影片
食家推介
晏昼经过奥海城去咗入面嘅 Food Republic，谂住随随便便食个快餐，拣咗一阵都唔系好拣到餐厅，见到有间食沾面嘅高桥沾面制作所，谂住特别少少试一试，见佢有个高桥龙虾沾面，张相有个龙虾钳好似几吸引，就叫咗一个嚟食，预咗一定会图文不符，始终几十蚊唔通真系会有咩龙虾食咩，所以抱住个随随便便嘅心态去食，个汁系石头锅上餐，出餐嘅时候滚到出晒烟，其实见到感觉都唔错，个面就另上，仲有流心蛋、豚肉同埋其他配料，啲面我觉得软硬适中，留心蛋就一般般流心，个沾面汁其实好似龙虾汤，个汁杰身咗少少，不过可以接受，虽然冇只龙虾钳俾你，但系入面都有龙虾肉，老实讲龙虾肉唔算多，但系价钱对比我觉得都合理，个面都几挂汁，至于个豚肉稍肥但系都几腍，肉身未做到焦香效果，不过味道都唔差，特别系以 food court 嚟讲，质素算唔错。
继续阅读
唔想食沾面所以简左佢嘅自选拉面加吉列猪扒，咁就中左伏，叉烧超薄切加阵味㶶㶶地，汤底冇味嘅要加劲多七味粉先食到。块猪扒先系极品，食得出好劲松肉粉加埋果阵油溢味，食左半块就想呕，我平时几难食都唔会浪费食物都顶唔顺要放弃佢。仲要成个餐加埋成百蚊，好后悔唔食豚王简左尼间野，简直系贴钱买难受，可能佢主打沾面会好啲，但系点都唔会再试，尼间野真系不可一不可再平时中伏都系食完就算，尼间野系伏到要上嚟写食评唱衰佢，。
继续阅读
大家都知奥海城food court 入面有好多餐厅～今次简左食日本野极上3L广岛蚝赤海老拉面 $86大大只蚝配上沙律酱同埋甜甜地的酱～有糖心蛋一只、紫菜一块、木耳同埋笋 仲有超多块叉烧 叉烧有微微烧过 系幼面款豚肉鱼介沾面 $68呢款比较偏重口味 会dd 因为好浓缩 入面系有豚肉 其他同上面一样配料 不过就系粗面 有咬口的质感～胜在份量超多 大碗到超饱肚啦🤣高桥沾面制作所 (大角咀)大角咀海庭道18号奥海城2期1楼大食代5号舖
继续阅读
位于奥海城 Food Court的「高桥沾面制作所」主打价钱实惠，由日藉大厨高桥先生及松浦先生主理，提供多款特色沾面和拉面，更有极上3L广岛蚝及特色小食。「豚肉鱼介沾面」$68鱼介汤上枱时仍然保持汤滚，汤底浓稠不过偏咸，面质有咬口，配有6片薄切烧豚肉，肉质较干身。「极上3L广岛蚝豚肉拉面 」$86拉面汤底同样偏咸，配料有樱花虾、木耳丝、溏心蛋和数片豚肉薄片；极上3L广岛蚝肉质尚算饱满，份量有手拳般大，可惜炸粉较厚，配上沙律酱和生蚝蘸酱。✨食物味道不过不失，胜在价钱实惠
继续阅读
同朋友经过奥海城谂住行下food court以为无乜野食时发现呢间几多人排队于是叫左几样试下海老沾面一出餐个石锅热辣辣，滋滋声拎去座位时有点重要小心食落个虾味几重，食食下饮下水清下味蕾会好啲但基本上粗面唔怕好硬，沾啲汤食唔会好漏重口味人士可以try秘制辛拉面汤底颇辣，中意剌激既朋友肯定会喜欢面底系幼面，食到最后啲汤都无哂炸鸡丼虽然有一只溏心蛋同少少酱汁但略嫌饭有少少干饭有啲硬，加埋炸鸡要加水饮先无咁干哽炸鲜奶卷同章鱼丸子正常发挥，不过不失经过既朋友都可以一战食物水准都系预料之上～价钱都平均可接受
继续阅读