魚川居的食记– 香港观塘的港式粉面/米线茶餐厅/冰室

【觀塘區】【魚川居】之前講過會同同事食十次飯，點知佢原來係唔食川辣嘅，所以我就約美女一齊去食。間嘢喺觀塘開源道，其實去就唔難去，不過如果搭巴士呢，就好容易要順道問候埋觀塘母親，搞到我哋去都遲咗啲到，陰功。不過我係嚟呢幢大廈做嘢嘅，工作時間都好快過，然後就入去食嘢。間嘢都幾開揚同幾闊落，空間感夠就唔會令到個氛圍好似好侷促咁，抵讚。食嘢嗰時係 Office hour，食個午餐都合情合理吖，要兩份 share 食。第一份係 $64 嘅「招牌酸菜魚」配「淮山麵」，首先大家嘅第一印象都係啲魚片唔會煮到「腍 Bat Bat」咁，口感幾好，有嚼頭之餘又冇骨，正。同埋我哋叫小辣之下，湯頭係酸大於辣，個麻感匿喺酸味後面幫手，溫和咗。之後係 $62 嘅「口水手撕雞」加 $5 由飯轉「沙律菜」，我哋都覺得兩者都幾好食，幾有川式風味，手撕雞加咗口水汁之後冇乜違和感。套餐加 $6 有凍飲，朋友嘅「凍檸茶」少冰同我嗰杯加 $10 嘅「紫貝天葵」都係正常。去到先知，原來呢間餐廳個晚市係有火鍋放題供應，睇 menu 見到可以用酸菜魚、水煮魚、烤魚、雞煲、椰青雞做湯底，然後分三級咁做任食，去到 Level 3 仲有兩款

【觀塘區】【魚川居】之前講過會同同事食十次飯，點知佢原來係唔食川辣嘅，所以我就約美女一齊去食。間嘢喺觀塘開源道，其實去就唔難去，不過如果搭巴士呢，就好容易要順道問候埋觀塘母親，搞到我哋去都遲咗啲到，陰功。

不過我係嚟呢幢大廈做嘢嘅，工作時間都好快過，然後就入去食嘢。間嘢都幾開揚同幾闊落，空間感夠就唔會令到個氛圍好似好侷促咁，抵讚。食嘢嗰時係 Office hour，食個午餐都合情合理吖，要兩份 share 食。

第一份係 $64 嘅「招牌酸菜魚」配「淮山麵」，首先大家嘅第一印象都係啲魚片唔會煮到「腍 Bat Bat」咁，口感幾好，有嚼頭之餘又冇骨，正。同埋我哋叫小辣之下，湯頭係酸大於辣，個麻感匿喺酸味後面幫手，溫和咗。

之後係 $62 嘅「口水手撕雞」加 $5 由飯轉「沙律菜」，我哋都覺得兩者都幾好食，幾有川式風味，手撕雞加咗口水汁之後冇乜違和感。套餐加 $6 有凍飲，朋友嘅「凍檸茶」少冰同我嗰杯加 $10 嘅「紫貝天葵」都係正常。

去到先知，原來呢間餐廳個晚市係有火鍋放題供應，睇 menu 見到可以用酸菜魚、水煮魚、烤魚、雞煲、椰青雞做湯底，然後分三級咁做任食，去到 Level 3 仲有兩款蟹腳食，好似好吸引。不過我未試到，大家食完就話我知啦。。。

（地址：觀塘開源道54號豐利中心5樓507室）