魚一壽司 (教育路)

营业中

休息中

今日收工走去教育路搵嘢食...行行吓見到呢間魚一走入去試吓因為肚餓嘅關係...我先叫咗一個自選刺身定食賣相就一般吸引啦因為佢$16一隻嘅大蝦..竟然唔太新鮮甩頭甩計不過$14兩片嘅魚生就好厚肉...👍🏻👍🏻我最欣賞佢$10有兩舊嘅龍蝦沙律壽司...真係幾足料...不過18元2舊蟹肉蟹膏就一般般...呢個炙燒帶子都唔錯我最欣賞係佢嘅燒物...我叫咗一個豚肉蔬菜卷...雖然等得耐咗少少...但係相當夠火喉...因為黎到嘅時候仲出緊煙而且隔格住蘆筍同蕃茄仔...食落去唔油膩而且脆脆地

一人晚餐之選😋1. 串燒牛舌： 有濃郁的黑椒味，爽而不韌，每一塊都剛剛好入口。2. 炙燒三文魚： 入口即溶，日本飯粒，粒粒分明，炙燒突出了三文魚的鮮甜味。3. 加洲卷： 鮮甜三文魚籽配上新鮮青瓜，甜蛋和蟹柳，食落有一種清新的感覺。4. 芝士玉子燒： 香濃煙韌的芝士配上甜滑日本雞蛋，入口即讓人淘醉於食物的滋味，讓人一試難忘。5. 服務質素不錯，一坐下便有職員斟上熱的綠茶，食物由下單到上菜約需15分鐘。下次下次還會光顧～

平時經過魚一都好多人排隊, 所以見今日經過人不多, 就去試試!!中午時泉有午餐都幾抵食, 而且幾多選擇!! 而且午市時段免收加一!!我點了: 蕎麥冷麵配壽司定食 $58壽司包括: 壽司蝦, 鰻魚, 腐皮, 玉子之後還會跟茶碗蒸和蕎麥冷麵!蕎麥冷麵會有隻生鵪鶉蛋給你放進醬汁內, 口感更加好!!蒲燒鰻魚飯 $62會跟三文魚麵豉湯, 前菜和雪米糍, 但雪米糍數量有張, 已經沒有了...蒲燒鰻魚好大條, 味道不錯!! 飯量算多, 都算幾抵食!!

第3次食，第一次食就好高質好厚肉，好大舊。第二第三次食就開始唔同左，第二次食就魚生細左 飯水左食得出水量太多，第3次食就完全細舊左好多，火灸三文魚薄到燒完夾起會散開，同第一次食差勁遠，左口魚又細舊左 飯味仲重過舊魚，話哂都10蚊舊，對比壽司郎人地大大舊都係貴多2蚊，起碼食得滿足係有肉食，呢次係薄到我唔覺食左舊魚，第一次就同壽司郎差唔多咁太舊 其他貝類蝦類都正常size因為都一隻隻都冇得砌細，炸物水準都係ok既 係魚生壽司水準真係好飄忽，唔知係咪多人時間就會差d 冇咩人平日既時間質素好d咁

喺元朗住嘅應該對呢間壽司舖都唔會陌生，係佢開返堂食之後第一次食，依舊新鮮抵食，不過真係好多人排隊，好彩我係叫外賣，不過都等咗半個鐘。可能因為咁有部份壽司賣相真係差咗，不過都唔影響味道嘅。但係火炙壽司亦都因為時間關係燒得唔夠，基本上得個面係燒到，燒唔出三文魚嘅油香，呢個真心要扣分！炸軟殼蟹比以前細隻左，其他手握壽司就冇乜分別，飯實淨，足料。雖然比之前差咗，不過都足夠比一個好評嘅👍🏻希望佢適應返個人流之後會做得比以前更好啦！

話說難得放假入元朗國探朋友大家又講起好耐冇食日本嘢就同步諗起 不如去魚一啦！平靚正之選！.當日星期六中午時間好好彩 拎咗籌只係等4個號碼就到真係算好快！.我就點咗個炙燒左口魚邊丼 $68份量勁足！啖啖魚油入口有冇人同我一樣咁鍾意火炙燒出嚟嘅魚油？鮮味又大滿足😋.朋友就食 京蔥拖羅蓉丼 $58佢都係食到勁滿足加上個鵪春蛋配拖羅蓉係一絕！.刺身就散叫咗三款，全部厚切㗎！三文魚 $32劍魚腩 $58帶子 $38.希望尼間咁平靚正嘅良心小店一直都在！💛

