魚一丁刺身居酒屋 (已結業)

魚一丁星期五約左朋友雪茄局，所以一早過海，諗住去世貿食吉烈和牛，但係非常旺場(As Expected)，要等四十張枱，好食嘅野一定多人欣賞，所以走落一層，見到竟然冇人等位，其實都知唔對路(加上女朋友都唔係好鐘意)，但係一心快食，然後去食雪茄，所以就入左去。坐低已經唔高興，被安排兩個人排排坐面對牆。打開Menu，女友已經講明唔準叫刺身，因為覺得唔低，其實其他選擇唔多，所以叫葱粒Tuna魚飯，冷烏東，冷豆腐，炒什菜。先黎葱粒Tuna魚飯，睇落有少少怪，因為加左生蛋白，自己好怕”淋刺刺”嘅野，Tuna魚容已經有少少淋，加賣生蛋白真係淋度暈，加上魚容切得唔夠容，好多魚碎，口感好似食緊D餸頭餸尾，魚生做得唔細心，食落其實好嘔心，食到一半女朋友幫手食賣佢。冷豆腐幾好豆香，而且好夠凍，成晚覺得最好食。冷烏東，好彈口，但冇乜特別，好多餐廳都係差不多。炒什菜，味道OK，但係麻麻夠熱，又唔係好乾身。其實睇完Menu都已經有D想走，食嘅野同和民差不多，但樣樣都貴D，唔可以話難食，但係食D甘普通嘅要HKD300，Service又麻麻，真係可以去好D，唔怪得星期五都唔駛等位。

好耐都無去過魚一丁食野, 突然想去, 就揀左星期六既lunch 中午人唔太多, 幾清靜...好鍾意食魚一丁既煎蛋卷, 就問waiter可唔可以lunch落order,ok喎, waiter即刻拎個grand menu黎, 仲話有d野都可以係lunch落order的, 叫我揀完再幫我問問,後來, 我要左個魚生飯定食, honey要左個燒牛扒定食. 同一個煎蛋圈.煎蛋卷 - 真不愧為我既至愛, 好香, 好軟熟...魚生飯 - 好夠份量,好多魚生...最終我係食唔哂, 要honey幫我清左d魚生...味道亦好好...燒牛扒定食 - 我無食, 但honey話好好食,睇得出既, 因為佢全部食哂!我鍾意lunch去魚一丁多d, 人少d, 可以慢慢食...

雖然知道魚一丁這店很久,但等到今天才有機會藉慶祝來試試~Lunch 的人流並没有想像中多, 所以很快便可以坐下點食物,其中有十多款lunch set選擇, 豐儉由人, 由$68 至$128也有; 而我和男友則選了兩個$88的set - 北海道魚生飯+ 燒牛肉定食。大概十分鐘後，兩個满满的食物盤便出現眼前！（很喜歡定食的原因是有種很豐富的感覺！^v^) 有前菜, "mi-so", 蘿蔔三文魚頭, 主菜, 還有飯後果-蘋果! 我的魚生飯味道不錯, 材料新鮮, 唯一不足是覺得略少魚生,有很多蛋～而炆的三文魚也很入味，不錯不錯！而男友的牛肉卷也不錯，牛肉卷著菜燒，加上酸辣汁來吃很開胃；而他的set更有豆腐沙律，酸酸的豆腐加芝士粒和生菜，喜歡吃沙律的我就很喜歡，但他就不太，所以其實食物好吃與否有時真的跟個人口味也有關的~最後還有餐飲-lemon tea~*聽男友說魚一丁好像漲價了, 之前吃甜品只需加大約五元, 現在要多加$18才有呢...對草餅情有獨鐘的我本來想試其中一款的, 但因為lunch time limit的關係, 最後都没有試呢~><" 哈~唯有下次再試吧~總括而言,

