影片
以上资料只供参考，请与餐厅确认详情
讲到湾仔区两𩠌饭，你一定无可能唔识<骆克美食>既两𩠌饭😜呢间铺仔细细，未到12点15分已经有一条龙饼系骆克道🤣你会发现佢价钱唔平，但全部排队都系fans，个个打工仔西装长裙都会为左佢既两𩠌饭而停留🤗⭐佢个餐单好吸引，图文并茂，不过实际菜式要睇返当日供应!有一D受欢迎既就日日都有，好似肉饼，蒸水蛋，椒盐猪扒，辣子鸡同水煮牛肉呢D。好多食物选择😆所以饭都会配例汤，唔饮例汤都可以加钱转冻柠茶或者冻奶茶既饮品👍留意返佢价钱比坊间两𩠌饭贵，但无论味道同份量都搜得住个价钱。佢好食到我公司有差唔多一半人都系食佢既两𩠌饭🥰证明真系好好食👍⭐我必食既菜式一定系辣子鸡同水煮牛肉，蜜糖薯仔牛柳粒，肉饼蒸水蛋都好好食。佢既蒸水蛋唔系好水，可以用筷子夹起。留意返其实我留意到无论叫三𩠌定四𩠌，份量都系差唔多。咁叫三𩠌会抵D😆不过我成日想食多D唔同款，可以同同事share，好多时候我都会叫四𩠌，哈哈🥰🤣🤣🤣如果你系附近返工，真系可以做饭堂架🥰
继续阅读
喺湾仔食lunch如果讲到两𩠌饭，我第一时间就会谂起骆克美食，佢有差唔多成30个𩠌任你选择，而我今次就叫咗蒸水蛋同咸蛋肉饼，份量十足，价钱都只系$42，仲有汤送，简直系平民恩物，所以每日都劲多人排队，佢夹𩠌嘅速度都好快㗎，所以其实都方便！当你以为佢只系一个普通嘅两𩠌饭，食物质素未必好好嘅话，咁你就大错特错啦！就好似我呢两个𩠌为例:肉饼劲大旧，咬落去又juicy，又松软，而蒸水蛋又唔会水汪汪，用筷子都可以夹得起就知佢几足料啦！
继续阅读
我啲朋友成日话我食啲嘢好贵 其实我都有成日食平嘢嘅时候 我好钟意食两𩠌饭 因为屋企成日都唔煮饭咁咪唯有试吓啲住家野 但系其实我唔系住港岛 因为𠮶日做完嘢都已经好晏 谂住买个饭盒返屋企食 经过见到呢间两𩠌饭 佢个Menu望落好吸引 不过价钱好似比附近贵少少 不过算啦佢都几多选择 见份量都好多平时我最钟意食两𩠌饭嘅黑椒蜜糖薯仔牛柳粒所以我就试吓佢个蜜糖薯仔牛柳粒另外，仲叫咗川味辣子鸡 有惊喜唔错㖞 啲牛肉一啲都唔硬都好入味 另外辣子鸡超好食下次都会帮衬嘅 后尾朋友讲原来晏昼呢间餐厅好多人排队 两𩠌饭真系打工仔嘅恩物
继续阅读
最近香港各区多左唔少两𩠌饭湾仔都唔例外轩尼诗道果边都新开左两间只系$30两𩠌相比之下 骆克美食$42两𩠌饭嘅价钱显得相当进取但午餐时间嘅人络绎不绝所以决定试一试 睇下系咪咁好味大慨12:30黎到，人龙跨越左几个舖位😵💫等左15分钟先买到睇到餐牌见到有唔少其他两𩠌饭店少见嘅𩠌菜例如酸菜鱼 辣子鸡 水煮牛肉等等今次简左水煮牛肉同鱼香茄子水煮牛肉唔太辣，辣d会惹味d牛肉片份量都唔少 有8-10小块口感松软，食到少少梳打粉味，冇咩牛味不过只系几十蚊两𩠌饭唔要求太多😌鱼香茄子就正常发挥，虽然见到少少辣椒碎但完全食唔到辣味包一碗例汤，淡淡地冇咩特别可能因为价钱比附近两𩠌饭贵，味就冇咩惊喜 同埋又排左咁耐 期望高左d可能其他𩠌会好食d? 见手撕鸡望落几嫩味道唔差嘅但未必会再帮衬
继续阅读
今日晏昼第一次食久仰大名嘅三𩠌饭。可能因为我一点半先去到，啲𩠌有啲冻。不过整体嚟讲都算ok啦。48蚊，送一碗汤，性价比高。𠮶度有电视机，可以一路食饭一路睇新闻。
继续阅读