相信‘魚一壽司’對元朗國居民絕對唔陌生，小編由中學開始已經係常客，中同聚會既老地方，所以見佢重新裝修開店就去左買外賣番家食⋯點知質素真心差左好好好多😩，對一間充滿回憶既良心黃店變成咁倍感失落。真心希望店舖可以改善下😔😔😔得罪講句呢個價錢我寧願幫襯爭鮮😭😭立場正確，但食物都要對得住客人。1️⃣三文魚籽壽司（$17）一拎到外賣諗住睇下齊唔齊壽司，已經見佢甩皮甩骨，並唔係拎到返家先整散左，三文魚子跌到周圍都係都唔緊要，一拎到個陣目測個紫菜已經淋哂⋯三文魚籽唔新鮮，有微苦味。2️⃣蟹子沙律腐皮船壽司（$8）賣相較劣，蟹籽沙律得一細忽，味道不過不失。3️⃣火炙三文魚壽司（$7）好耐未見過條3文魚燒d唔燒d...可以見出師傅好求其。3️⃣花之戀壽司（$14）賣相仲差過超市壽司😭😭味道正常4️⃣希靈魚壽司（$10/2件）賣相正常，但食落去無左應有既爽脆口感，抱歉講爭鮮會較出色5️⃣油甘魚腩壽司（$13）無油香味，唔新鮮6️⃣三文魚壽司（$11/2件）味道正常。Ps. d壽司飯都太痴身。可能會有人鬧我唔好踩黃店，但我認為餐廳提供既食物有正常質素係對客人既尊重，今次呢篇食評只係希望如果 魚一見到，可以審視下係一時失手定真係已經無用

🇭🇰之前有朋友推介呢間平靚正+良心店💛但嗰陣裝修冇咗堂食就食唔到 今次就決定外賣嚟試😗嗌完先知要等半個鐘先拎到🙈趕時間外賣嘅朋友落單記得問清楚蕎麥冷麵配壽司定食🍣🥢 $58成個set包咗蕎麥冷麵、4件壽司、茶碗蒸同三文魚味噌湯 幾抵食🤘🏻味噌湯有腍曬嘅白蘿蔔片+三文魚 好鮮甜茶碗蒸睇落好粗糙 但食落都算滑 加左冬菇同蟹柳提鮮 同有仿翅增加口感🤣平時食唔少蕎麥冷麵 好少見會比埋生鵪鶉蛋嘅店 不過想要蘿蔔蓉多啲😛壽司4件都係偏頹嘅 但小編平時就係中意揀鰻魚同腐皮 唔會嫌頹 中意腐皮甜甜地玉子大嚿 喺佢地隔離顯得更大嚿P.S. 好耐冇用過魚仔豉油點壽司啦！

每次夜晚經過都超級多人等，想食好耐而且見佢又裝修過，終於鼓起勇氣一齊等😂等左一個鐘終於入到，好彩門口有凳坐！由於肚餓就無逐樣影，隨心評價下啦💛1️⃣自選壽司x 16 (5分滿分，推薦程度: 🌕🌕🌕🌕)魚生無筋得嚟新鮮，全部都幾正，價錢亦唔貴，後面嘅蟹膏壽司邪惡又滿足，同friend 一人一舊就夠曬！2️⃣麻醬烏冬 (5分滿分，推薦程度: 🌕🌕🌕🌕)本身以為得麻醬+烏冬兩樣野，點知上面竟然有蝦同蟹柳，仲要份量唔少，少驚喜🥰不過一個人食的話，去到最後應該會膩，所以都係推薦同friend share！3️⃣軟殼蟹手卷x 2 (5分滿分，推薦程度: 🌕🌕🌕🌕)食親日本野10次有7次都會叫，呢度會加菜同蟹籽，口感幾豐富4️⃣叉燒拉麵 (5分滿分，推薦程度: 🌕🌕🌕🌗)其實麵質幾唔錯，湯底濃郁但唔會太鹹，合我口味，但反而我期待嘅叉燒太肥，大扣分位😟總括嚟講，雖然多人等位，而餐廳內部我覺得坐得逼，但質素價錢又的確吸引😍我覺得值得等嘅，可能攞完飛去千色行下就啱啱好👍🏼

去開元朗就搵下食，就見到呢間評價係價錢平又唔錯就試下，點知質素真係有驚喜，佢巴火灸三文魚厚肉大舊 食落入口即溶，好似腩位咁正，另外叫埋火灸左口魚，又係油脂爆滿，燒得極香 ，價錢抵又好好食，食左成5舊。佢既吞拿魚就腥左少少 另外仲叫左魷魚 真係好新鮮又大塊，佢既質素拍得住排到2046個間 ，而且價錢抵好多。total食左成2轉，真係太好食埋單都係$199 2個人。未試佢其他野，今次試左壽司已經好滿意，下次再試其他。

