影片
呢间驷马拖车开系将军澳调景岭ㄧ段时间了，每次我都是收工买外卖回家，今天心血来潮早收工决定入店座低试吓热辣辣上桌的好滋味🤭✨.环境宽敞台与台之间都不会太近，而且我觉得值得ㄧ赞店内用上新型自动加水煲水机，不用员工加水，相对另食客感到省时👍🏻✨.ㄧ定要大大推荐平时我必点的几道菜🔹咸骨春菜萝卜㷛份量好足也好新鲜，排骨煮的好淋且肉味鲜甜，而且有好多萝卜亦都好甜，真的比出面食过的更加足料又好味🔹 椒盐九肚鱼 超爱炸物的不能错过，外酥脆内嫩又多汁，炸浆唔会劲厚啖啖肉，再蘸上酸醋去腻添清新🔹 潮州蚝仔粥虽然话就话系一碗，但系大碗到够两个人share都够食蚝仔都几饱满大粒，蚝仔带出粥丰富的海鲜味道和独特的口感而且食落唔腥无异味，再配搭少许胡椒粉更增添香气，食完好暖胃🔹 卤水鹅片卤水鹅片是潮州菜必典的工夫菜色，呢度的鹅片份量都好足，肉质结实肥瘦适中而且味道新鲜，底下铺咗层豆腐品质唔错，夹落唔会散，摆喺底嘅时候索哂鹅片肉汁同豉油咸香，非常好吃😋.🔹 银杏芋泥呢个必食，劲推介🙌🏻芋泥质感好绵滑甜度刚刚好，啖啖芋泥真系好满足，配住上面的银杏食都好味✨..价钱方面都算是抵食的啦🤭🙌🏻大家有机会试试，目前有2间分店👍🏻✨..
继续阅读
今日去将军澳开会顺道揾朋友食个饭，见到呢间食潮州菜嘅套餐几抵食，就入坐喇。🐟椒盐九肚鱼 $72九肚鱼配椒盐咁炸系最好正，炸得酥脆可口，炸浆唔会劲厚，啖啖肉😋，蘸上酸醋去腻添清新。🥢$1蚝皇鲍鱼只需$1咋，堂食先有呀，基本上枱枱都必叫，超抵食，当然每人只限一只😜，烩得入味，质感弹牙又唔会韧到咬唔开，有饱鱼味，唔错😙😙自选两款小菜 加卤水拼盘 $198🦢卤水鹅肉拼盘有鹅片，红肠，猪腩肉，鸡蛋，豆腐，卤水唔会太浓淹盖咗鹅肉嘅鲜香味，腩肉肥瘦均匀，食完都唔会太大罪疚感😆，鸡蛋豆腐索晒个卤水汁都好食。🐷潮式味菜炒大肠即叫即炒，都几大碟，大肠同三色椒洋葱味菜等一齐炒，大肠唔算太肥烟韧有咬口，索咗个汁几好食。🐔烧汁芥兰鸡球份量十足，个汁够惹味，芥兰翠绿又爽口👍🏼，鸡肉嫩滑软腍，整体唔错。拣了餐牌上两款甜品🥭香芒糯米卷外皮烟韧有椰丝，芒果清甜，大件啲会更开心🍬银杏芋泥呢个必食，劲推介👍🏼。芋泥质感好软滑，又唔会好甜，刚刚好，啖啖芋泥真系好满足❤️。上面嘅银杏都不可睇小🤤，好好食，好烟韧㗎，一个字正😍
继续阅读
根据维基百科，驷马拖车是一种大宅院的设计，名字听起来就很古色古香。调景岭的驷马拖车是食潮州菜，装修清雅，播著纯音乐，好像去了高级中菜馆，不过价钱只属屋邨级数。茗茶很特别的可以选择荔枝红茶，果茶芳香，茶色如琥珀般的，茶味醇厚浓郁，没有丁点苦涩味。自动煲水设计很好，可以随时自助加水。卤水鹅四拼盘 卤水鹅四拼盘摆设得很工整，用上鹅片属于卤水中最贵配料。鹅片连皮切成一大片，厚薄适中，皮下脂肪不多，肉质略瘦，鹅味到位。五花腩肉切成薄片，肥肉瘦肉层次分明，肉质比全瘦猪肉要好。韭菜猪红 猪红切成长方形，工整不易散开，猪红入味爽脆，配上同样入味的韭菜很惹味。海蜇手撕鸡 海蜇手撕鸡以小食价钱来说，份量算很多。夏天天气闷热，令人没有胃口进食，这碟海蜇手撕鸡食下透心凉，麻酱味道开胃，鸡肉鲜香十足。 潮州沙茶牛肉炒河 沙茶酱浓杰适中，牛肉薄片软嫩，加上芥兰及镬气炒河，是一道简单好味菜式。
继续阅读
作为潮州人，得闲都想食下潮州菜，今日同朋友去调景岭食饭。去到门口，听到店员大力推介，有$1只鲍鱼，仲要系蚝皇泡制，够晒入味，仲有西兰花索晒蚝油汁，非常抵食。前菜有经典甜咸菜，食到停唔到口，仲有卜卜脆花生。见到餐牌好多选择，见好耐冇食鹅翼，叫了份鹅掌翼$108，一次过食晒两样，真心好食，鹅翼肉质好滑，又多肉。以前食既大多系烟韧同干身，第一次咁嫩滑，卤水同肉味突出。椒盐九肚鱼（$72），够晒香口又脆身，鱼块廷身，唔多骨，椒盐好惹味。潮州名菜之一，沙茶牛肉炒河粉$82，加花生酱，好香，牛肉大块，肉味浓，配上芥兰，好爽脆，份量够晒大碟，够4人份量，甜品叫了芒果糯米糍，除了芒果肉，还有鲜芒果酱，清甜。走时见到还有好多打冷名菜，下次都要再试下其他先。
继续阅读
呢晚约左朋友嚟调景岭呢边食饭，呢个商场我系第一次黎，因为朋友喺呢边附近返工，而朋友乡下亦都系潮州，所以我地就拣左呢间餐厅。冻乌头（＄168）：朋友点呢个都系潮州嘅名菜，而且佢话屋企成日都会煮，不过佢话呢排好奈冇食了，加上又想试下餐厅嘅味道，呢度嘅乌头已经切开左，起左大部份既骨，条鱼本身有轻轻调味，带有微咸，鱼味亦都浓郁，鲜甜美味，而且配上一个咸咸香香嘅豆酱点黎食，我从来都未食过哩种味道，觉得好新鲜同埋好吸引，更能提升鲜味，食到唔停口。椒盐鱿鱼须（＄78）：一向都好钟意食呢度菜，椒盐味好香，够脆口，而且鱿鱼须份量都多，鱿鱼爽口弹牙，很惹味。咸骨春菜萝卜㷛（＄88）：排骨够林，肉味鲜甜，而且有好多萝卜，煮得够林，亦都好甜，菜嘅份量都多，亦好新鲜。呢度嘅水系每张枱旁边都有个水机可以自动冲水，同自动㷛水，非常方便，要用滚水茶叶先会香。另外，餐厅搞紧优惠，有一蚊一份鲍鱼，不过因为朋友唔中意食鲍鱼，所以我都冇叫了，不过其实都觉得非常抵。白饭＄12茶@＄10前菜＄12
继续阅读