影片
最近太古城中心 food court 开咗间新餐厅「驰名烧鹅」，网上写话系师承「镛记」同「甘饕」派系，主打传统烧味工艺同自家调制烧汁，听落都几有来头，所以就试咗佢哋招牌 烧鹅下庄（$170）。鹅皮烧得好靓，色泽油亮，够香够脆，油脂分布唔错。鹅腿肉份量算ok，咬落唔鞋，又有咬口感。但我觉得初头食时味道偏淡咗啲，幸好淋埋佢自家烧汁之后，整体层次提升咗，鹅肉香中带微咸，捞埋饭一齐食非常夹，食到后段会觉得愈食愈惹味，可能餐厅本身就想用清淡鹅肉去突出烧汁嘅层次感，如果系，呢个做法都算几成功。总括黎讲，价钱唔算平，但整体质素唔错，值得一试。同场见到唔少人拣叉烧，睇落都几吸引，下次可以试埋。
继续阅读