又係星期五, 今次試乜好呢? 同事一早已經諗到想嚟「魚一丁」食!佢話以前食過, 雖然貴, 但好好食! 真係唔知「魚一丁」原來有set lunch 架喎~好耐以前同老公嚟食過晚餐, 知道佢啲刺生真係好新鮮,但就好貴! 食咗唔算好多嘢, 兩個人埋單都要五百幾蚊..................呢期工作辛苦, 都應該要食噃好啲, 令自己開心啲, 所以知道貴都要嚟試下!我哋都唔駛點揀, 係咁倚睇晒個餐牌後, 就落order 叫咗兩個「北海道雜錦魚生飯定食」!嘩~~~~~~~~~~~~~~~~~好大碟呀~~~~~~~~~~~~~~~~~~~~~~~我諗呢隻碟個直徑有大約35 cm ...............材料有甜蝦一大隻、吞拿魚、三文魚、三文魚子、蟹子、油甘魚、墨魚、蛋、日式魚蛋等等,啲刺生真係超新鮮, 同埋都好靚好colourful, 好好味呀!!個麵豉湯食得出唔係味精, 仲有啲翠肉瓜, 仍然好爽口, 正!!另外仲有前菜酸瓜、日式蒸豆腐, 酸瓜唔太酸又夠爽, 豆腐超滑, 好好味呢~至於個柑... 我哋食唔落啦! 因為個飯既份量真係幾大架!但由於太好食, 所以我哋兩個都食乾食淨!!對呢個

想食刺身,有個SET 係280蚊~有8款~~正!!想食牛舌飯,已經沒有了只好食牛舌燒.....仲有個雞肉土豆燒.....這個唐揚不太好味~~~有點咸...又是吃一丁面沙律。飽飽.又飲梅酒.....................好好味~乳牛樂園可好好味.無咩人加水,但那晚好開心。

前幾同朋友去呢間魚一丁食DINNER, 2 個人嗌0左:拉麵沙律---> 不嬲都好鍾意食, 依然咁好味! 松葉蟹腳---> 新出0既, 肉質好鮮好甜, 特價$100 好低食! 牛肉窩---> 湯底以前偏甜, 今次好咸, 少少都飲唔落! 牛肉以前好軟好滑, 今次仲CHEAP 過任食打邊爐0個D, 又"鞋" 又"un". 差~

做完facial食個lite dinner.八款刺身, 有吞拿魚, 八爪魚, 帶子, 三文魚, 魚, 章紅, 甜蝦和類似劍魚背物體. 全部都新鮮美味, 劍魚背入口似肥豬肉. 芝士三文魚卷不過不失, 芝士香軟.久違了的金馬倫芝士卷再現, 定必捧場. 麵包卷着camebert芝士, 炸得香透, 芝士半溶, 十分香口.

約咗個舊同事食飯,唔知食セ,去咗魚一丁,我第一次嚟.叫咗-5式sashimi(有甜蝦,三文魚,帶子,tuna,油甘魚) 油甘魚好實,似雪咗好耐咁,其他一般-葱粒tuna飯 dtuna好爛,無セ鮮味-燒帶子 都ok嘅-蒸蛋 好大碗,蛋好滑,Ｄ蝦幾爽-麵沙津 無驚喜兩人埋單HKD485,以後都不會再去~

想寫自己意見時, 竟然見到樓下叫\"昔日魚一丁fans\"個食評, 完全就係我想講嘅一模一樣!已經有一排冇去魚一丁, 今晚同朋友行開果頭就上咗去...去到七點幾晚飯時間竟然唔駛等位, 入到去都見到好多張吉枱冇客. 打開menu, 心諗中招! 個新餐\牌好唔吸引, 平時食開好多啲熱盤唔見哂, 個menu完全揀唔落手, 求其order咗個特價刺身拼盤,壽司拼盤,拉面及烏冬..埋單5佰幾蚊...當然食得唔係好飽, 但真係冇咩可以order..所以情願之後去第二度補飛...下次我會睇下個menu先入去!

換了新Menu, 少了好多菜式不突止, 新加的又貴又唔好食.拉麵沙津還在, 但其他以前熱賣的菜式都不見了.在香港, 日本料理店多的是. 這麼不尊重舊顧客的餐廳, 不去也罷!

