care服務就唔好去啦食物方面就唔錯可以話係好食咁啦

食過一次自取外賣, 份量超少(如圖), 仲有件痷列無影到圖中碗米未食過, lemon tea就飲左一啖或者堂食會好好多, 不過就算係tea time既餐, 都無理由咁醜樣少成咁. 就算係味精水都唔該裝滿佢丫份量少唔係我最唔滿意既地方上水呢間最差既係d 男服務生無個似係做野, 個個都係死o靚仔咁本來呢d o靚仔break時坐晒o係出面地下到食煙係見怪不怪不過就算係開緊工都好似玩咁, 又hea呢d唔駛入去食野, o係外面行過望下就一定會知初初裝修時見到果堆o靚仔幫手時就心知不妙, 結果不出所料服務質素真係上水中既表表者. 不過呢d應該係阿頭既管理問題唔care既話, 其實都一去無妨既我就打死都唔會去呢d咁既地方食米線了上水食米線仲有好多選擇

食過幾次! 都冇比過分近期愛叫魚腐米線! 男友叫了鮑魚泡飯, 好似成$6X+7X , 貴就貴, 不過份量夠大, 抵!呢度D 侍應好鍾意玩囉, 係D 客面前都係咁,麻麻! 反而有幾個成熟D 又OK !

吃了一個椰汁海鮮炒飯= ="不用放下這麼多葡萄乾一起炒吧....難道這是海鮮嗎....一點椰汁味也沒有,海鮮也只有蝦和魷魚如果只是為了飽肚還可以接受...加上這裡的服務態度不太好....

岩岩係屋企出黎去買野．．．食ｄ野先啦．．行行下見到有間咁既野．．本人平時係好鐘意食魚湯米線架．入到去做野ｄ人個個人到吹緊水．係佢地面前行個．個個扮見你唔到架囉．自己坐低叫叫人叫左成兩分鐘先有人ｓｏ下你囉．叫左個魚付米線．凍ｏ　ｔｅａ．．．魚湯無味．魚付林到爆．．．．．好似食豆付咁．．埋單＄４２．．．下就４點幾食個咁既野都幾貴．．．真係勁無奈

魚腐泡飯, 好似$33 都幾好味以前排晒隊依家大把位凈

係上水返工，餐晏點解決足以諗爛腦!想清清地食碗粉呢度都係一個幾好既選擇，雖然係呢區黎講都略貴，但係算大大碗食飽飽~試過魚腐米線同香茅雞翼米線，各$28，係本人既首選~湯底唔算重味精，加入少少榨菜亦為碗米線多添味道~另外值得一提自取外賣都幾有效率~

今日我係上水分店叫左個set dinner...我以前都成日叫呢個泡飯食...咁多間分店都ok...係呢間既水準特差...個泡飯d飯1舊舊...個湯超重味精...都算...話明係方魚肉碎泡飯...成個泡飯入面...1粒仔"方魚"都冇!!!!!!!會唔會過份左少少咁呢?!所以...我係度奉勸咁多位打算去食既...唔好抱咁大期望...-~-*

有晚諗住夜晚叫魚米家外賣.點知個度d人要我比番的士錢!!但係我想講我個到同魚米家既距離步行十分中都唔駛..但係竟然要收番我15蚊的士錢!當我話唔落order 既時侯,,個度既員工竟然同我講"你叫啦"..好似死都要我買咁..依家佢地又唔係冇生意..不知所謂!!!!!!!!!!

淨係食過早餐，大致滿意!早餐款式好似有36個配搭,幾多選擇,普通凍飲唔洗加錢!米線幾好食,岩岩好,湯底okay不過d魚蛋比較差,好"林",質感唔好,魚腐就okay!價錢一般,早餐還可以,見到個menu,其他野食都幾貴下,服務唔錯,滿意~