影片
不得不承认，原本行到荷兰街唔系为咗食呢间而系隔离嘅泰国菜。但阴差阳错我最终冇行到入去而系选择咗呢间睇落有D平常嘅茶餐厅。入去揾咗个最笃嘅角落位坐抵，跟住年过半旬嘅伙计阿伯走过嚟问我食D乜，我话要个珍宝杂扒，又惊唔够正想嗌多个意粉配餐，结果阿伯好心提醒食住先啦，个杂扒好劲咖一阵上嚟你就知。结果如佢所言，真系管饱，好味但食唔晒，好彩得佢提点先冇浪费。虽然闲闲哋不过5蚊，但有feel到果阵唔多见嘅人情味。希望keep住，下次有机会一定再帮衬。
继续阅读
#高升茶餐厅 圣诞节梗系要食大餐啦！逛完庙街夜缤纷同尖东海旁之后，拿拿声返到西环食呢间茶记嘅铁板晚餐。去到已经八点几，即刻落单，资深店员竟然问我要几成熟，我话五成，心谂无论我讲几多你都系煎到九成㗎啦，因为之前试过无数次😪点知今次有惊喜，块肉眼牛扒真系好淋，唔似系用梳打粉拿到死晒𠮶只，而且块扒都几厚，原来本身都有跟波浪薯条，唯一美中不足系快铁板唔够热，可能因为临近收工，亦可能系刻意令到块扒唔会继续自己煮熟。个餐仲有杯嘢饮同餐汤，要咗冻柠茶同罗宋汤，$78+2。罗宋汤就似杂菜汤，同样都系唔够热，冻柠茶就正常。以呢个价钱嚟计有呢个质素真系算唔错。@foodiehck2022#港饮港食平靓正#西环 #晚餐 #茶餐厅#肉眼牛扒 #铁板 #小店#抵食高升茶餐厅西环坚尼地城荷兰街7号地舖
继续阅读
今次并不是第一次帮衬此店, 不过之前未有影相及亦未想起写食评, 而今日因事再到西环, 所以再来食个下午茶餐, 又因为己是下午3：30上下, 比较肚饿关系, 所以“杨州炒饭”一到, 便狼吞虎宴上了😂, 到吃了五份三后, 才发现己经饱了, 因炒饭非常大碟, 是坊间某些店的正价份量, 最后惟有叫店员取来外卖盒包走, 炒饭价$42, 加冻柠茶少冰$2, 另有足料二件排骨冬瓜汤送, 总计$44, 而上两次是吃干炒牛河及三丝炒米, 亦是份量很足, 冻饮来说是不过不失, 以价论值是抵食, 今次因吃饱才记得影相, 所以看起来份量很少, 因只是原来的五份之二吧了😂😂😂
继续阅读
贪方便又懒就谂住食个茶记拿拿临搞掂一早十一点打电话叫定外卖阵间落楼拎个店员话15分钟有我就廿几分先落到去点知都仲要等多十分钟先有入面唔系忙 好几个人仲无野做企左系度整个焗饭都要成半个钟先有个店员仲话十一点先开档所以会迟啲咁你十一点就要整架啦 整个饭唔洗半个钟挂之前已经有一次系咁 隔左好耐冇食都系同样情况一定唔会再帮衬呢间食物份量足够 一定够饱 但味道一般个饭啲汁就太多 搞到无咁好食汤无乜味 柠檬茶都系冇茶味冇柠檬味
继续阅读
某星期日去饮茶但full house, 小编纯粹路过想揾个地方KO就拣左呢间食左个简单lunch, 发现呢间野原来都几平，一个是日set lunch 只需$40几蚊咋👍🏻😆仲有得拣中汤定红汤（附送）。当日有A-D餐可以拣，小编拣左干炒猪扒乌冬，野饮转冻饮都只系2蚊咋！ 整体味道唔错，份量好足👍🏻，呢餐简简单单又满足！分数：（10分满分💛）味道：7价钱：7.5环境服务：7.5（以上评分只是小编个人口味而已）
继续阅读