於上星期五晚上去食飯時，發現刺身拼盤中的海膽刺身有異味，向侍應反映，豈料換來一位姓胡的女士，不清楚是經理還是部長，惡言相向。已出了電郵向其集團投訴，但沒有回覆，其愛理不理的態度令人髮指。投訴信詳情如下，給各位會員參考：威軒管理(香港)有限公司魚一丁刺身居酒屋- 世貿中心店經理： 本人於二零零七年八月二十四日晚上十時三十分在貴店晚膳，用膳期間，發現刺身拼盤中的海膽刺身有異味，於是向其中一名女侍應反映意見，而此女侍應即時主動提出更換該半板海膽之安排。 然而，若干分鐘後，有一位身穿黑色套裝，束短曲髮之胡姓女部長，強辭奪理，態度囂張，表態貴店之海膽絕不可能變壞有異，堅拒更換。 首先，本人只是向貴店侍應反映意見，從來沒有表態要求更換任何食品，但十分欣賞該名女侍應提出更換海膽之安排，故此亦欣然接受；但其後該名身穿黑色套裝之女部長，其回應囂張態度、侮辱性之說話及理據，均令人難以接受，胡女士在整件事當中處理失當，服務態度欠佳，恐有違貴店「以客為先」的宗旨及影響　貴店的良好聲譽。 本人要求　貴店能作書面道歉，並對該無禮的店員作適當處分，以及改善員工的服務態度。敬希　貴店能盡快給本人回

兩個人叫左幾多野食,個個都話要食既沙律拉麵,其實唔明點解個個都話要食,味道無乜特別喎,燒牛肉飯好大個,牛肉亦ok,不過$70似乎唔值囉,芝士年糕要快d食,凍左就會變味,燒帶子又係普通,最好食我覺得係個燒雞沙律,酸甜既醬汁加埋炸得剛剛好既雞塊,正!

彩虹牛油果卷：（＄７５）如圖，共有６件，其中３件上面有料！（我也是被上面的材料吸引而點的^^）每件相同的內容是牛油果和忌廉芝士。興奮的是甜蝦、海膽、魚生都好新鮮！上面的料真是讓人懷念得很！尤其甜蝦的大！白汁焗豆腐生蠔：（＄５５）出乎意料之外的好味，好多芝士！白汁濃郁！令平凡的豆腐添上香氣！生蠔都好！因為味濃，感覺份量很足！天婦羅湯烏冬：（＄７０）天婦羅有海老、鮮魷、蕃薯、青椒、茄子。樣樣都很香脆新鮮！天婦羅最緊要熱騰騰！湯烏冬的湯如淡淡的麵鼓湯加蔥，烏冬煙靱！整體來說食物質素蠻好，價錢不太划算但還值的。服務和環境則一般，沒有訂位的沒有有背椅啊！

琴晚同同事去魚一丁慶祝生日,以前食過幾次,都覺得ok,尤其係一丁拉面沙律.點菜時,我諗住點個鐵板腸,因為我睇過其他食評,佢地話呢個腸好味,所以咪試囉, 點知…個waitress話冇,好奈都冇入貨..我心諗,你都話好奈都冇入貨,點解餐牌唔貼上暫停呢,等人一睇就知麻,唉…1.三文魚刺身--- ^-^ ok2.一丁拉面沙律---^.^ 保持水準,同事都認為呢樣最好味3.自家制魷魚餅--- >.< 唔掂,以前食過好有口感,但今次就“林bi bi”,失水準4.豚肉椰菜味噌炒--- >.< 豚肉好肥,不如叫“肥肉椰菜味噌炒”好過,唔駛俾人誤會5.串燒盛合--- no common,因本人冇食,但同事又冇話特別好味6.八爪魚唐揚--- >.< 炸物,見到都唔想食,因為好多油,加下油浸八爪魚咩…失水準7.燒帆立貝--- >.< 細粒,太乾兼有d燶,好失望8.雞肉土豆芝士燒--- ^-^ ok,但雞肉因為炸過,比較多油9.彩虹牛油果卷--- ^-^賣相幾睇,都幾好味,可以試10.三文魚卷--- ^.^ 三文魚包住芝士同牛油果,都係我既至愛1

同朋友仔為左條鐵板腸,決定去魚一丁.點知一入到去....「條腸無入貨好耐law 喎~」(但係個menu係仲有既)即刻想走...不過都係食左以下既野:冷烏冬:鞋口,太粗,唔夠凍.壽司盛:有8件普通價錢既普通質素貨,呢個價錢同味道...我會去元氣.仲平仲好食汁燒雞軟骨:兩串...貴,味道,普通.銀雪魚西京燒:呢個最好食,好滑,無腥味.綜合以上,加埋無左條腸...我諗都唔會再嚟.再見啦,魚一丁.