當日晏就12左右去到，唔洗點等位就入得👍🏻食飯中途已經好多人等堂食同外賣，好彩入得黎早！兩個人叫咗「壽司🍣松」同埋「魚一極上丼」，份量非常足夠😋冇記錯午市係包一客沙律及三文魚麵豉湯👍🏻每碗麵豉湯充滿三文魚香，入面真係有幾舊三文魚肉😋茶碗蒸則是丼飯餐包埋的🥚$138魚一極上丼🤤內有牡丹蝦、三文魚、中拖羅、油甘魚、帶子、三文魚籽、海膽、池角、京蔥吞拿魚腩👍🏻刺身非常新鮮！ 拖羅、油甘魚同帶子都印象深刻☺️$138壽司-松🍣 包括有牡丹蝦、中拖羅、油甘魚、鱆紅魚、池魚王、帶子、三文魚籽、海膽、蔥吞腩卷🤤就咁睇番原來同魚一極丼差唔多😂😂但賣相我就覺得丼飯靚好多😋唔知係近排剛剛開番堂食人手唔夠(?)食客離座後樓面冇時間收拾，所以令後面人士堂食要等耐少少😂不過好野係值得等待💛💛💛💛💛

黑雨關係，外賣送左一個鐘先到，炸物嘅口感受左一定影響，無辦法。雖然凍左，但都仲好少少脆，雞軟骨香口又大份，好想熱辣辣食一次！炸軟殼蟹，吉列蝦卷。壽司整體質素都高，賣相靚仔，足料，夾落去唔會散開，飯煙韌，料同飯溫差唔會大，好味😋價錢都只係貴爭鮮少少，抵食。個人最鍾意花之戀蟹棒同埋玉子。另外驚唔夠仲叫咗個飯，牛肉厚身，都幾重牛味，都係可惜凍咗😔一定會再食多次！好少何有呢個質素但係價錢平民化嘅日本菜👍🏻

係屋企懶得煮又唔想落街買，唯有叫下外賣 🤣🤣淨係得自己一個人，所以叫咗個冷麵同十件壽司就夠，都幾快送到🤙🏻🤙🏻味道方面覺得正正常常，對得住個價錢，連埋運費都係102蚊，算係性價比高🤩🤩-下次想食壽司都會繼續嗌呢間

因為疫情嚴重，相信大家都會外賣買嘢食返屋企，今日試呢間旺店壽司-魚一 喺元朗出名咗好耐，專登買外賣返屋企試下！見到有其他人話漏單情況嚴重，其實打電話去外賣自取會比較方便，亦都唔會有漏單嘅情況！因為店員會好細心咁再同你對多次個單有冇錯~-我哋總共叫咗花之戀 2件，吞拿魚壽司2件，三文魚壽司4件，鰻魚壽司2件，活赤貝 1件，赤貝1件，北寄貝10件，蟹籽20件，粟米沙律軍艦6件，玉子壽司 2件，蟹肉蟹膏軍艦2件，青瓜小卷一客，一個軟殼蟹卷同一個蔥吞拿魚卷。($497)-雖然係外賣自取，但係其實我哋好快就已經攞到返去，食物質素冇話變差，但係可惜有啲壽司賣相唔靚，好似花之戀咁成件散晒但係食材來講係非常之新鮮，而且都值得大家去試！都起碼證明點解咁多人會排隊～-地址: 魚一壽司 (元朗)（近康樂路輕鐵站）元朗教育路68號兆豐樓地下7號舖

🔥Soba with Sushi Set🍱($58)蕎麥冷麵配壽司定食蕎麥冷麵有點顆粒感，不是很細滑的那種，把生鵪鶉蛋打進冷麵醬汁，夾麵到醬汁沾著吃，清新無負擔。壽司也是清淡的配搭。茶碗蒸的蛋蒸得嫩滑，內有冬菇和蟹柳提鮮。-🔥Chiku Seared Sushi🍣 ($98)竹 火炙壽司壽司蝦、皇帝蟹肉棒、左口魚邊、帶子、牛肉他他、加州卷x2、茶碗蒸]抵食壽司盤，炙燒令食材多一種香氣!-🔥帶子 炙燒三文魚腩x3其實餐的份量都夠飽，不過還是追加了~-🔥三文魚麵豉湯 (餐奉送)麵豉湯以真材實料的大件三文魚熬製，不過就會比較多油浮在湯面。-朋友帶去的元朗日本餐廳，內籠不大，我們通過狹小的吧檯旁的走廊上樓梯，樓上也沒有很大，不過食物質素不錯，價錢合理搭救! #支持小店#黃店 💛-